1 Timote 5:6 - NQAARIIT NE ROOG

⁶ O ñaaw oxe andoona koy ee kaa ñoowaa na baneex, kaa xon ɗoŋ, ke ta xuƥaa fop oo.

1 Timote 5:6 Referans Kwoze

Saak 5:5

Nu ñaama o ñoow ole na adna fee kam o neq fo no kuu felna a nuun. Nu yablooxa boo naang neeke naluƈ nen ƥuj kude.

Mbeeñil 18:7

Ndoonyo took um ƭomu fo toroxand kaa mbodirna fo o ndam onqe fo o neq ole ta jeg’ina. Kaa layooxaa yee: ‹Kaam moof mene nen o maad o tew. Refiim o ñaaw too andkiim ke ñaaw a refna boo muk.›

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

YEGIL MBAAX NE YEESU ne Lik a bindtuuna 15:24

Yaam o ƥees onqe xon’ina a ñoowatina. Kaa mo’’u too a feeña.› Naaga, a ndalfooxa o ndef no mbelakinooxaa.

YEGIL MBAAX NE YEESU ne Lik a bindtuuna 15:32

Kaa koy, kaa o war’u o sawar too felakinoox, yaam o ndeɓ of oxey, kaa xon’u, too a ñoowatina, kaa mo’’u, too a feeña.› »

Efees 5:14

Yaam kuu feeñleena a qool qac, a qoolaand a refataa. Ten taxu ta layeel ee: «Yokooxi, woxe na ɗaanaa, inoox a ndeer no xon we, too xan Kiristaa fee a xoolandong.»

Efees 2:1

Yaaga, kaa nu nqon’u mbaambir Roog yaam tooñ nuun fo pakaad nuun.

YEGIL MBAAX NE YEESU ne Lik a bindtuuna 15:13

A cinj ñaal leng-leng, o ndeɓ onqe a sofa ke ta jegna fop fa xaaliis, soo a ret fo ten no saax goƭu. Maaga, a ñoowooga no kaa feluuna, a yaq ke ta lam’ina fop.

Mace 8:22

Oxaaga itam, Yeesu a doonaan ee: «Reefanaam, too xaƴ xon we a uup xon den.»

Kolos 2:13

Nuun we tooñ nuun a mbarnoor’ina, a mbokatoor fo ñak ngiɓoor nquc ndiindigil ne war’ina a ndeer nuun fa Roog, Roog a ɓisiida a nuun fa Kiristaa no ñoow ole, ye ta letinna yirmande um, a hul tooñ in nuu refna.

Efees 2:5

A taxa boo i ñoowatin fa Kiristaa, in we ndeeƭna waa nqonna mbaambir um yaam tooñ in. Neene boog, na yirmande Roog nu muctu.

YEGIL MBAAX NE YEESU ne Lik a bindtuuna 12:19

Cinj kaaga, xam lay na xoox es ee: Wo o laaw es, jegaa paax mayu kaa geekanoona a xoox of boo xa kiid xa mayu. Naagi ñootnooxaa, ñaamaa, yeraa, felakinooxaa!›

YEGIL MBAAX NE YEESU ne Lik a bindtuuna 7:25

Ndi xar nu ƭeetik’u? Ndax o kiin oxaa rokooxna tikoorik mosu nu ƭeetik’u? Kaa koy de, nuun moƴu o and ee we na ndokooxaa tikoorik mosu, too a ñoowaa na baneex, owe no pind no maad ke.

A ƭomatax ake 4:5

We ñoowtoogna ñaamel pelu owe nqonaa fo nqeex no ped ke, we yaroox’ina kam daalde owe mbirkilooxaa na siind ake.

Yeremi 6:2

Siyoŋ fa mosaan fee too a yaawnoox mexe gefiidan tuƈ.

Esayi 47:1

O Yaal oxe kaa tee: «Fudooxiidi, moof kam fo ut ole, wo Babilon o njaaƈ o ndoog onqe! Moofi a lanq, wo o ndoog onqe no Kaakalde we, yaam jegatiro uum-maamaad! No ke xotitna ndiiki xoykataandee o mosu xe mbaat o nequ xe.

Esayi 22:13

ndaa o ɗaay fo o mbelakinax ndefu meen. Qoox ke we mbareel, paal ke a nqirseel, a tegeƴ ake a ñaameel soo biiñ fee a yereel, nu ndamtin ee: «Fat i ñaamaa, yeraa, yaam o feet i nqon.»

Xa peƭit axe 29:21

Oxe na moosaa o paɗ um no ndeƥandoong um, kaa retaa boo waagankatiran tig.

1 Sami’el 25:6

layin ee: ‹Yaasam o hiid ole a fel! Yaasam jam a jeg a ndeer ƥasil of fop fo no jeg ole fop.

1 Sami’el 15:32

Cinj kaaga, Sami’el a laya yee: «Ƥisiidaamoo a Agag, o maad oxe no Aa-amalek we.» Agag kaa sendoogu, ye ta garaa me Sawul, a layaa yee: «Fa nqon daal felee.»

A cangatin ale 28:56

O tew oxe moƴna o yokoox a ndeer nuun, a moƴ o giñ, a ham a xoox um boo bugee dak o jaf um a lanq, xan a ɗeetaa a ngid a pariƴ o kor um oxe ta fexna fex, o ƥeem o ngoor fo o ƥeem o ndew,

A cangatin ale 28:54

O koor oxe moƴna o yokoox a ndeer nuun sax, a moƴ o jeg o liir, xan a ɗeetaa a ngid a pariƴ o pog um ŋaƈit mbaat o teem oxe ta fexna fex fo we na yoqkaa na xa ƥeem,

YEGIL MBAAX NE YEESU ne Lik a bindtuuna 16:19

«A jeg’a o yaal halal oxaa rokooxoogna ndoki daalde fo sooy, too bes fuu refna kaa bumbaayoogu, a ñoowaa o ñoow o felu.

Mberaand 2:17

bo ta yoqaa ndaxar ne na andnooraa paax fo paaxeer, yaam a mbanuu moɗoona xa tim axe ten, xan o xon.»

2 Timote 3:6

A jega na den waa na ndokaa kam pind ke, a ƭooqlooxaa rew we yooɓna naxel, pakaad den a mbiiqilna, a yuxum a pagkatar a maƥ a den.