2 Korint 1:7 - NQAARIIT NE ROOG

⁷ Yaakaar ne i njegna na nuun koy oxe koŋ a saƭik, yaam i anda yee ne nu njegitna a las no coono ke in, neene nu njegtu a las na yaalax ale in itam.

2 Korint 1:7 Referans Kwoze

Saak 1:12

Oxe saƭikna, yaa ta ɗeetlooxeena, a ɗaaya. Ƭeetlax keene a mbaafangaa, xan a su’nel o ñoow ole Roog a regna we mbexuuna, ta ref o ndip um.

2 Timote 2:12

i nqijangaa fo ten, xan i maadook fo ten. I layangaa yee i mosiran o and, too andin, xan a xañ ee andee a in itam.

2 Korint 12:20

Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.

2 Korint 7:9

ndaa ndiiki kaam felakinooxaa teen. Refee yee naqad fee nu njeg’ina taxun, ndaa yaam ne naqad fee nuun a taxna nu mbes pakaad nuun a cinj. Naqad fee nuun na Roog a inooru, boo ten taxu i ndoonee a nuun paaxeer leng.

2 Korint 1:14

Ndiiki koy, o ndik soom nu andafulu no keene, ndaa no ñaal naa o Yaal oxe Yeesu a nomtooxiidkaa, xan nu mbi a in kañoor nuun ne i mbi’itna a nuun kañoor in.

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

Mace 23:30

Kaa nu layaa itam ee: ‹I njopir’angaa fo daan waa in, i yoonkoogee fa den, ye da mbaraa duleer waa.›

2 Timote 3:11

fo ke um dooneel yaam o ngim onqe fo coono ke mi. Coono kum xetteerum Ancook mbaat Ikooñum mbaat Listeer? Ñagadil kum jaɓeerum o sufoox? Kaa koy, no kuu refna teen o Yaal oxe a muclaxam.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.