1 Timote 6:10 - NQAARIIT NE ROOG

¹⁰ No fex xaaliis, paaxeer kuu ndefna a ngataa. A jega koy waa andoona yee owaa njegan, a ngoƭ o ngim onqe, soo a yenan a qoox den no coono kaa o leng a saɗeerna o ga.

1 Timote 6:10 Referans Kwoze

Xa peƭit axe 1:19

Kene refu a las no we na nguuɗaa: Nguuƭ na warkaa a den.

1 Timote 6:9

We na kasaƥ-kasaƥnaa na halal, a naanga o yenaa no mbog fo na yuxum akaa o leng a andeerna xoox um fo a caf um. A yuxum akeene koy na njogolaa wiin we no luubax fo na saŋkax.

A kim a tedu ke 32:10

O soxodu xe, coono ƥor mbodun mbaambir, oxe hoolooxna o Yaal oxe o mat, o mbeq um kaa widin.

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

Xa peƭit axe 1:31

Xan nu mbuq o gaf ole na pesoorooƭ nuun, naang tem fa luq-luq nuun.

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

Esayi 56:11

Xa ƥox xa say a ndefu itam, axaa mbaageerna o ngiñ, ke da ndefna gaynaak fop oo! Dara refee na qoox den, a yuxum a qoox den soom a ndeefaa, oxuu refna na den o njiriiñ xoox um a waaƭaa.

2 Timote 4:10

Demas kaa xaƴaam, a ret Tesalonik, yaam tig adna a moƴanin. Keresaas a ret Galati, Tiit a ret Dalmati.

1 Timote 3:3

Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

A cangatin ale 16:19

Ba nu ƭap yaa fa hate, mbañ o mbarit o leng no kate nuun, too ba nu njaɓ o neexleel muk, yaam neexil ke kaa mbuulnaa a kid ake no yaal-o-and we soo a yaqaa fa lay fee no jofu we.

Saak 5:19

Fog es, o leng na nuun a gulmangaa a ƭat ale no ndigil ne, soo koy o lakas a nomtiidin na ƭat aleene,

1 Timote 6:21

Leng-leng a ndoka teen, too a mbesa o ngim onqe a cinj. Yaasam yirmande Roog a ref fa nuun!

Heseki’el 22:12

Me wo, ker ke kaa njaɓeel, ndax fo’oy a ɓaxel. Kaa o rawnitaa took ndimand ngupalu. Kaa o jaɓaa o jeg no kend of took o hup doole, soo mi o mat o weecaam. Mi o Yaal oxe na refkaa boo faw layun.

Heseki’el 16:33

A caga ke fop kaa cooxeel neexil, ndaa wo o mat, neexil of ci’aano xa pes of fop, fapit a den nger, ndax o kooc a den me wo, muu refna no njaga of.

Heseki’el 13:19

Kaa nu niwaƭaraxam paam xeet es yaam tanq lorso fo xa ƭeg puuru yaa nu mbaraa xa laaw axaa mbareerna o nqon, soo ñoownooraa xa laaw axaa mbarna o nqon, yaa nu maaɓaa xeet es fee na nan-gilooxaa xa maaƥ.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

A cangatin ale 23:18

«Ba o leng no Ii-isra’el we, ta ref o koor mbaat o tew, a rok no njaga ne ɗeeteena nen tedu.

Mberaand 29:26

Laban a layaan ee: «Kaaga naagee o jegaa me in, o ndeɓ naagee eetaa o doloox o maag um.

Mbeeñil 18:13

A njikooxooga kanel fo safnir lakas fo qeeñe-xeeñe fa miir fo cuuraay. Biiñ fa diwliin fo mbiɗel fa bele fo qoox fo paal fo pis fo a sareet bo no faɗ, ndefna wiin ñoow sax, a njega.

2 Maad we 5:27

A tik-a-maak ale Naaman xan a feelong, wo fo xa taan of boo kili.» Yaa Gehasi a inooraa maa Eliise rek, a tik-a-maak alaa a feelaan boo ta ranig taw nen fa liit.

Mberaand 38:16

A matiidaan paam a ƭat ale, soo a layin ee: «Ngela ci’aam um yoon fa wo!» yaam andid’ee yee o seemir um oo. O tew oxe a doonaan ee: «Xar o cooxkaxam ndax o yoon fa mi?»

Mberaand 29:14

Maaga, Laban a layaan ee: «Andaam kañ ee o pog es ŋaƈit refo, too fo’oy fo leng kut ole na ƴufaa ƴuf na mi na ƴufaa na wo.» Yakoob a moofa maa Laban boo a jeg o nqool.

Yosuwe 7:21

kaam ga’’u no cangale ke sabadoor mosu naa inoorna Sine’aar fo xa monjong teemeed ƭik xaaliis fa nqoolu fo muul wurus laa o meɗel um a fi’na liibar, yaaw a den lool soo xot a den. Ndiiki koy, owaay ɗasnuuma, gas a den ndeer ee ndeer ƭiif es, xaaliis fee a adoox.»

A kim a tedu ke 62:10

A woora yee xa ƥiy Aadama nqeñ doŋ a ndefu, xa ƥiy no kiin a ndef cegeer. Den fop a meɗnooxange, a moƴ o yelef nqeñ ne.

Xa peƭit axe 15:27

Oxe buge’na kaa loraa mbind um, oxe jaɓeerna gerel o mat xan a ñoow.

O baawaare xe 2:19

too an andu, ndax o cegu yiif a refkaa mbaat fanxoy? Yaag oo toox de, o ten na hame’kaa ke ŋus-ŋusnuuma fop ɗuga njeeƈ ne, a jiriiñoorit teen o jeg-yiif es! Keene kasaara a refahinu.

Mace 6:19

«Ba nu mbokatanoox halal na adna fee me max ke fo nqoy ke a yaqtaa, soo guuɗ we ndaƈtaa, a nguuɗaa.

Mace 13:22

Ax ke nduufeena kam kiƈ ke ndefu oxe na nanaa fa lay fee Roog. Kaa koy, a qalaat ake na jamaane fee fo ne halal adna a ƴiƴtaa a den a naanga o ngoñaa fa lay fee Roog boo waagkee o rim.

Mark 4:19

ndaa a qalaat ake na adna fee fo ne halal adna a ƴiƴtaa a den fo a yuxum ake no ñoow ole kaa ngoñaa fa lay fee boo mbaagkee o ndim.

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

2 Timote 3:2

Xan wiin we a ƈufanaa a qoox den, xaaliis rek a ref xaariit den, da ndoon a qoox den maa da mbadeerna, a nga’atinoox, a mbenaa a Roog, a mbañ o nanan we ndimna a den, a ndef giñ-a-weec. Xan a ndef waa mbugeerna a ƭat Roog,

Mberaand 34:27

Xa ƥiy xa koor axe Yakoob a njanga tikoorik ke no we nqonna, a njangal teeru faa yaam o cigeen den kaa doon’el gaci.

1 Maad we 2:40

Simey a inooxa, a humin o faam ole ten, a ret Gaat maa Akiis a xotik surga ke ten. Maaga, a reta boog, a xottiid surga ke ten Gaat.