1 Timote 6:11 - NQAARIIT NE ROOG

¹¹ Wo o mat, wo fee refna o kiin Roog, ƴufi keene. Waaƭki maa o cofel a farna, ten fo o reef a Roog fo o ngim fo o mbeq fo o muñ fo o ɓuuɓ.

1 Timote 6:11 Referans Kwoze

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

2 Timote 3:17

ndax o kiin Roog oxe a dey, too a jofnoox na pi a paax.

1 Timote 4:12

Ba o leng a yaftong ndeƥandoong. Fat o ref o ɗeendoor no we ngimna, ta ref na fa lay of mbaat no ñoowooƭ of mbaat no mbeq of mbaat no ngim of mbaat no qoolel of.

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.

1 Korint 10:14

Fog es, ten taxu um layaa a nuun ee: Ƈufyo a cuurax.

1 Piyeer 3:11

Fat a goƭatir fo paaxeer, soo a fi’aa paax. Fat a waaƭ jam, a reefanin.

1 Korint 6:18

Ƈufyo ceeq! A jega pakaad lakas kaa ndefeerna no cer, ndaa oxuu rokna no ceeq, cer um sax sax a tooñu.

A kim a tedu ke 34:14

gayi ɗelem of boo laykee paaxeer, gay muuceek of itam na ƭelem a naanax.

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

1 Korint 14:1

Keene koy taxu nu mbar o ndiirooxaa o mbeq. Kaa koy, mbaaƭyo itam lakas ke Yiif le Roog a ci’taa. Ci’it ne nu mbarna o moƴ o mbug teen refu ci’it o njo’tanaa a Roog.

O leetar ole Pool a bindna GIMU WE NGENNA ROM 14:19

Yaaga boog, fat i naaɓaa ke na ɓisiidaa jam, too a jokaa o ngim a ndeer in.

Esayi 51:1

O Yaal oxe kaa tee: «Nuun we na naaɓaa o cofel ole too mbaaƭaxam, nan-gilooxaamoo! Ƭeetyo ɓil le nu mbaqaqoorna fo xooɗ le no gamb le nu suudteena.

A kim a tedu ke 38:20

Fañ es owe ñoowaa tigi, a may doole bo. We sibtaxama cegeer owey gañ.

2 Maad we 5:20

Gehasi fee surga Eliise fee o kiin Roog a laya taa no yiif um ee: «O yaal mbind es a xaña a Naaman, o Aa-araam oxe, boo jangee dara no ke ta ɓisiid’uuna. Ndiiki koy, ne ta wooritna yee o Yaal oxe xe ñoowaa, neene a woortu yee xaye um daabin, jegit no ten tig.»

1 Timote 6:20

Koo Timote, geeki ke doxnee’oona, too wootoox fa lay fa ngoɓong faa guutatirna fo o ngim onqe. Wootooxi itam qasir ke inoorna no ke na xoyeel o and ole, too refiran.

Yeremi 35:4

Ɓisaam a den no Mbind ne no Yaal oxe, ɓek a den na ndok alaa daalbe we Hanan fee o ƥiy Yigdaliya, too a ref o kiin Roog, a mer’ina o mbokatooraa. A ndok aleene kaa reeƭu paam ale no kelfa ke soo a garit took ale Maseya fee o ƥiy Saalum, too a ref o saasadax oxaa saq’ina a yetax ale no ndokand ne no Mbind Roog ne.

2 Caloori ke 8:14

Salomo a dalna a yaj ake no saasadax we ne faap um Dawid a jagandit’uuna, ta reefandel no far den, ake no Leelewi we ta reefandel na toq den ale refna o niwaa o Yaal oxe soo a mbadnaa o far den mbaambir saasadax we, ne ta hebliteena na bes fuu refna. Neene itam a reftu no yeeyetax we na xa ton-maax axe nqaajrand’eena xa ton-maax axe, a reefandel na yaj den. Neene deŋ Dawid fee o kiin Roog oxe a heblit’un.

2 Maad we 23:17

A laamta a den ee: «Kaana um ga’aa, refee a mboy?» Goor we na teeru faa a ndoonaan ee: «A mboy ale no kiin Roog oxe inoor’ina Yudaa too a yegnit’u fop ke fi’oona o sadaxand olene yoo.»

2 Maad we 1:13

Ahasiya a lula o aa-adax no xiixire qarɓeen ƥetik fo xiixire qarɓeen ƥetik um jaf dadkandeer. O aa-adax o tadkandeer oxeene a ŋaaya, too ye ta fadiidna, a gooknooxa mbaambir Eliya, a xeɗooxin ee: «O kiin Roog oxe, kaam xeɗang, ndax o ñoow es fo ole no goor qarɓeen ƥetik weeke ndefna dag of, a haalong!

