2 Korint 1:4 - NQAARIIT NE ROOG

⁴ Ten refu oxe na yaalaa in no coono kuu ndefna, ndax na yaalax ale i njegitna na Roog, i mbaag o yaalik fop we ndefna kam coono.

2 Korint 1:4 Referans Kwoze

1 Tesalonik 5:11

Yaaga boog, naangyo o saƭakinooxaa too njokraa ne nu ndaawna o mbi’aa.

Esayi 51:12

«Mi yoo, mi refu oxe na yaalaa a nuun. An refo boo saɗaraa o kiin oxe na xonkaa, o ƥiy Aadama fee muj um a refkaa nen fee no daaƭ le?

Esayi 40:1

Roog nuun kaa lay ee: «Yaalyo xeet es, kaam ee nu yaal xeet es!

A kim a tedu ke 32:7

Wo refu njaɓnooxand es, kaa o saytooxaxam no naqad kuu ndefna, widnaam o ɗaay ole na muc ale. A maaf

Hebre 12:12

Yaaga boog, fat nu yoɗatin xa ƥay axe nuun yaarna too saƭkand kuɓay ke nuun neewna doole.

YEGIL MBAAX NE YEESU ne Saŋ a bindtuuna 14:18

Xaƴkiim a nuun xa baan. Xam gar me nuun.

YEGIL MBAAX NE YEESU ne Saŋ a bindtuuna 14:16

Mi koy, xam xeɗ a Faap fee, ta ci a nuun o Yaayaal oxaa na refkaa fa nuun boo faw.

Esayi 12:1

A koom xan o lay ee: «O Yaal oxe, mexe simatang, yaam kaa o fuuxan’aam, ndaa fuux of a ɓoosa, too yaalaxamo.

YEGIL MBAAX NE YEESU ne Saŋ a bindtuuna 14:26

Kaa koy, boo o Yaayaal oxe, refna ref Yiif Tedu le Faap fee a luliidkaa no gon es a garna, xan a jangin a nuun fop, a wetand a nuun fop ke layuuma a nuun.

Esayi 52:9

Nuun yaqatin ke Yeerusaleem, ƈeelyo a maak nuun fop, yaam o Yaal oxe xe yaalaa xeet um, a wataa a Yeerusaleem.

A kim a tedu ke 32:5

Feeñlaaxoong pakaad es too ɗasniroong tooñ es. Layaam ee: «Xam waasnoox o Yaal oxe njofaƭar es», too waasanaxamo tooñ es fop, donit ndoq ne no pakaad ke mi. A maaf

1 Tesalonik 4:18

Yaaga boog, fat nu yaaloortaa a ƭelem akeene.

2 Korint 7:13

Keene riimand’u a qeeñ in. Refee soom ee a yaalax i ndaawu, ndaa i moƴ’a o mbelakinoox itam yaam o ɗaay ole Tiit a jegit’ina na nuun, nuun we ndalin’ina xeeñ um.

Esayi 51:3

O Yaal oxe xan a yaal a Siyoŋ, a yaal yaqatin ke ten fop. Xan a fi boo o mbiñ onqeene fesna a pec a nandat nen a Edeen, o tan oleene a nandat nen a ƭing ale no Yaal oxe. Baneex fo o ɗaay xan a ngen teen, a tagas fo fangax a kim a niwir a njibit teen.

A kim a tedu ke 86:17

Lalaam o anddiloor olaa malaxama. Wo o Yaal oxe, fat we sibaxama a sed, yaa da nga’kaa yee muclaxamo too yaalaam!

A kim a tedu ke 66:16

Nuun fop we saɗarna a Roog, ngaryo nan-giloox, too xam wetandoox a nuun ke ta fi’anaxama.

Esayi 49:10

Nqeexkataand too ngoɗomkataand, mbooyo ne mbaat njeeƈ ne ñaatlandkatee a den, yaam oxe yirimna a den na refkaa o kaynaak den, too xan a ɓakand a den na cur foofi.

Filip 1:14

Ke jengeema sax kaa tax moƴ-o-jaak ole no fog gimu we in a soɗoox njambaar. A ndamooxata tigi no Yaal oxe, a yegnitaa fa lay fee Roog, a mbaas caƭar.

2 Korint 7:4

Jegaam a koolax a maak na nuun, ta refat sax o wooƥ o fakoor es na nuun. Kaam ee, mayaam fo xa yaaloorand, may muut fo o ɗaay kam coono ke in fop.