2 Korint 10:3 - NQAARIIT NE ROOG

³ Ndigil oo fe, nen njer no kiin i ñaaƴtaa, ndaa koy i naangee o ñoxorteel ngiin in.

2 Korint 10:3 Referans Kwoze

2 Korint 10:4

Yaam refee yee njer jalu ƥonax ke i ñoxorteel. Ƥonax in kaa inoor na Roog, a njeg katil boo a mbaag o njiƭit saŋe ke. Kaa i yaqaa xa ƭelem xa maamaaɓ axe,

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

O leetar ole Pool a bindna GIMU WE NGENNA ROM 8:13

Boo nu ñoowaa no ke cer ke nuun a mbugna xan nu nqon, ndaa boo Yiif le Roog a taxna nu mbar a pesoorooƭ ale no cer ke nuun, xan nu njeg o ñoow.

2 Timote 4:7

Maafreem njom mbaax, fagiɗ o sep ole, too ɗapiim o ngim onqe.

1 Timote 1:18

Timote, wo fee o ƥees, keeke refu a cangin ale um doxnang. Kaa yoon fo fa lay fee we na njo’tanaa a Roog a lay’ina na wo yaaga. Fa lay feene xan a saƭakinong, ndax o waag o maafrel njom mbaax,

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

O leetar ole Pool a bindna GIMU WE NGENNA ROM 7:5

Ye i ñoowoogna no ke cer ke a mbugna, o bug o faaxeer ole kebil ke a yaawnooroogna a yo’nooga cer in fop, too a sakatinooga na in xa tim axaa na ƥisaa na fa nqon.

O leetar ole Pool a bindna GIMU WE NGENNA ROM 8:4

Kaa Roog a fadin keene, ndax o cofel ole kebil ke a simitna a fadnoox na in, in we naangateerna o ñoowaa no ke cer ke in a mbugna, ndaa no ke Yiif le Roog a bugna.

2 Korint 1:17

Ndax kaam caaxaanoogu no waaj es leene? Kaam ee, ndax yuuƥ es neene kaa reeƭu o bug es soom, mi fee refna o kiin sang um, boo a taxkaa um lay ƭik «ii» fa «ha’aa».