1 Timote 5:3 - NQAARIIT NE ROOG

³ Niwi ñaaw we yoqna koƭong, too njegee oxaa geenooxna a den.

1 Timote 5:3 Referans Kwoze

A cangatin ale 27:19

‹Oxuu ɗapna hate took a bug o maaf o gataakoon mbaat o waan mbaat o ñaaw a halakooxa!› Fat xeet fee fop a ndoon ee: ‹Amiini!›

A pi ake 6:1

Na jamaane faaga, a soƥ daalbe we a ƥaatoox, we layoogna a gerek na den a ñuxmatilooxooga no we layoogna a hebre. Kaa layoogu yee ñaaw we den kaa mbeecoogel no ñoow ole da nqaajroogna mbeet oo mbeet.

A cangatin ale 14:29

Maaga, xan Leelewi we njegeerna a las, njegee lanq a ndeer nuun, a ngar a nqotin, den fo xa kataakoon axe fo xa baan axe fo ñaaw we na ngenkaa no teeru ke nuun. Neene, xan da mbaag o ñaamaa boo a ngiñ, too o Yaal oxe Roog nuun xan a barke a nuun no kuu nu ndokna.»

A cangatin ale 10:18

O waan ole fo o ñaaw oxe kaa ta ɓoxotaa a den ɓur den, a fex o gataakoon ole soo a ci’an ñaamel fo ñirax.

1 Piyeer 2:17

Niwyo wiin we fop, mbex o fog ole no gimu we, saɗar a Roog, too niw o maad oxe.

A cangatin ale 16:14

Fat nu mbelakinoox yaa fa xew feene, nuun fo xa ƥiy nuun xa koor fo xa tew fo surga nuun fo jeefeer nuun fo itam Leelewi we fo xa kataakoon axe fo xa baan axe fo ñaaw we ndefna no teeru ke nuun.

A cangatin ale 16:11

soo mbelakinoox mbaambir no Yaal oxe Roog nuun no mbiñ onqe ta jilkaa ndax gon um a ƴufginooreel teen, nuun fo xa ƥiy nuun xa koor fo xa tew fo surga nuun fo jeefeer nuun fo Leelewi we ndefna no teeru ke nuun fo itam xa kataakoon axe fo xa baan axe fo ñaaw we na ndefkaa a ndeer nuun.

A sutax ale 20:12

Niwi a faap of fa ya of, ndax o xuuɗ kam saax le um ci’kang, mi o Yaal oxe Roog of.

1 Piyeer 3:7

Nuun gor we itam, yaa oxuu refna na nuun a ñoowaa fo o teem, fat a and ee mbindeef naa moƴuuna o neew doole a refu. Niwyo a den nen waa mbarna o lam fa nuun yirmande fee no ñoow ole, ndax dara waagkee o yaq a qeƭ nuun.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

1 Tesalonik 2:6

Yaag oo toox de, nen waa Kiristaa a lulna i mbaag’a o ngeblaa a nuun fa doole, ndaa i mbi’iran, yaam i mbaaƭee o ndam onqaa inoorna no wiin we, refee me nuun, too refee mbaambir no lakas we. Kaa i ƥuuɓ’u kañ, yaa i ndefna a ndeer nuun, boo ne o ƥasil a teeteeltaa xa ƥeem.

A pi ake 9:39

Piyeer a naaga daket a inoox, a yoon fa den. Ye da mbadiidna, a ƥisaan na ndok-took alaa. Ñaaw we fop kaa mbid’un o kurul-keƥ, a ndef na xa lool, a lalan sabadoor ke fo xa porok axe Dorkas a ɗiisoogna ye ta refaa fa den.

YEGIL MBAAX NE YEESU ne Lik a bindtuuna 7:12

Yaa Yeesu a faambnooxiidna saate faa, a ga’a waa saqna o dal, a ƥisan no poy kaa. O ƥiy o leng no tew oxaa ñaawooxoogna a reeƭu, too wiin mayu waa ngenna na saate faa a ndeeƭa fo ten maaga.

YEGIL MBAAX NE YEESU ne Lik a bindtuuna 2:37

ndaa cinj kaaga o ñaaw a reeƭatu. A jeg’a xa kiid qarɓeen ɓetuu tadik fo xa kiid xa nahaq. Inooxoogee no Mbind Roog naa, too a dagooxooga a Roog ñaal fo o yeng, a xeɗaa, a hooraa.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Mace 15:6

yaaga soxla’katee o niw a faap um mbaat a ya um.› Neene nu ñuftaa fa lay fee Roog yaam o mbaax onqe nuun.

Yeremi 49:11

‹Nqaƴanaamoo xa baan axe nuun, mi na ñoowinkaa a den, too fat ñaaw we nuun a ngoolooxaam.› »

A kim a tedu ke 146:9

O Yaal oxe kaa yetooxaa xa kataakoon axe, a damtaa xa baan axe fo ñaaw we, ndaa kaa gefaa yuuƥ ke no soxodu we.

A kim a tedu ke 94:6

Kaa mbaraa o ñaaw oxe fo o gataakon ole, a njangaa o ñis no waan ole

A kim a tedu ke 68:5

Ngimanyo a Roog, nqaanin. Njagandanyo oxe ŋaayna a eel ake a ƭat. Gon um refu o Yaal oxe. Mbeƈekooxyo mbaambir um.

Ke bindeena no xe ne’eena YOB 31:16

Ndax mosaam o xañ o neewu doole xe mbaat um gef yaakaar no ñaaw oxe?

Ke bindeena no xe ne’eena YOB 29:13

O toroxu xe kaa salanoogaam barke, o ñaaw oxe, um mayƭand xeeñ um fo o ɗaay.

1 Timote 5:2

rew maak we nen yaay, we maakeerna teen, o ɗeet a den nen jigeen fo yiif xoolu.

YEGIL MBAAX NE YEESU ne Saŋ a bindtuuna 1:47

Yaa Yeesu a ga’na a Natana’el a garaa me ten, a laya kaa jofna no ten ee: «Kene refu o Ii-isra’el tigi, mbi’akaan leng refee no ten.»

A pi ake 9:41

Piyeer a cooxaan o ɓay, soo a geennin. Cinj kaaga, a xoya gimu we fo ñaaw we itam, soo a lal a den o tew oxe na ñoowatinaa.