2 Korint 10:10 - NQAARIIT NE ROOG

¹⁰ Yaam a jega waa na layaa yee xa leetar um kaa njeg doole, too a ñexet, ndaa a geenooxangaa fo o mem um, kaa yelefaa bo, soo fa lay um a goɓong.

2 Korint 10:10 Referans Kwoze

1 Korint 1:17

Batiise taxee Kiristaa a inaam. O nanangaa um inoox, o yegnitik Yegil mbaax ne taxun. Refee itam ee o fel-o-ɗek taxu um waare’aa, yaam yaaga a kurwaa le Kiristaa a fi’kel cegee xoox.

2 Korint 11:6

Xeƈa a waaga o ref no fel-o-ɗek, ndaa refee muk no and, too i mbeeñlaan a nuun muu ta waagna waag o ref fo no kuu refna.

A sutax ale 4:10

Moyiis a laya o Yaal oxe yee: «E, o Yaal oxe, refiim o kiin o qoolu fa lay de. Reeƭinum faak, reeƭinum feede-faak, too refee yaa o layaa fa mi fee o paɗ of yaaga boo ndiik, yaam fa lay kaa xoxaam.»

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

1 Korint 1:21

Ne andoona yee ke adna a mbi’na o and ɓakandee a den no and a Roog, ten taxu Roog a mucla we ngimna, a reefandin na waare fee wiin we a mbi’na ñaku xoox.

Yeremi 1:6

Um doonin ee: «Ey, o Yaal oxe na refkaa boo faw, waagiim fa lay, yaam o njaaƈ refum.»

2 Korint 10:9

Bugiim muk nu mboog ee a pind es a mbara o ndiidland a nuun.

2 Korint 10:11

Fat oxe na layaa neene a and a paax ee jegee njektir leng no ke i mbindaa kam xa leetar axe fo ke i mbi’aa yaa i ndefna mbaambir nuun.

2 Korint 11:21

Keene sax kaam sedat o moof liman. Kaam foog ee in o mat, kaa i ndeyaƭar’u, ndax i ndoon a nuun keene. Mi sax ƭooɗofir ƥor um layataa, yaam andaam ee kuu o mbindeef a saɗna, saɗaanum.

2 Korint 13:3

yaam kaa nu mbaaƭaa kaa lalitna yee Kiristaa na layaa na mi, o ten oxe heeseerna mbaambir nuun, ndaa a ref o cegu katil a ndeer nuun.