2 Korint 1:22 - NQAARIIT NE ROOG

²² Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.

2 Korint 1:22 Referans Kwoze

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

2 Korint 5:5

Oxe jagandanna a in a suptax aleene refu Roog, ten fee ci’na a in Yiif um nen a ƭegeer njigand no paax ke ta geekanna a in.

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

Mbeeñil 9:4

Kaa lay’el ee ba nu ndaaɓ daaƭ le mbaat ke duufeena mbaat taxar ke took lanq ke. Toroxandyo rek wiin we njeg’eerna o ñaas ole Roog na tagid den.

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

O leetar ole Pool a bindna GIMU WE NGENNA ROM 8:9

Nuun o mat, nu ndeefee ke cer nuun a mbugna, ndaa ke Yiif le Roog a bugna, yaam kaa Yiif le Roog a gen na nuun. Oxuu jegeerna Yiif le Kiristaa koy, fogee no ten.

Mbeeñil 7:3

«Ba nu ndaaɓ lanq ke mbaat o maag ole mbaat taxar ke boo yaa i ñaaskaa a tagid ake no we na ndagooxaa a Roog in!»

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

YEGIL MBAAX NE YEESU ne Saŋ a bindtuuna 3:33

Oxe jaɓna seede um o mat, a lalta a qool qac ee Roog ndigil oo.

1 Tesalonik 4:8

Yaaga boog, oxuu andoona koy ee kaa fañ bargal keene, refee yee o kiin a deɓu, ndaa Roog fee ci’na a nuun Yiif Tedu le ten.