2 Korint 1:19 - NQAARIIT NE ROOG

¹⁹ Kaam ee, Yeesu Kiristaa fee o Ƥeenqe Roog i mbaare’na a nuun, too waare feene a hat na mi Pool fa Silwe fa Timote, ndax «ii» fa «ha’aa» a refu, mee ndax «ii» soom saxu no ten?

2 Korint 1:19 Referans Kwoze

Hebre 13:8

Yeesu Kiristaa o leng kut oo: Ten refu oxe faak, a ref oxe xaye, too ten na refkaa boo kili.

Mbeeñil 1:17

Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

2Saŋ 1:9

Kuu o kiin a waagna o ŋaalooxaa, ta jof na Roog, too refee a cangin ale Kiristaa, oxeene jegee a Roog. Oxuu ŋereƥooxna na cangin aleene koy, a gayan, a jega a Faap fee, a jeg o Ƥeenqe itam.

Mbeeñil 2:18

«Bindanaam a malaaka fee na yetooxaa mbokatax ne no gimu we kam teeru faa Tiyatiir ee: ‹Fa lay feeke kaa inoor no Ƥeenqe Roog, a kid um a miric-miricnaa nen ƈulfaan fiɗel, a caf um a telelaa nen xanjar faa naayneena na fiɗel boo a xawnel.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

Mbeeñil 1:8

O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»

A pi ake 18:5

Kaa koy, ye Silaas fa Timote a inooriidna Makedoni, Pool a pay’ata no waare’aa fa lay fee Roog, a feednaa Yaawuur we yee Yeesu refu Kiristaa fee, refna o Muumucil oxe regteena.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

1Saŋ 1:3

Mexe dakooxan o lay a nuun ee: Ke i nga’na, nanin, i yegnaa a nuun, ndax nu mbog fa in, ne i mbogitna fa Faap fee, mbogit neen fa Yeesu Kiristaa fee refna o Ƥeem.

2 Piyeer 1:17

ye ta daawitna o niwel fo o ndam na Roog Faap fee. Kam o ndam o mayu katil onqe ten, Roog a nannooraan o ñuxur olene: «Oxene refu o Ƥees onqe fexuuma fex, too no ten felakinoortum.»

Hebre 1:11

Den o mat xan a mbaaf, ndaa wo koy, boo faw o refkaa. Den fop xan a siɗoox nen ñirax.

A pi ake 15:22

Maaga, apootar waa fo maak waa fo mbokatax ne no gimu we fop a ngebooxa yee xan a njil wiin a ndeer den, a lul a den Ancook, da yoon fa Pool fa Barnabaas. A njila a Yudaa fee na lastiteel Barsaba fa Silaas, ndeeƭna goor niwe a ndeer no fog gimu waa.

A pi ake 9:20

Ndak fo ndak, a waare’ooga kam pind a qeƭ kaa yee Yeesu refu o Ƥeenqe Roog.

A pi ake 8:36

Ye da maadna o ndetaa koy, a ndaawa o mbiñ onqaa jegna foofi, too jawdiin faa a layaan ee: «Mee ndax keeke foofi yoo, xar yaqanu o batiise’aam?» [

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

YEGIL MBAAX NE YEESU ne Saŋ a bindtuuna 19:7

Naaga Yaawuur we a ndoonaan ee: «I njega kebil, too ne kebil neene a laytuuna, a wara o xon, yaam kaa fi’ooxaa o Ƥiy Roog.»

YEGIL MBAAX NE YEESU ne Saŋ a bindtuuna 8:58

Yeesu a laya a den ee: «No ndigil, mexe layaa a nuun ee: Yaaga Abraham rimafulaand, refum.»

YEGIL MBAAX NE YEESU ne Saŋ a bindtuuna 6:69

In koy, i ngima, too i anda yee wo refu o Tedu xe hatna na Roog.»

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

YEGIL MBAAX NE YEESU ne Saŋ a bindtuuna 1:49

Natana’el a doonaan ee: «O Caajangin oxe! Wo o mat refu o Ƥeenqe Roog, ref o maad Isra’el.»

YEGIL MBAAX NE YEESU ne Saŋ a bindtuuna 1:34

Ga’aam, too seede’anaanum ee o ten refu o Ƥeenqe Roog.»

