2 Korint 1:1 - NQAARIIT NE ROOG

¹ Mi Pool fee refna apootar Kiristaa Yeesu ne Roog a bugtuuna, mi fo o pog nuun Timote na mbindaa a nuun o leetar oleeke. In we simnaa a nuun, nuun mbokatax ne no gimu we Roog ngenna na teeru fee Korint, nuun fo tedu we Roog fop ngenna kam o jegel ole Akayi.

2 Korint 1:1 Referans Kwoze

2 Timote 1:1

Mi Pool, kaam ref apootar Kiristaa Yeesu, ne Roog a bugtuuna, ndax um yegnit o ñoow ole regteena, too ta ref na Kiristaa Yeesu.

Filip 1:1

Mi Pool fa Timote we faɗ Kiristaa Yeesu na mbindaa a nuun o leetar oleeke. In we simnaa a nuun, nuun tedu we Kiristaa Yeesu ngenna kam teeru fee Filip, nuun fop fo aa-adax nuun fo diidimle nuun.

Efees 1:1

Mi Pool fee refna apootar Kiristaa Yeesu ne Roog a bugtuuna, na bindaa a nuun o leetar oleeke, nuun gimu tedu we na Kiristaa Yeesu ngenna Efees.

Tiit 1:1

Mi Pool fee o paɗ Roog fo apootar Yeesu Kiristaa na bindang o leetar oleeke. Yeesu Kiristaa kaa lulaam, ndax um andnoor we Roog a jilna o ngim onqe, da and ndigil ne refna no reef a Roog,

1 Timote 1:1

Mi Pool, kaam ref apootar Kiristaa Yeesu ne Roog fee o Muumucil in fa Kiristaa Yeesu fee refna yaakaar in a ngeblituuna.

Galati 1:1

Mi Pool, apootar refum, too keene hatee no wiin we mbaat o kiin a doonaam o ten, ndaa um reftin na pexey Yeesu Kiristaa fa Roog Faap fee xontooxnooruuna a ndeer no xon we.

1 Korint 16:10

Timote a fadiidangaa me nuun koy, ngela ndamteenoo ƥay ƭik boo jambatkee dara, yaam nen a mi a fi’aa fi no calel ke no Yaal oxe.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

A pi ake 16:1

Cinj kaaga, Pool a fadiida Derbe, a suur Listeer. Maaga, a jeg’a o taalbe xaa ne’eena Timote, o ƥiy no tew o Yaawuur o kimu, too faap um a reeƭu o Keegeres.

Hebre 13:23

Kaam bug nu and ee o pog in Timote a sute kaso. A teelangaa o gat, xam yooniid fo ten, ɗeetiid a nuun.

2 Tesalonik 1:1

Mi Pool fa Silwe fa Timote na mbindaa a nuun o leetar oleeke. Kaa i simnaa a nuun, nuun mbokatax ne no gimu we kam teeru fee Tesalonik, nuun we mbogna na Roog Faap in fo no Yaal oxe Yeesu Kiristaa.

1 Tesalonik 1:1

Mi Pool fa Silwe fa Timote na mbindaa a nuun o leetar oleeke. Kaa i simnaa a nuun, nuun mbokatax ne no gimu we kam teeru fee Tesalonik, mbogna na Roog Faap fee fo no Yaal in Yeesu Kiristaa. Koo yaasam nu njeg yirmande fa jam.

2 Korint 11:10

Ne ndigil ne Kiristaa a saxna na mi, mexe yegnaa a nuun ee mbakax nene xañitkaandeem o ten muk kam caate ke mbidna Akayi fop.

2 Korint 9:2

yaam andaam a kebax nuun ale kañoortuuma no Maamakedoni we yee: «Fog we ndefna kam Akayi a ngebooxa boo a ƈut no hiid ole fagun faak.» O jaflax nuun a yo’na moƴ-o-jaak we fop.

1 Korint 16:15

Fog es, a jega lakas kaa um xeɗaa a nuun: Nu anda yee Akayi boo Akayi a xet, mbind Estefanaas eetu o ngim, too nu nga’a ne da mboŋkitna o ndimle’aa tedu we Roog.

1 Korint 10:32

Ba nu ndef a panq no Yaawuur we mbaat no we ndefeerna Yaawuur mbaat no tedu we Roog.

O leetar ole Pool a bindna GIMU WE NGENNA ROM 16:21

Timote fee o yoon es no calel ke oxe simnaa a nuun. Lukiyus fa Yaason fa Sosipateer we fogtuuma xeet, owe simnaa a nuun itam.

O leetar ole Pool a bindna GIMU WE NGENNA ROM 16:5

Fat nu simnanaam itam gimu we na mbokatooraa kam mbind den, simin a Epaynet fee fexuuma, refna oxe eetna o gim na Kiristaa kam o jegel ole Asi.

O leetar ole Pool a bindna GIMU WE NGENNA ROM 15:26

Kerceen ke Makedoni fo we Akayi kaa ngeboox o mbokat kaa dimle’teena rool gimu we kam Yeerusaleem.

1 Korint 16:24

Fat nu and ee o mbeq es oxe took nuun na Yeesu Kiristaa.

2 Korint 1:19

Kaam ee, Yeesu Kiristaa fee o Ƥeenqe Roog i mbaare’na a nuun, too waare feene a hat na mi Pool fa Silwe fa Timote, ndax «ii» fa «ha’aa» a refu, mee ndax «ii» soom saxu no ten?

2 Korint 1:23

Mi koy, Roog refu o seede es, too o laaw es doonum teen. O fañaa o toroxand a nuun soom taxu um heboox o ñak o nomtooxiid Korint.

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,

Filemon 1:1

Mi Pool fee jengeena yaam Kiristaa Yeesu fa Timote fee o pog in, na mbindang o leetar oleeke. Wo Filemon fee fexuuma fex, too ref o yoon in no calel ke,