1 Timote 6:4 - NQAARIIT NE ROOG

⁴ oxeene kiin kaa magnandooxaa, too andee dara boo dara a fag. Kaa jir, laamit ñaku xoox a damin, ta dapaa fa lay, a dapatinan. Meene o mat, ciisir ke fo qasir ke fo a ben ake fo fooganaa o kiin paaxeer, a ngatu.

1 Timote 6:4 Referans Kwoze

2 Timote 2:23

Kuuci ñimatir ƭooɗofir ke njegeerna o njiriiñ, and ee den na ƥisiidaa nqasir.

2 Timote 3:4

Wiin we no ñaal palakaand ke xan a ndef taatas yaakaar itam, a mat a qeeñ, o mbeq den fop a jagin na qoox den, baneex a moƴan a den a Roog.

1 Timote 3:6

Waree o ref itam oxaa na sogaa o gim, yaam ndik o nga’atinax a rokin, ta yen no kate ne o ƈiƴ oxe a yenna.

Yudaa 1:10

Den o mat, kaa mbenaa ke da andeerna, o raƥ-yiif den nen a muumeen a ref ke na doxaa a den.

2 Piyeer 2:12

Kaa koy, jaajangin weene kaa nand fo muumeen-a-koƥ ke, andoona yee kaa ndimel, ndax da ndamel, soo a mbarel. Kaa mbenaa ke da andeerna. Ten taxu xan a mbartel nen muumeen-a-koƥ.

2 Timote 2:14

Wetandi keeke we o jangnaa, maƭoox a den mbaambir Roog, da mbaas xa ƭelem axe da ndapatinaa no ñimatir ke den. Keene ɗaxee dara, a refangee a mo’andaa we na nan-gilooxaa.

Yudaa 1:16

Kaa ndef wiin waa na ñunqumtooxaa, a ƭomatooxaa, a ñoowaa na yaaw a paaxeer den, a laytaa a magnandax, soo a laasaa wiin we, yaam a mbug o njegit na den tig.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

1 Timote 1:7

Kaa mbug o ndef jaajangin maak no kebil ke, ndaa andee dara no ke da layaa fo ke da nqoxtaa.

1 Timote 1:4

Layi a den itam ee baa ŋereƥoox na nax mbaat da ñimatiraa fo njaangooƈ a ndetaa. Keene naagee o ataa dara a refangee ñimatir, too mbaagee o ngeenin calel ke na mbi’eel, ndax o ngim na Roog a jof mbaambir.

Saak 1:19

Fog es, fat nu nqaƴ a yiif nuun a paax no ke um layiidaa: O kiin a wara o ñof o nan-giloox, ndaa waree o ñof o lay mbaat ta ñof o fuux,

Tiit 3:9

Kaa koy, wootooxi ñimatir ƭooɗofir ke, fañ o ñimatireel o njaangooƈ, fañ o xasreel. Ba o xasir fo o kiin muk yaam kebil ke Moyiis. Keene fop kaa ref kaa jegeerna o njiriiñ, a ñak fayda.

A pi ake 15:2

Pool fa Barnabaas a ñimatir’a fa den ñimatir ƭomu no kaaga. Maaga, Pool fa Barnabaas fo leng-leng no fog ole Ancook a ngeble a ndet Yeerusaleem maa no apootar waa fo maak waa, ndax da njokit kaa farna na fa lay feene.

Mbeeñil 3:17

Kaa o layaa yee: O yaal halal refum, ñaaƴnitaa ne warna, too ñakiim tus. Andiro yee kaa o halakoox, torox, rool, fuul soo ɓangdel!

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

Kolos 2:18

Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,

Filip 2:14

Kuu nu mbi’aa, baa jeg a ƭomatax mbaat a caageej,

Filip 2:3

Baa eetatir a ɓek a nuun na dara, mbaat nu mbi’aa tig ee ndax nu ƥoxotel o ndam o njegee xoox. Fat a neewandax a ref na nuun, nu ƭeetaa lakas we nen gartu a nuun took.

Filip 1:15

A ndeer den a jega waa na yegnitaa a Kiristaa yaam a siisaxam, a mbug o ƥisiid ñimatir. Kaa koy, a jega lakas waa na mbaare’aa yaam a ngeboox paax ƥor.

