1 Timote 6:1 - NQAARIIT NE ROOG

¹ Fat fop we andoona yee kaa mbi’el faɗ, a niw yaal pind den. Neene, gon Roog fo a cangin ale na Pind a Tedu ke mbenkaand.

1 Timote 6:1 Referans Kwoze

Tiit 2:5

Fat a njangin a den itam da ndamoox, a ndam no gor den soom, a mbi’aa calel ke no mbind ne, a mbaax, a nanan gor den, ndax fa lay fee Roog wenkaand.

O leetar ole Pool a bindna GIMU WE NGENNA ROM 2:24

Ten taxu a Pind a Tedu ke a laya yee: «Nuun taxu we ndefeerna Yaawuur a mbenaa gon le Roog.»

1 Piyeer 3:16

Kaa koy, mbi’eenoo fo xeeñ letu, too niw oxuu refna. Njegyo yiif jeejooxeer dara, ndax boo andoona sax ee kaa nu mberanel paaxeer, maaga we na layaa paaxeer na pesoorooƭ a paax nuun na Kiristaa, a ngac’andel.

1 Piyeer 2:12

Ndeer gimaƭaru we, saqyo a pesoorooƭ a paax, ndax muu da njambitna a nuun nen waa na mbi’aa paaxeer, da nga a pi a paax ake nuun, too a simat a Roog na bes fee ta xalatooxiidkaa a den.

Galati 5:1

Kiristaa kaa wokit a in, ndax i njeg a qoox in. Saƭakinooxyo boog, too ba nu nomtoox no mbaƭ ne.

A pi ake 15:10

Ndiiki koy, xar taxu nu mbogaa a Roog, soo ngadnaa daalbe we a toq akaa i ngatleerna, daan in sax ngatliran, ne’katiim in fa qoox in.

A pi ake 10:22

A ndoonaan ee: «Korney, o aa-adax no xiixire teemeed luliidu a in. O kiin o paax oo, a saɗar a Roog. Xeet faa no Yaawuur waa fop kaa seede’aa no ten paax. Malaaka Roog yegnun ee ta xoyniidong ndax o gar no mbind um boo ta waag o nan-giloox ke o laykan.»

A pi ake 10:7

Yaa malaaka faa layoogna fo ten a retna, Korney a xoya ɗik no dag waa ten fo o qiixire o leng oxaa reeƭna na sañ-sañ um, too a reefoogu a Roog.

YEGIL MBAAX NE YEESU ne Lik a bindtuuna 17:1

Yeesu a laya daalbe we ten ee: «Tolofnoorel ñakkee o jeg, ndaa ndaw sabab took no xe na ɓisiidan!

Mace 11:30

Kadoor ke mi a ɓodaxa, too ndoq ne cooxuuma a nuun a yelefa.»

Malaki 1:6

O ƥiy kaa ci’aa a faap um cer, soo o tag a niwaa o yaal mbind um. Yaaga boog, mi fee faap nuun, xar taxu nu ci’iraam cer? Ndi mi fee o Yaal nuun, xar taxu nu niwiraam? Mi o Yaal oxe Hupna fop na laamtaa a nuun keene, nuun saasadax we na ñawle’aa gon es soo ndamtin ee: «Na xar i ñawle’taa gon of?»

1 Timote 5:14

Kaam bug boog ñaaw we maadna o ndefaa no ndeƥandoong den a ndolookatin, a njegik xa ƥiy, a topatooxaa pind den, too a mbañ o ci fañ in kaa da ŋañitna a in.

1 Korint 10:32

Ba nu ndef a panq no Yaawuur we mbaat no we ndefeerna Yaawuur mbaat no tedu we Roog.

Mace 11:9

Layangaamoo ke nu ƭeetik’ina boog! Ndax o tuleer Roog nu ƭeetik’u? Ii, ndaa mexe layaa a nuun ee oxaa hupna o tuleer Roog sax oo.

Heseki’el 36:23

Xam tedland gon maak le mi maasand’eena a ndeer qeet ke, gon leene nu maasandna a ndeer den, too qeet ke xan a and ee mi refu o Yaal oxe, yaa um tedlanditkeel na nuun na kid den. Mi o Yaal oxe na refkaa boo faw layun.

Heseki’el 36:20

A mbadiida me no qeet ke da njofoogna too a maasanda gon tedu le mi boo a tax ta layoogel na den ee: ‹Xeet fee no Yaal oxe yoo, no saax um a sutooru.›

Esayi 58:6

Keeke refu koor ne buguuma: Ten refu yee o wokit we ngumteena ceen took o hup doole, ɗeg ŋaƭir ke no kadoor ke da ireena, we na toroxandeel, o fi da njeg a qoox den, ɓol kadoor ke fop.

Esayi 52:5

Kene o Yaal oxe a layu: «Ndiiki o mat, xar xottum teen, yaam xeet es kaa ƥoxotel o meere-meere? Ñaañagadil we den owe mbalalooxaa, soo gon es a gen no weneel cay.

Esayi 47:6

Kaam fuuxan’u xeet es, fudin we jeg’uuma soo ɓoxotong a den. Wo o mat, yirmiro a den, gadnaa o nogoy oxe sax kadoor meɗu ke wo.

Nehemi 9:5

Cinj kaaga, Leelewi we ndefna Yesuwa, Kadmi’el, Bani, Hasabneya, Serebiya, Hodiya, Sebaniya fa Petahiya a mbalalooxa yee: «Inooxyo, ngidim o Yaal oxe Roog nuun, bo na moos boo moos.» «O Yaal oxe, fat oxuu refna a niw gon of jegu o ndam, o magnel um a hupna o ngidim onquu refna fo a simat aluu refna.

2 Maad we 5:13

Kaa koy, surga ke ten a matiidaan soo a layin ee: «Yaal mbind, ndax o tuleer oxe a sim’angaang kaa ɗomna, fi’koogino? Xar yaqanu o fi boog ke ta layoonga yee o ɓogoox soo xool!»

2 Sami’el 12:14

Kaa rek no keene ci’aa fañ we no Yaal oxe o wooƥ olaa da mbentuuna. Ten taxu o ndeɓandoong onqe sogeena o rim xan a xon.»

A cangatin ale 28:48

xan nu ndagooxaa fañ nuun we o Yaal oxe a ɓisaniidkaa a nuun. Xan nu nqeexel, ngoɗomel, ƥangdel, ñak fop. Xan o Yaal oxe a gadin a nuun kadoor njelem, boo yaa ta moocandkaa a nuun.

Mberaand 24:27

a lay ee: «O Yaal oxe Roog fee no yaal mbind es Abraham a hela o simatel, ten fee xañeerna o yaal mbind es o paaxel um fo ngor um. Mi fa xoox es sax o Yaal oxe a ɗoxiidaxam boo no mbind ne no fog we no yaal mbind es!»

Mberaand 24:12

Cinj kaaga, a laya yee: «O Yaal oxe, Roog fee Abraham fee o yaal mbind es, kaam xeɗang o xetandaam fo ke buguuma xaye too o lal a Abraham fee o yaal mbind es o paaxel of.

Mberaand 24:2

Abraham a laya o tag oxe ten moƴ’ina o miñ no mbind um, too a topatooxaa o jeg ole ten ee: «Dooni o ɓay of ɗuga a ñaal es,

Mberaand 16:9

Malaaka fee no Yaal oxe a layaan ee: «Nomtooxi maa no yaal of, too neewandoox no ɓay um.»