2 Korint 10:1 - NQAARIIT NE ROOG

¹ Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

2 Korint 10:1 Referans Kwoze

2 Korint 10:10

Yaam a jega waa na layaa yee xa leetar um kaa njeg doole, too a ñexet, ndaa a geenooxangaa fo o mem um, kaa yelefaa bo, soo fa lay um a goɓong.

Mace 11:29

Ngadooxyo kadoor ke cooxuuma a nuun, too njangit na mi, yaam kaam ɓuuɓ, too xeeñ es magnandooxee. Nu mbi’angaan, xan xa laaw nuun a ñootnoox.

Galati 5:2

Mi Pool, mexe layaa a nuun ee boo nu ndeefna kebil ne layna yee oxuu refna a wara xucoox yaam Roog, Kiristaa ɗaxkee a nuun dara.

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

2 Korint 11:30

Keene a taxa, a pakax a warangaa o jeg, yaaga no neew doole es um fakooritkaa.

1 Korint 2:3

O neew doole tigi fadtiid’um me nuun, sendaa yaam diid.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

Filemon 1:9

ndaa ke moƴanaxama koy, um xeɗong no mbeq. Mi Pool, ke refuuma ref o nogoy fop oo, soo doon teen ref oxaa jengeena yaam Kiristaa Yeesu,

2 Tesalonik 3:17

Simin ne, no ɓay es a inooru, mi Pool. Neene o mat um bindtaa sax no leetar oluu refna yee a pind es oo.

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

Galati 4:13

Nu anda a paax ee jir tax’u um yegnaa a nuun pitik Yegil mbaax ne.

2 Korint 12:5

O kiin o nandu neene deŋ um fakoortaa, ndaa mi fa xoox es doŋ, ha’aa. A ŋadangaa boo a jegkaa sax, um fakoorit o neew doole es.

2 Korint 11:21

Keene sax kaam sedat o moof liman. Kaam foog ee in o mat, kaa i ndeyaƭar’u, ndax i ndoon a nuun keene. Mi sax ƭooɗofir ƥor um layataa, yaam andaam ee kuu o mbindeef a saɗna, saɗaanum.

2 Korint 10:7

Mbi’yo o ndang, too naang jak fo a kid nuun ne tikoorik ke a nandna. Oxuu ta woorna yee Kiristaa jegun, fat a ɓek no yiif um ee neene itam Kiristaa a jegtu a in.

2 Korint 10:2

Mexe xeɗaa a nuun, ba nu taxaam o lalit o feƭar ngaar es mbaambir nuun, yaam saɗarkiim o lal o dey es we mboogna yee ngiin ƥor i ñaaƴtaa.

2 Korint 7:4

Jegaam a koolax a maak na nuun, ta refat sax o wooƥ o fakoor es na nuun. Kaam ee, mayaam fo xa yaaloorand, may muut fo o ɗaay kam coono ke in fop.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

2 Korint 5:20

In ndefu we Kiristaa a lulna, soo ta nand nen Roog fa xoox um na layaa fa nuun na pexey in. In we nqeɗaa a nuun no gon Kiristaa nu njaɓ o njofoorandel fa Roog.

2 Korint 3:12

Ne i njegna yaakaar neene taxu boo i njeg a koolax.

1 Korint 4:10

In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.

O leetar ole Pool a bindna GIMU WE NGENNA ROM 15:15

Yaqanee toox de, um bind a nuun fo njambaar na seek a leng-leng kam o leetar es, ndax um wetand a nuun ke nu njangneena yaaga. Kaam bindit neene yaam yirmande fee Roog a fudinna took es,

O leetar ole Pool a bindna GIMU WE NGENNA ROM 10:20

Esayi fa xoox um sax a reta boo a yegnit ee: «Roog kaa lay ee, waa mbaaƭoogeeraxama, a nga’axam, too feeñooxaam waa ƥaaloogeerna dara na mi.»

A pi ake 8:32

Keeke refu fa lay fee na Pind a Tedu ke ta jangoogna: «Kaa nand fo mbaal naa na ɓiseel no warand, nen o mbaal onqaa muumna mbaambir no xe na ruusan, too yaƥatee o don um sax.

Mace 21:5

«Layyo a Siyoŋ, o ndoog onqe yee: O maad of oxey a garaa me wo, kaa ɓuuɓ, too took o faam a ŋaayu, took o mol, o ƥiy no faam o jalir.»

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

A kim a tedu ke 45:4

Wo fee o qir o say, humooxi laƥ of no saax, meleƈ of fo a qoolaand of.

1 Korint 4:21

Ndi xar nu mbugu mbug? Kaam ee nam nu mbugtu? Um soƥiid a nuun fo o qiir ndi fo o mbeq o yoonu fo yiif dalu?

Efees 3:1

Ten taxu, mi Pool fee Kiristaa a taxna um wegel kaso yaam nuun, kaam gen no xeɗanaa a nuun a Roog, nuun we ndefeerna Yaawuur.

Filip 4:5

Fat wiin we fop a and o lewet nuun. O Yaal oxe a matiida!

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

Filemon 1:19

O ɓay es o mat um bindtang xa ƭelem axene: «Mi Pool o mat layun, too xam rabdin.» Mi o mat oo, waag’aaxong o lay ee saqanaxamo haq, ta ref o ñoow of.