2 Korint 1:14 - NQAARIIT NE ROOG

¹⁴ Ndiiki koy, o ndik soom nu andafulu no keene, ndaa no ñaal naa o Yaal oxe Yeesu a nomtooxiidkaa, xan nu mbi a in kañoor nuun ne i mbi’itna a nuun kañoor in.

2 Korint 1:14 Referans Kwoze

Filip 2:16

nu ƥisaa a den fa lay fee na ci’taa o ñoow. Yaaga, na bes faa Kiristaa a nomtooxiidkaa, xam waag o fakoox yaam nuun, and ee ke ƴufanooguuma fe’ee a koƥ, den fo calel es.

1 Korint 1:8

A woora yee xan a fap a nuun, ndax nu ñak sik na bes faa o Yaal in Yeesu Kiristaa a nomtooxiidkaa.

1 Tesalonik 3:13

Yaasam ta saƭkand a qeeñ nuun kam o tedel o jegee ŋañel leng paam Roog Faap in, boo yaa o Yaal in Yeesu a garkaa, a yoon fo tedu we ten fop.

Filip 4:1

Ten taxu koy, nuun fog es we fexuuma fex, nuun we sooɓaxama, ndef o ɗaay es fo o ndip es, koo saƭikyo no Yaal oxe, ngen na saƭik aleene.

Filip 1:10

ndax nu mbaag o njekit ke moƴna. Yaaga xan nu njeg o ñoow o xoolu, ñak ƥanjel boo na bes faa Kiristaa a nomtooxiidkaa.

1 Tesalonik 5:23

Yaasam Roog fee na ci’taa jam, a mayƭand a nuun fo o tedel. Yaasam ngiin nuun fop: Yiif nuun fo o laaw nuun fo cer nuun a ñak sik, boo yaa o Yaal in Yeesu Kiristaa a nomtooxiidkaa.

Filip 1:6

A wooraxam ee oxe ferna na nuun paax keene, xan a fadnin boo na bes faa Kiristaa Yeesu a nomtooxiidkaa.

2 Korint 5:12

Refee yee kaa i mbokatahinaa a qoox in fa nuun, ndaa kaa i mbug nu njeg kaa nu mbakoorna na in. Yaaga, xan nu mbaag o ndoon we na mbakoortaa ke yulna a ngid, a mbañ ke saxna no xeeñ.

2 Korint 2:5

A soƥangaa yee kaa jeg’u oxaa naqadiloogna, refee yee mi a naqadilu, ndaa nuun fop. A refa o ndik na nuun oo, yaam ndik ta ref ƥaaɓaatin na mi.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

1 Korint 15:31

Fog es, bes fuu refna, o ñis es oley no xoƥ nquƭ, ta woor boo ne nu ndefitna qaaƴoor es no mbokatoor ne i njegna no Yaal in Yeesu Kiristaa.

1 Korint 11:18

Nanaam ee a mbanuu nu mbokatoorna, a sayax a doonoox teen, nu mbi a qaaj a qaaj, too yaacanum o gim.

Filip 1:26

Yaaga um nomtooxiidangaa a ndeer nuun, nu njeg kaa nu mbakoortaa yaam mi no ñoow ole nu mbogna fa Kiristaa Yeesu.

2 Korint 9:2

yaam andaam a kebax nuun ale kañoortuuma no Maamakedoni we yee: «Fog we ndefna kam Akayi a ngebooxa boo a ƈut no hiid ole fagun faak.» O jaflax nuun a yo’na moƴ-o-jaak we fop.