1 Timote 6:16 - NQAARIIT NE ROOG

¹⁶ Roog soom xonkeeru. Kaa gen na qoolaand alaa o leng a waageerna o fad. O leng mosiran o ga, too o leng waagiran o doon a ngid sax. O ten soom jegu o niwel fa katil mbagkeer. Amiini.

1 Timote 6:16 Referans Kwoze

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

YEGIL MBAAX NE YEESU ne Saŋ a bindtuuna 1:18

O leng koy mosee o ga a Roog. Roog o Ƥiy o leng kut onqe rimeena, too a moƴ o mat a Faap fee, andnoorun.

1Saŋ 1:5

Ke i njangitna no ten, i yegnaa a nuun. Ten refu yee Roog a qoolaand oo, too o niɓaan o leng refee no ten.

A kim a tedu ke 90:2

Yaaga xa coong axe njegafulee, yaaga sax sakafuliro lanq ke fa adna fee, yaaga boo fa ndiik wo refu Roog, too wo na refkan bo na moos boo moos.

Kolos 1:15

Kiristaa refu nitaal Roog fee a ngid a waageerna o ga, a ref taaw um yaaga dara sakafulaand.

YEGIL MBAAX NE YEESU ne Saŋ a bindtuuna 6:46

Keene koy tektee yee o kiin a mos o ga a Roog Faap fee, a refangee oxe inoorna maa ten. Oxeene rek ga’u a Faap fee.

Mbeeñil 22:5

O yeng jegkatee, too wiin we soxla’katee a qoolaand o jam mbaat ale no njeeƈ ne, yaam o Yaal oxe Roog xan a fudin took den a qoolaand um, da maadooxaa boo faw.

A kim a tedu ke 104:2

huloox a qoolaand nen pay. Kaa o letin asamaan fee nen ƭiif,

A sutax ale 3:14

Maaga, Roog a laya a Moyiis ee: «MI REFU OXE REFUUMA.» A ɓaata teen ee: «Neeke o mat o doonkaa Ii-isra’el we: Oxe ne’eena MI REFU, luliidaxam me nuun.»

Mbeeñil 4:11

«Koo o Yaal oxe Roog in, jombiro ɓoxotel o ndam fo o niwel fa katil, yaam wo saku fop, too na pexey o bug of ke sakeena a reftu.»

Mbeeñil 1:6

Kaa fi a in saasadax no maat um, ndax i ndagoox a Roog Faap um. Yaasam ta ɓoxotel o ndam fo ngelfa bo na moos boo moos! Amiini.

Efees 3:21

O ndam a hela a Roog no fog ole no gimu we fo na Kiristaa Yeesu, bo na moos boo moos! Amiini.

Habakuk 3:4

Oxe garaa, a meleƈaa fo a qoolaand, a caf njeeƈ a inooraa no ɓay um, me doole um a laqooxna.

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

Mbeeñil 7:12

A laya yee: «Amiini! Yaam a simat fo o ndam fo o and fo o ngidim fo o niwel fa katil fa doole a ngela a Roog in bo na moos boo moos! Amiini!»

Hebre 13:8

Yeesu Kiristaa o leng kut oo: Ten refu oxe faak, a ref oxe xaye, too ten na refkaa boo kili.

A sutax ale 33:20

O Yaal oxe a ɓaata o lay ee: «Waagkiro o ga mukit es, yaam o leng waagiraam o ga boo a ƴut soo a ñoowaa.

Mbeeñil 21:3

Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

YEGIL MBAAX NE YEESU ne Saŋ a bindtuuna 14:9

Yeesu a doonaan ee: «Filip, yaa refuuma fa nuun boo ndiik, too andiraamo! Oxuu ga’axama, Faap fee a ga’u. Nam waagaxamo o layit boog ee: ‹Lali a in a Faap fee?›

Mbeeñil 1:8

O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»

YEGIL MBAAX NE YEESU ne Saŋ a bindtuuna 8:58

Yeesu a laya a den ee: «No ndigil, mexe layaa a nuun ee: Yaaga Abraham rimafulaand, refum.»

Filip 4:20

Yaasam Roog Faap in a ɓoxotel o ndam bo na moos boo moos. Amiini.

A cangatin ale 32:40

Kaam letin o ɓay es farna fa asamaan soo daaɓoox ee: Ne ta wooritna yee mexe ñoowaa boo kili,

Ke bindeena no xe ne’eena YOB 37:23

O leng waagee fad me no Cegu katil oxe. Kaa magin na doole, no cofel fo na ƭat, too soxla’ee o doon o leng!

Saak 1:17

Paax mbaat ci’it mbadu nuu refna, took a ngatu, na Faap fee sakna njeeƈ ne fo o nqool onqe fa xa qoor axe. No ten, a suptax a leng naagee o jegaa, too a qoolaand um suptooxkee o niɓaan.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

1Saŋ 4:12

O leng mosee o ga a Roog. Boo i mbexirna a ndeer in, Roog kaa genaa na in, soo o mbeq um a fadnoor na in.