2 Maad we 1:9

O maad oxe a lula maa Eliya o aa-adax no xiixire qarɓeen ƥetik, ta yoon fo xiixire qarɓeen ƥetik um. O aa-adax oxaaga a ŋaaya maa Eliya fee moof’ina no jul ole no joong olaa, a layin ee: «O kiin Roog oxe, o maad oxe kaa tee o fudooxiid.»

1 Maad we 20:28

O kiin Roog oxe a soƥiida o maad oxe Isra’el, a layin ee: «O Yaal oxe kaa tee: ‹Feek Aa-araam we kaa lay ee o Yaal oxe kaa ref Roog fee na xa coong axe, ndaa refee Roog fee na xa saawit axe, xam ɓoxot faan maak leene fop na xa ƥay of, too xan nu and ee mi refu o Yaal oxe.› »

1 Maad we 17:18

O yaal mbind o tew oxaa a ñofa o laamit a Eliya yee: «Xar i ndeeru, wo o kiin Roog oxe? Kaa o xalatooxiidaam ndax o wetand a Roog tooñ es boo a tax o ƥees a xon neeke?»

1 Sami’el 2:27

O tuleer Roog a gara, a soƥiid a Eeli, a layin ee: «Kene refu ke o Yaal oxe a layna: ‹Ndax refee yee mi feeñoox’u daan of, ye da ndeeƭna no mbaƭ kam saax laa Misira no ɓay Firawon fee?

1 Maad we 13:26

O tuleer oxe nomtitiid’uuna na ƭat ale a yegaan soo a lay ee: «O kiin Roog oxe nanaƭaranna ke o Yaal oxe a lay’uuna yoo. O Yaal oxe kaa ɓoxotin njogoy, ta listin, a warin, ne o Yaal oxe a layit’uuna o ten.»

1 Maad we 13:1

O kiin Roog oxaa o Yaal oxe a hebil’ina a inoora Yudaa, a gar Betel, a soƥ Yerobowam a ref no sadaxand ole, a doxaa cuuraay fee.

1 Sami’el 9:6

O tag oxaa a doonaan ee: «Mee ndax sax a jega o kiin Roog oxaa genna na teeru fene i mbaambirna, too o kiin o cegu gon oo. Ke ta layaa fop, dara nee wataa teen. Fat i ndet maa ten. Xeƈa xan a lal a in a ƭat ale i mbarna o nqot.»

A cangatin ale 33:1

Keeke refu fa lay fee Moyiis fee o kiin Roog a barke’itna Ii-isra’el we, ye ta helkaa fo xon.

A cangatin ale 16:20

O cofel rek nu mbaru o ndeef, ndax nu ñoowaa soo njang saax le o Yaal oxe Roog nuun a ci’na a nuun.»

Nehemi 12:36

Fog um saasadax we ndefna Semaya, Asarel, Milalay, Gilalay, Ma’ay, Netanel, Yehuda fa Hanani ndeefan’un, a saq pakir ke Dawid fee o kiin Roog. Esdaraas fee o caajangin oxaa andna kebil ke adooxan’u a den.

Nehemi 12:24

Kelfa ke no Leelewi we ndefna Hasabiya, Serebiya fa Yesuwa fee o ƥiy Kadmi’el kaa njasnooroogu fo Leelewi lakas we, ndax da simat soo a tagas o Yaal oxe, ne Dawid fee o kiin Roog a simtit’uuna. Kaa njaaɓanroogu a qaaj a qaaj.

1 Caloori ke 23:14

Moyiis o mat refu o kiin Roog oxe soo xa ƥeem a ƭeetel nen waa mbogna na carind ale Lewi.

1 Maad we 17:24

O tew oxaa a laya a Eliya yee: «Ndiiki andataam kañ ee o kiin Roog refo, too a woora yee fa lay fee na hataa no don of fa lay no Yaal oxe yoo.»

Xa peƭit axe 15:9

O Yaal oxe kaa sib o ñoowooƭ no soxodu xe, ndaa kaa fex oxe na reefaa o cofel ole.

1 Timote 1:14

Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.

2 Timote 2:21

Yaaga koy, boo o kiin a riƈatuna nqoolaƭar nuu refna, xan a nand fo ƥaxañ ke na suteel na bes fa maak, a kesel, a jeg o njiriiñ no yaal um, a waagel o fi’it kuu faaxna.

2 Timote 3:10

Wo o mat, reefaa a cangin es fo a ñaaƈooƭ es, ref o paar o nand es. Andaa itam o ngim es fo o muñ es fo o mbeq es fo o saƭkel es