1 Timote 5:8 - NQAARIIT NE ROOG

⁸ A soƥangaa yee o kiin topatooxee wiin um, a eetit no ƥasil um, oxeene a goƭatira fo o kimu, too ten moƴu faaxaƭar o kimeer.

1 Timote 5:8 Referans Kwoze

Galati 6:10

Yaaga boog, ye i maadna o njegaa o daaw, fat i mbi’anaa oxuu refna paax. We i mbarna o moƴ o mbi’anaa paax sax ndefu fog in no ngim onqe.

2 Korint 12:14

Mexe dadkandiidaa o jaf es me nuun, too taxkee um gaɗ ñoowir es na nuun, yaam refee yee kalal ke nu njegna um waaƭaa, ndaa xa mem nuun sax. Refee yee xa ƥiy axe mbaru o saakanaa paap ke den ñoowir, ndaa paap ke mbarun o mbi’an a den.

Esayi 58:7

Ten refu itam o xaajir fo xe xeexeena ñaamel of, rool we njegeerna maa njaɓnooxna, o wetan a den mbind of, oxe ɓangdeena, o cooxin ñirax, soo fañ o fes a cinj o pog of.

Tiit 1:16

Kaa ne’ooxaa andu a Roog, too yaaga fop oo a pi den a ñufaa gon Roog. Wiin faaxaƭaru a ndefu, a nanaƭar, a pi a paax a xox a den sup.

Mace 7:11

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee refna na asamaan ci’kee a nuun paax yaa nu nqeɗuuna o ten?

2 Timote 3:5

Xan a ne’ooxaa reereef a ƭat Roog, ndaa njaɓkee ke refna doole o reef a Roog. Yufi wiin nandu naaga!

Mberaand 30:30

O ndik onqe jeg’oona eetaand, ga’aa ne ta ɓaatoorna, too o Yaal oxe a barke’aang no kaa xotitna no ñaal naa rokiiduuma no mbind of. Ndiiki koy, a mban um jalankaa ƥasil es?»

Mbeeñil 3:8

Kaa tee: Andaam ke o fi’aa fop. Andaam itam ee katil of mayee. Yaqanee o gayaa fa lay es, too xañiraamo. Kaam wet mbaambir of begax naa o leng a waageerna o weg.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

2 Piyeer 2:1

No camaane ke mbaafna, a jeg’a duleer maamaaɓ a ndeer xeet fee. Neene itam, xan a jeg a ndeer nuun jaajangin maamaaɓ waa na ƥisiidkaa a cangin a paaxeer akaa na yaqkaa o ñoow ole no wiin we, a nqañaa o Yaal oxe mucilna a den no pakaad den. Yaam ke da mbi’aa fop, a qaw a maak xan a gar took den, a saŋik a den no miñeer.

YEGIL MBAAX NE YEESU ne Saŋ a bindtuuna 15:22

Um layiid’angee fa den, njegkoogee bakaad, ndaa ndiiki, ye da andna ndigil ne, soo a mbañin o ndeef, njegkee qañatiloor.

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

2 Korint 6:15

Nanoor num Kiristaa fee a waagu o jeg fa Saytaane? Kaam ee a las alum o kimu xe a waagu o fog fo o kimeer oxe?

Mace 18:17

A fañangaa o nan-giloox a den, layeen mbokatax ne no gimu we. Boo ta fañna o nan-giloox mbokatax ne no gimu we, fat o fi’in nen o kimaƭaru mbaat nen oxaa na rabdinooxaa juuti.»

1 Korint 6:6

Ten taxu yoo fog ɗik a nqetaa no nqel no gimeer.

2 Timote 2:12

i nqijangaa fo ten, xan i maadook fo ten. I layangaa yee i mosiran o and, too andin, xan a xañ ee andee a in itam.