2 Korint 1:21 - NQAARIIT NE ROOG

²¹ Roog fa xoox um o mat na saƭkandaa a in fa nuun na Kiristaa, soo a dod a in.

2 Korint 1:21 Referans Kwoze

1Saŋ 2:27

Nuun o mat, Yiif le nu ndaawitna no ten a gena fa nuun, too nu soxla’ee o lakas a jangnaa a nuun. Kaa koy, ne Yiif le ten a jangnitaa a nuun ke refna ndigil fop, too jegee o maaɓ o leng, ngenyo no ten, ne ta jangnituuna a nuun.

1Saŋ 2:20

No ke farna na nuun koy, o Tedu xe a daawna a nuun Yiif um, too nuun fop, nu njega o and.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

O leetar ole Pool a bindna GIMU WE NGENNA ROM 8:9

Nuun o mat, nu ndeefee ke cer nuun a mbugna, ndaa ke Yiif le Roog a bugna, yaam kaa Yiif le Roog a gen na nuun. Oxuu jegeerna Yiif le Kiristaa koy, fogee no ten.

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

2 Tesalonik 3:3

O Yaal oxe gore’na, xan a saƭkand a nuun, soo a saytoox a nuun no paaxeer oxe.

2 Tesalonik 2:8

Maaga, xan mbir ne no njofaƭar ne a feeñ. Kaa koy, xan o Yaal oxe Yeesu a wuuɗin ta fi fo ut, soo a sooynin na pexey a qoolaand ale na kar um.

2 Korint 5:5

Oxe jagandanna a in a suptax aleene refu Roog, ten fee ci’na a in Yiif um nen a ƭegeer njigand no paax ke ta geekanna a in.

YEGIL MBAAX NE YEESU ne Saŋ a bindtuuna 3:34

Oxe Roog a lulna, a ƭelem Roog a layaa, yaam Roog naagee o hendaƭooxaa yaa ta ci’taa Yiif le ten.

Esayi 62:7

Ba nu nqaƴin fo njaambuur um boo yaa ta dalnatinkaa a Yeerusaleem, a fi’in o ndam onqe no lanq ke fop.»

Esayi 59:21

O Yaal oxe kaa tee: «Keeke refu ngiɓoor ne dalnuuma fa den: Yiif es le fudooxna na wo fo fa lay es fee ɓekuuma no don of, suqitkiim a den no don of muk mbaat no don na xa ƥeef mbaat no don na xa taan of no ke xotitna ndiiki boo faw. Mi o mat layun.»

Esayi 49:8

O Yaal oxe kaa tee: «Na jamaane fa mbaax fee nan-gilooxaaxoong, na bes fee na muc ale um ƴufgong. Kaam jagandong soo dalnong, ndax o ref ngiɓoor ne mi fo qeet ke, inatin lanq ke, lasit lam ke yaakaar’ataandeena,

A kim a tedu ke 89:4

Wo layu yee: «Hiɓooraam fo xe jiluuma, daaɓoox fo o tag es Dawid ee:

A kim a tedu ke 45:7

Uum-maamaad le wo de Roog xan a ref boo faw, o cofel rek o maadooritkaa maat ne wo.

Mbeeñil 3:18

Kaam asang koy, o bugangaa o ref o yaal halal, jikti na mi wurus faa naayneena na fiɗel. O bugangaa o ɗasin cer ƥor of yaam o fañaa gaci, jikti na mi tikoorik tan kaa o rokooxaa. O bugangaa o waag a ka, jikti na mi tuuf naa o ɗuumaa na kid of.

Mbeeñil 1:6

Kaa fi a in saasadax no maat um, ndax i ndagoox a Roog Faap um. Yaasam ta ɓoxotel o ndam fo ngelfa bo na moos boo moos! Amiini.

2 Tesalonik 2:17

Yaasam ta yaal a nuun, a ci a nuun nu saƭik na pi a paax fo na ƭelem a paax itam!

1 Tesalonik 3:13

Yaasam ta saƭkand a qeeñ nuun kam o tedel o jegee ŋañel leng paam Roog Faap in, boo yaa o Yaal in Yeesu a garkaa, a yoon fo tedu we ten fop.

Kolos 2:7

Saxyo no ten, ndamoox no ten, o ngim onqe a fapit a nuun doole, ne nu njangnit’eena o ten, too ngen no ngidman.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

A kim a tedu ke 87:5

soo na Siyoŋ ta layel ee: «Ten refu mbaafaap no xuu refna.» Oxe Took-ee-took fa xoox um saƭkandun.

Habakuk 2:12

Sabab took no xe na maxtaa teeru fo’oy, a sinjit dik fee njofaƭar!

1 Korint 1:8

A woora yee xan a fap a nuun, ndax nu ñak sik na bes faa o Yaal in Yeesu Kiristaa a nomtooxiidkaa.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.

A paɗax ale 7:35

A las akeene mbatniteena no sadax ke ƥoxoteena o Yaal oxe, Aaroon fo xa ƥeem na njegkan, no ke xotitna yaa da ndalneena kam calel ke no Yaal oxe nen saasadax.