1 Timote 6:9 - NQAARIIT NE ROOG

⁹ We na kasaƥ-kasaƥnaa na halal, a naanga o yenaa no mbog fo na yuxum akaa o leng a andeerna xoox um fo a caf um. A yuxum akeene koy na njogolaa wiin we no luubax fo na saŋkax.

1 Timote 6:9 Referans Kwoze

Xa peƭit axe 15:27

Oxe buge’na kaa loraa mbind um, oxe jaɓeerna gerel o mat xan a ñoow.

1 Timote 3:7

We mbogeerna no gimu we sax, paax rek a mbarun o andit, ndax bugkaand o jeeraa mbaat ta yenaa no pog ke no ƈiƴ oxe.

A pi ake 8:20

Kaa koy, Piyeer a doonaan ee: «Yaasam o saŋkoox fa xaaliis of, yaam kaa o foog ee ci’it ne Roog boo o daawan, o jiktin xaaliis!

Mace 13:22

Ax ke nduufeena kam kiƈ ke ndefu oxe na nanaa fa lay fee Roog. Kaa koy, a qalaat ake na jamaane fee fo ne halal adna a ƴiƴtaa a den a naanga o ngoñaa fa lay fee Roog boo waagkee o rim.

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

Mark 4:19

ndaa a qalaat ake na adna fee fo ne halal adna a ƴiƴtaa a den fo a yuxum ake no ñoow ole kaa ngoñaa fa lay fee boo mbaagkee o ndim.

Mace 26:15

too a lay a den ee: «Xar nu ndabidkaxam yaa ɓoxotanuuma a nuun?» Maaga, a ndabdaan xa monjong qarɓeen tadik xaaliis fa nqoolu.

Mace 19:22

Yaa o fes olaa a nanna fa lay faaga, a naaga col a ret, a gooy bo, yaam kaa may’u halal.

Xa peƭit axe 22:16

Oxe na toroxandaa o ndool onqe, kaa jegnooran halal, oxe na ci’aa o yaal halal oxe, a roolnooran.

Xa peƭit axe 21:6

Halal fee jegteena na xa maaƥ naagee miñaa soo a ɓisaa o yaal um na fa nqon.

Xa peƭit axe 20:21

Halal fee jegeena no ñofu naagee barke’aa no muukandoong ne.

2 Timote 2:26

A ƥekangaa a yiif den na adna, xan a ndaɗ pog ke saytaane fee ɓek’ina a den no ke ta bugna.

1 Timote 1:9

I anda a paax ee o nanangaa kebil a dalnel, refee yee jofu we taxu, ndaa jofaƭaru we fo luubooxu we fo soxodu we fo baabakaad we. We ngartuuna ndefu itam we niweerna a Roog, we naangeerna o ndeefaa a ƭat Roog fo we na mbaraa we ndimna a den fo waawar lakas we.

YEGIL MBAAX NE YEESU ne Lik a bindtuuna 21:35

nen mbog, yaam xan a sag we ngenna took lanq ke fop.

Sakari 11:5

paal keene jiijik den a mbaraa too mbi’iran ta ref tig, we na njikooxaa a den a layaa yee: ‹Roog ndok! I njegata xaaliis!›, too gaynaak den itam njegee na den yirmande fa leng.

Esayi 5:8

Sabab took no we na siiseeraa pind soo a saltirandaa o qol fo o gend um boo yaa o lakas a jegkateerna maa ta genna, a refangee den soom.

Xa peƭit axe 23:4

Baa o gind halal a jom’andong boo o ɓektin yiif.

A kim a tedu ke 11:6

Kaa deɓaa took no soxodu we a kaagaañ a sumu jip fo nqeen. Mbooyo ƭomu refu a tokol ale da mbarna o ngumir,

Yosuwe 7:11

Ii-isra’el we a mbakaada, a ƭap ke hebil’uuma a den. Kaa nqot no ke war’eena o yaq, a nguuɗin, a ƭasnin soo a ƥekin kam tikoorik den.

A cangatin ale 7:25

Fat nu ndox xa taaƴ axe no roog ke den. Nu yaawkee xaaliis fee mbaat wurus fee refna took xa taaƴ axeene, too nu njangkiran, yaam ndik ta ɓek a nuun nu mbaɗooxaa roog tefee ndigil ke. O Yaal oxe Roog nuun kaa sib keene.

A lim ale 31:8

A mbara itam maad ɓetuk we Majan ndefna: Eewi, Rexem, Sur, Xuur fa Reba, soo a mbarit itam a Balam fee o ƥiy Bewoor laƥ.

Mace 6:19

«Ba nu mbokatanoox halal na adna fee me max ke fo nqoy ke a yaqtaa, soo guuɗ we ndaƈtaa, a nguuɗaa.

YEGIL MBAAX NE YEESU ne Lik a bindtuuna 12:21

Neene deŋ a nandu no xe na fokatanooxanaa a xoox um halal, too jegee a Roog ta ref halal um.»

1 Timote 6:10

No fex xaaliis, paaxeer kuu ndefna a ngataa. A jega koy waa andoona yee owaa njegan, a ngoƭ o ngim onqe, soo a yenan a qoox den no coono kaa o leng a saɗeerna o ga.

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

Tiit 2:12

Kaa jangnaa a in, i mbaas njofaƭar fo a yuxum tig adna. Kaa jangnaa a in itam, i mbañ o ngupal, ñoowaa no cofel fo no gon Roog na jamaane fee ndiiki,

1 Maad we 21:6

O maad oxe a doonaan ee: «Kaam lay a Naboot fee genna Yisre’el ee: ‹Jikooxaam a ƭing taxar biiñ ale wo mbaat a moƴanangaang, o sofanaam o ten fo a lakas›, ndaa kaa doonaam ee: ‹Cooxkiroong a ƭing taxar biiñ ale mi!› »