2 Korint 10:4 - NQAARIIT NE ROOG

⁴ Yaam refee yee njer jalu ƥonax ke i ñoxorteel. Ƥonax in kaa inoor na Roog, a njeg katil boo a mbaag o njiƭit saŋe ke. Kaa i yaqaa xa ƭelem xa maamaaɓ axe,

2 Korint 10:4 Referans Kwoze

2 Korint 6:7

fo na pexey waare in no ndigil ne fo na pexey katil fee Roog. Ƥonax in refu o cofel ole i ñoxorteel soo mbegoortan.

Yeremi 1:10

Ɗeeti, mexe dalnang xaye took qeet ke fo maat ke, ndax o fuuraa soo maafaa, yaqaa soo baytaa, maxaa soo jimbaa.»

1 Korint 2:5

ndax o ngim nuun a riƈatoox ke adna a mbi’na o jeg-yiif, a diƈoox took katil Roog.

1 Timote 1:18

Timote, wo fee o ƥees, keeke refu a cangin ale um doxnang. Kaa yoon fo fa lay fee we na njo’tanaa a Roog a lay’ina na wo yaaga. Fa lay feene xan a saƭakinong, ndax o waag o maafrel njom mbaax,

O leetar ole Pool a bindna GIMU WE NGENNA ROM 13:12

O yeng ole xe faafaa, too mbeet ne xey a leeliidaa. Fat i mbaas boog a pi a niɓaanu ke, too nqot ƥonax ke Roog a cooxna a in, ndax i ñoow na qoolaand ale.

1 Tesalonik 5:8

Fat i mbod no ke i mbi’aa, in we ndefna na qoolaand ale. Fat ndoki njelem in a ref o ngim fo o mbeq, soo o maxanda njelem in a ref i yaakaaraa a muc ale.

2 Korint 4:7

Kaa i saq halal feene, in we ndefna pand maxte lanq, ndax katil neene jegeerna o nand inoorkee no leng na in, ndaa ta inoor na Roog.

O leetar ole Pool a bindna GIMU WE NGENNA ROM 6:13

Ba nu ƥoxot ke mbogna no cer nuun, ndax da njalan bakaad, nen calir kaa na ndimaa njofaƭar. Kaa koy, ndeɓooxyo nuun fa qoox nuun na Roog, nen waa suqtiteena na fa nqon, too a ñoowaa. Ƥoxotyo a Roog itam ke mbogna no cer nuun, da ndefik calir kaa na ndimaa o cofel.

2 Korint 3:5

Saɗaand o lay muk ee na pexey kaŋ-kaŋ in i mbi’taa tig. Kaa koy, o waag in, oxe inoora na Roog.

A kim a tedu ke 110:2

O Yaal oxe xan a letnit Siyoŋ o samb ole no katil of, o maadoox a ndeer no fañ of.

Hebre 11:30

O ngim tax’u saŋe ne Yeriko a jiƭtoox a cinj ye Ii-isra’el we a mbiduuna a caf ɓetaa ƭaq.

2 Timote 2:3

Jaɓi o coono fa mi nen o qiixire o paax Kiristaa Yeesu.

A pi ake 7:22

Naaga, Moyiis a yar’e no and ole no Miimisira we fop, too a jeg’a sañ-sañ na fa lay um fo na pi um.

Esayi 30:25

No ñaal naa na bar a ƭomu le, yaa taax-took ke a njiƭtooxkaa, xan a jeg a qayaandiin fo a ƈufnand foofi took o joong o jigdu luu refna fo took ñaang jiig luu refna.

Yosuwe 6:20

A luuƥ ake a njibne, too yaa xiixire waa a nanuuna rek, a ndalfooxa o njibin xa buuq xire. Ndak fo ndak, saŋe naa Yeriko a jiƭtooxa, Ii-isra’el we a ndok kam teeru faa, oxuu refna na den a reefit me ta jasnoor’ina soo da njaɓin.

2 Korint 13:10

Ten taxu ye maaduuma o goƭaa um bindaa keene, ndax fadtiidkiim o ɗom tig me nuun, yaam sañ-sañ fee o Yaal oxe a ci’axama refee yee ndax um sañtaa, ndaa ndax um jokaa.

1 Korint 9:7

No xiixire we, an na inooxaa, a ñoowaa no njiba um? An mosu o duuf a ƭing biiñ, too moɗee na xa tim axe? Nu mosa o nga o kaynaak oxaa xañteena a qaf fo sis no naak ke ta gayaa?

Yeremi 23:29

Ndax fa lay es nandee nen fiɗel, nen o leede jegu doole laa na duguñaa ɓil le?»

2 Korint 10:8

Waagiim o jeg teen gaci yaa fakooxuuma maamu yaam sañ-sañ fee o Yaal oxe a ci’axama. Sañ-sañ feene kaa ref kaa na jokaa, ndaa refee muk kaa na sañtaa.