2Saŋ 1:2 - NQAARIIT NE ROOG

² Ndigil neene oxe na in, too na in a genkaa boo faw.

2Saŋ 1:2 Referans Kwoze

1Saŋ 2:17

Adna feene koy fo a yaaw um, kaa mbaafaa, ndaa oxe na fi’aa ke Faap fee a bugna, xan a maadaa boo kili.

1Saŋ 2:14

Nuun xa teɓandoong axe, bindaam a nuun yaam nu anda a Faap fee. Nuun paap ke, bindaam a nuun yaam nu anda oxe refna yaa fo mberaandoong naa. Nuun xa pes axe, bindaam a nuun yaam nu njega doole, fa lay fee Roog na nuun a genu, too nu maafa o paaxeer oxe.

1Saŋ 1:8

Boo i layna yee i njegee bakaad, kaa i naxaa a qoox in, too ndigil ne refee na in.

2 Piyeer 1:12

Ten taxu, xam wetandaa a nuun keene kili, ke nu anduuna and fop oo, too saƭik kam ndigil ne nu ndaawna.

2 Timote 1:5

Boo ndiik, weectiim o ngim o ndiindigil onqe refna na wo. O ngim onqeene a reeƭa na maam of Loyiis, a ref na Eniis fee ya of, too a wooraxam ee oxe na wo itam.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

2 Korint 4:5

Ii, refee yee a qoox in i mbaare’aa. Kiristaa Yeesu fee refna o Yaal oxe o mat i mbaare’aa, soo yegnaa a nuun ee faɗ nuun i ndefu yaam Yeesu.

1 Korint 9:23

Kaam fi’aa keene fop yaam Yegil mbaax ne, ndax um jeg teen a las.

YEGIL MBAAX NE YEESU ne Saŋ a bindtuuna 15:7

Nu saxangaa na mi, fa lay es a gen na nuun, nu mbaaga o nqeɗ kuu nu mbugna, too xan nu ci’el o ten.

YEGIL MBAAX NE YEESU ne Saŋ a bindtuuna 14:16

Mi koy, xam xeɗ a Faap fee, ta ci a nuun o Yaayaal oxaa na refkaa fa nuun boo faw.