YEGIL MBAAX NE YEESU ne Lik a bindtuuna 1:35

Malaaka fee a doonaan ee: «Xan Yiif Tedu le a fudoox took of, too xan katil fee no xe Took-ee-took a muurong fo yook um. Ten taxu, o ƥiy o tedu nqe o ñootkaa xan a xoyeel o Ƥeenqe Roog.

Mark 1:1

Keeke refu mberaandoong ne no Yegil mbaax ne na laytaa kaa farna na Yeesu Kiristaa, o Ƥeenqe Roog.

Mace 27:54

Yaa o aa-adax oxaa no xiixire waa fo waa ndeeƭna fo ten, a yetooxaa a Yeesu, a nga’na ne lanq ke a yo’nooritna fo ke xew’ina, a ndiida diid maak. Maaga, a layoogata yee: «O kiin oxeeke reeƭu o Ƥeenqe Roog ndigil!»

Mace 27:40

a layaa yee: «Wo fee bug’ina o gef Mbind Roog ne, soo maxatinin no ñaal tadik, mucli a xoox of! O refangaa o Ƥeenqe Roog, fudooxi a kurwaa le!»

Mace 24:35

Xan asamaan fo lanq a mbaaf, ndaa fa lay es faafkee boo muk.»

Mace 17:5

Yaa ta maadna o layaa, eel xoolu a muura a den. A jega o ñuxur olaa nannoorna kam eel laa, too a lay ee: «Oxene refu o Ƥees onqe fexuuma fex, too no ten felakinoortum. Nan-gilooxeenoo!»

Mace 3:17

O ñuxur a nannoorta na asamaan ee: «Oxene refu o Ƥees onqe fexuuma fex, no ten felakinoortum.»

A kim a tedu ke 2:7

Kaam lambnaa ke o Yaal oxe a dalinna. A layaxam ee: «Wo refu o ƥees, xaye mi rimong.

A sutax ale 3:14

Maaga, Roog a laya a Moyiis ee: «MI REFU OXE REFUUMA.» A ɓaata teen ee: «Neeke o mat o doonkaa Ii-isra’el we: Oxe ne’eena MI REFU, luliidaxam me nuun.»

YEGIL MBAAX NE YEESU ne Saŋ a bindtuuna 20:28

Tomaa a doonaan ee: «O Yaal es, Roog es!»

Mace 4:3

O poofog oxe a matiidaan, too a layin ee: «O refangaa o Ƥeenqe Roog, supti a kac akeeke da ndef puuru.»

A pi ake 16:1

Cinj kaaga, Pool a fadiida Derbe, a suur Listeer. Maaga, a jeg’a o taalbe xaa ne’eena Timote, o ƥiy no tew o Yaawuur o kimu, too faap um a reeƭu o Keegeres.

2 Korint 1:1

Mi Pool fee refna apootar Kiristaa Yeesu ne Roog a bugtuuna, mi fo o pog nuun Timote na mbindaa a nuun o leetar oleeke. In we simnaa a nuun, nuun mbokatax ne no gimu we Roog ngenna na teeru fee Korint, nuun fo tedu we Roog fop ngenna kam o jegel ole Akayi.

1 Tesalonik 1:1

Mi Pool fa Silwe fa Timote na mbindaa a nuun o leetar oleeke. Kaa i simnaa a nuun, nuun mbokatax ne no gimu we kam teeru fee Tesalonik, mbogna na Roog Faap fee fo no Yaal in Yeesu Kiristaa. Koo yaasam nu njeg yirmande fa jam.

2 Tesalonik 1:1

Mi Pool fa Silwe fa Timote na mbindaa a nuun o leetar oleeke. Kaa i simnaa a nuun, nuun mbokatax ne no gimu we kam teeru fee Tesalonik, nuun we mbogna na Roog Faap in fo no Yaal oxe Yeesu Kiristaa.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

1 Piyeer 5:12

Mexe bindaa a nuun a ƭelem a leng-leng akeene no ndimle Silwe fee fi’uuma nen o pog o kore’u, ndax um saƭakin a nuun, soo seede yee keene refu yirmande fa ndigil fee Roog. Saƭikyo a paax no ten!