1 Timote 6:12 - NQAARIIT NE ROOG

¹² Fat o gomrel ngomir mbaax ne o ngim a laamitna. Dami no ñoow o fagkeer ole taxna o xoyel, too o weejlitin o ngim of, wiin mayu a seede’in.

1 Timote 6:12 Referans Kwoze

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

1 Timote 1:18

Timote, wo fee o ƥees, keeke refu a cangin ale um doxnang. Kaa yoon fo fa lay fee we na njo’tanaa a Roog a lay’ina na wo yaaga. Fa lay feene xan a saƭakinong, ndax o waag o maafrel njom mbaax,

2 Timote 4:7

Maafreem njom mbaax, fagiɗ o sep ole, too ɗapiim o ngim onqe.

Mbeeñil 3:3

Wetandooxi boog ne daawtoona fo ne nantoona fa lay fee Roog. Gayeen, too fes pakaad of a cinj. O yokooxangee, xam gar nen o kuuɗ. Xam yen took of na waxtu faa foogooxkeeraxamoona.

1 Timote 6:13

Mbaambir Roog fee na ñoownaa kuu refna fo mbaambir Kiristaa Yeesu fee lay’ina ndigil nqoolu qac maa Poons Pilaat, mexe heblang,

1Saŋ 2:25

Ke ta regna a in refu ndegit ne no ñoow o fagkeer ole.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

Kolos 3:15

Fat jam fee Kiristaa, nu nqoyteena, ndefik njer leng, a gar na qeeñ nuun, nu njeg o ngidim.

1 Timote 6:19

Neene, xan a mbokatanaa a qoox den halal fa mbaax fa ndoone no saƭku yaam o feet, ndax da ndam no ñoow o ndiindigil ole.

Sakari 10:5

Goor we Yudaa xan a nqire’taa nen a salma-koor, a nduutaa fañ den nen lopopooƈ le no ped ke. Neene a maafitkaa, yaam mi o Yaal oxe mexey a ndeer den, too sax we na ŋaaykaa pis, a nqetik fa den, gaci soom a nqotitkaa teen.

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

1 Tesalonik 2:12

Nu yaale, saƭakinel, njangnel, ndax nu mbaag o ndeef a Roog ne ta bugtuuna, ten fee na xoyaa a nuun kam maat um fo no ndam um.

Xa peƭit axe 3:18

Kaa ref ndaxar o ñoow no we ndamuuna, we pokooxuuna a ƭaaya.

1 Piyeer 3:9

Ba nu ndakin paaxeer ke fo paaxeer mbaat wen le fo wen. Kaa nu mbar o mbarke’aa kañ, yaam no keene Roog a xoyit’u a nuun, ndax nu lam barke um.

2 Tesalonik 2:14

O xoy ole o Yaal oxe a xoyna a nuun na pexey Yegil mbaax ne in kaa tekit ee: Ngaryo njeg a las nuun no ndam onqe no Yaal in Yeesu Kiristaa.

A kim a tedu ke 63:8

No ndigil, wo refu ƈufig es, too kaam soroxole’aa yoora a nafir of.

A cangatin ale 26:3

Fat nu ndet maa no saasadax oxaa na fadnaa o far um a koom, nu layin ee: ‹Xaye kaa i mbeejliid o Yaal oxe Roog of ee i ndokiida no saax le ta daaɓoox’ina fo daan in ee xan a ci’in a in.›

Esayi 44:5

Oxene xan a lay ee: ‹O Yaal oxe jegaxam›, oxaana a xoyooxaa gon le Yakoob, o lakas oxaana a bind no ɓay um ee: ‹O Yaal oxe refanum›, soo a fakooraa gon le Isra’el.»

2 Korint 9:13

Nu kañtange calel keene, xan a simat a Roog yaam ne nu mbeejlitna yee nu nanana Yegil mbaax ne Kiristaa soo lalit o laabiir ole nu mbogna fa den no fop.

Hebre 13:23

Kaam bug nu and ee o pog in Timote a sute kaso. A teelangaa o gat, xam yooniid fo ten, ɗeetiid a nuun.

2 Korint 6:7

fo na pexey waare in no ndigil ne fo na pexey katil fee Roog. Ƥonax in refu o cofel ole i ñoxorteel soo mbegoortan.

A kim ale na kim ake 3:4

Yaa um jolaa a den o ndik rek, ga’aam oxe buguuma no xeeñ es. Naagaanum nuus, fañatin o xaƴ, boo neen ɓekanum kam mbind ya es, me oxe rimaxama a genna.

Filip 1:30

sagan njom leng kut ne nu nga’na um sagan, njang itam ee boo ndiik, mexe teen.

1 Timote 1:19

geek o ngim onqe fo yiif jeejooxeer dara. Yiif leene koy, a jega waa naanguuna buc, too kaa ngido kalte o ngim onqe.

1 Timote 4:14

Ba o yapatil ci’it ne doxnee’oona, too o daawtin na pexey we na njo’tanaa a Roog, a soƥ maak we no mbokatax ne no gimu we a ndoon xa ƥay den took xoox of, a nqeɗanang.

2 Timote 2:2

Ke nantoona na mi mbaambir seede mayu, doxneen wiin gore’u waa na mbaagkan o njangin lakas.

Yudaa 1:3

Nuun we fexuuma! Kaam jeemoogu o bind a nuun no kaa farna na muc ale i njegna, ye ga’uuma yee wareef es oo. Ten taxu, mexe bindaa a nuun o leetar olene, ndax um saƭakin a nuun, nu maafrel yaam o ngim onqe Roog a ci’na jaf leng kut tedu we ndefna wiin um.

Haahate we 3:2

yaam a bug soom suk ke no Ii-isra’el we a and soo a aqatoox xire, tan-tan boog we and’eeruuna yaaga: