2 Korint 1:8 - NQAARIIT NE ROOG

⁸ Fog we, yaag oo toox de, i mbugee o mbaas a nuun no ñak-o-and no kaa farna no torox ole dalit’ina a in kam o jegel ole Asi. Kaa i naang’el ceq, ƥiiklel o saax oo saax, coono faa hupna doole in a dal took in, boo i ñak’atu yaakaar naa i ngeektaa o ñoow in sax.

2 Korint 1:8 Referans Kwoze

1 Korint 15:32

A soƥangaa yee a qontax jegee, xar taxu um gomir fo ƥaaɓaan kam teeru fee Efees? Ndax wiin taxu um fi’in? Yaaga xar a ɗaxkaxam? A qontax a jegangee kañ, «fat i ñaamaa, yeraa, yaam o feet i nqon».

1 Korint 4:8

Kaa nu ñof boo njeg ke nu mbugna fop, njegat halal, ndef maad, mbaas a in? Koo qoyni, ƥekyo a in no maat nuun boog!

1 Korint 16:9

yaam kaa jeg meeke calel maak kaa njegna o njiriiñ lool, ke fañ we a mayna may fop oo.

1 Sami’el 27:1

Dawid a laya taa no yiif um ee: «Na bes fa leng xan Sawul a mosaam o war. Jegiim pexey lakas, a refangee um ƴuf, jaɓnook no saax laa no Fiifilista waa. Neene, Sawul daabkatiraam kam o fiisel ole Isra’el fop, too xam waag o daɗ.»

1 Sami’el 20:3

Dawid a saƭka na: «Faap of a anda xil ee daawaam yirmande of, ten taxu ta xalaat ee: ‹Yoonatan wariran o yeg, yaam ndik ta naqadilin.› Kaa koy, ne ta wooritna yee o Yaal oxe xe ñoowaa fo ne ta wooritna yee woxe ñoowaa, a woora yee daaraand leng kut rokatu a ndeer es fo fa nqon!»

A pi ake 2:9

In ndefu wiin we Part fo we Medi fo we Elam, we ngenna Mesopotami fa Yudee fa Kapados fa Pont fa Asi,

A pi ake 16:6

Yiif Tedu le a xañta a den da yegnit fa lay fee Roog kam o jegel olaa Asi. Ten taxu a nqaaña o jegel olaa Firigi fo olaa Galati.

O leetar ole Pool a bindna GIMU WE NGENNA ROM 1:13

Fog es, bugaam nu and ee kaam hebooxaa o xalatooxiid a nuun kili, ndax calel es a nqay me nuun, ne da nqayitna a ndeer qeet lakas ke, ndaa boo xaye, kaam maad o dikoox.

2 Korint 1:9

Na in fa qoox in o mat, i mboog’ata yee fa nqon soom i yoqɗoorate, ndax i ndoonkee a koolax in na qoox in, ndaa ndax i ndiƈin na Roog fee na xontooxnooraa xon we.

2 Korint 6:9

Kaa i ƭeeteel nen wiin andaande, ndaa i ande a paax, nen waa na nqonaa, too ndef waa na ñoowaa jok, ne nu andtuuna. Kaa i nqaweel, too i mbarnoorkaand,