2 Korint 1:11 - NQAARIIT NE ROOG

¹¹ Nuun itam, nu langantangaa a in fo a qeƭ, yaaga xan Roog a jaɓ a qeƭ ake wiin mayu a nqeɗanaa a in, too xan a ci’it a in teen yirmande. Neene, xan wiin mayu a ngidim a Roog itam yaam in.

2 Korint 1:11 Referans Kwoze

Filip 1:19

Andaam ee keene fop, a muc es rek a ɓisiidkaa, na pexey a qeƭ nuun fo Yiif Tedu le Yeesu Kiristaa na dif’axam.

2 Korint 4:15

Keene fop xan a jeg yaam nuun, ndax yirmande fee Roog a moƴ o siw took no moƴ-o-jaak ole no wiin we, ndax ta riñ a den da ngidmaa a Roog yaam o ndam um.

A pi ake 12:5

Piyeer kaa yetooxoogel na kaso faa, ndaa we mbogna no fog olaa no gimu waa kaa nqeɗanoogun a Roog kili.

Kolos 4:3

Nqeɗanyo a in itam, ndax Roog a waag o ci a in o gom no calel ke. Neene, xam waag o yegnitaa kunpa fee Kiristaa taxna um jengel,

Hebre 13:18

Ngenyo no nqeɗanaa a in boog! A woora a in ee i njega yiif dalu, yaam i mbuga o mbi ke jofna no kuu ta refna.

Filemon 1:22

Mexe xeɗang itam o jagandanaam maa daluuma, yaam yaakaaraam ee xan Roog a jaɓ a qeƭ nuun, boo um waag o soƥiid a nuun.

2 Tesalonik 3:1

Fog we, nqeɗyo ndax fa lay fee no Yaal oxe a ñof o jof mbaambir, a niwel ne nu niwtuuna.

1 Tesalonik 5:25

Fog we, fat nu nqeɗanaa a in itam.

2 Korint 9:14

Ne nu sooɓna a den koy, xan a nqeɗanaa a nuun yaam yirmande fa ngupu fee Roog a picitna took nuun.

Esayi 37:4

Giimee o Yaal oxe Roog of a nan’angaa rek xa ƭelem axe na jawdiin fee o maad oxe Asuur refna o yaal mbind um a lulitna, ndax ta wen a Roog fa ñoow jok fee, yaaga xeƈa xan a fadin a qaw um yaam xa ƭelem axe ta nanna. Xeɗani boog onqe yoqna na xeet um.› »