Galati 6:3

A jegangaa oxaa na foogaa yee ten fa xoox um o kiin o maak oo, too refee dara, xoox um rek a naxaa.

Galati 5:26

Ba i mbaaƭanaa a qoox in o ndam o njegee xoox. Ba i tooñraa mbaat i yaawaa tig no lakas itam.

Galati 5:15

Kaa koy, boo nu nandna fo ƥaaɓaan kaa na ŋatraa, a ŋolraa, mbootooxyo yaqir.

2 Korint 11:20

Nu njaɓa o ndamel mbaƭ, njaɓ o ŋalel, njaɓ o nguytel, njaɓ o njambel andaƭar, boo njaɓ sax o ngefel paƭ na mukit.

1 Korint 11:18

Nanaam ee a mbanuu nu mbokatoorna, a sayax a doonoox teen, nu mbi a qaaj a qaaj, too yaacanum o gim.

1 Korint 11:16

A soƥangaa koy ee kaa jeg oxaa jaɓeerna keene, fat nu yeg fo and ee na in fo no pokatax ke no gimu we Roog fop, a mbanuu o tew a xeɗaa kaa muxlooxaa.

1 Korint 3:18

Ba o leng a nax a xoox um. Oxuu liiƥoorna fo o jeg-yiif ole na adna feeke boo a bug o fakoox, fat a yer yiif um, a jaɓ o ref o ñaku xoox, ndax ta jeg yiif mbaambir Roog.

1 Korint 3:3

yaam kaa nu maad o mbesooraa nen wiin adna. Ndax ciisir fo nqasir ndefu a ndeer nuun? Bo ndiik xalaat adna na ɗoxaa a nuun,

O leetar ole Pool a bindna GIMU WE NGENNA ROM 14:1

Naangyo o ndalnaa oxe o ngim um a neewna, too ba nu ñimatir fo ten a qalaat um.

O leetar ole Pool a bindna GIMU WE NGENNA ROM 13:13

Fat i ñaaƴit o jof, yaam in wey na qoolaand ale. Ba i yer a yer a maamu mbaat i ñaam kupu. Ba i seeqaa mbaat i mbi’aa a pi a parƴu fo cer in. Ba i nqasir, too ba i siisraa.

O leetar ole Pool a bindna GIMU WE NGENNA ROM 12:16

Njegyo njofoor a ndeer nuun. Ba nu magnandoox, ndaa njaɓyo ke neewandooxna fop. Ba nu mbi’oox nen waa njegna o and muk.

O leetar ole Pool a bindna GIMU WE NGENNA ROM 2:8

Xan fuux le Roog fo a qaw ale ten a ndal took no we na mbaaƭaa o njiriiñ a qoox den soom, a nanaƭaran ndigil ne, soo a njaɓan njofaƭar ne.

A pi ake 18:15

Kaa koy, ne andoona yee ñimatir oo no kaa farna na xa ƭelem mbaat na kon mbaat no kebil ke na ƭat nuun, nuun na ƭeetkaa. Mi o mat, a ƭat es yongee teen.»

A pi ake 8:9

A jeg’a o koor oxaa miñ’ina kam teeru faaga koy, too a ne’el Simoŋ. O ñaañango a reeƭu, too a jom’and’a wiin waa Samari lool. Kaa fi’ooxoogu o kiin o maak.

Esayi 58:4

Koor nuun no nqasir fo ñimatir a ɓekaa a nuun fo no unreel xa kurpeeñ. A qeƭ nuun waagee o fadiid me mi, yaa nu ngoortaa neene.

Xa peƭit axe 26:12

O xetangaa fo xaa na fi’ooxaa o cegu yiif, andi yee yaakaar a fanxoy moƴu o yaakaarin.

Xa peƭit axe 25:14

Oxe na ga’atinooraa ci’it too cooxitkee a den, kaa nand nen o ufang.

Xa peƭit axe 13:7

Leng we kaa mbi’ooxaa jegu too njegee tus, lakas we mat a mbi’ooxaa rool too a njeg halal fa mayu.