1 Timote 5:23 - NQAARIIT NE ROOG

²³ Ba o dam na foofi soom, yeraa. Waagaa o jangaa o ndik na biiñ, yaam ne o fud ole wo a mayna ke ta jom’andang.

1 Timote 5:23 Referans Kwoze

A kim a tedu ke 104:15

biiñ fee na felakinaa kam no kiin, diwliin fee na meleƈnaa mukit um fo ñaamel ke na ci’an doole.

1 Timote 4:4

Ke Roog a sakna fop a faaxa, too dara waraand o diimb, yaa ta jangeena fo o ngidim,

1 Timote 3:8

Diidimle we no mbokatax ne no gimu we itam, wiin gore’u a mbaru o ndef, too a mbañ o saq yememaar mbaat da yeraa a yer a maamu mbaat da mbaaƭaa xaaliis, boo a ndok no calel kaa o leng a andeerna.

Tiit 2:3

Jangni itam a nogoy ake da lalit o tedel no ñoow den, a mbañ o ƥanjaa lakas we, a yer a fañ o adin a den. Kaa mbar o njangnaa moxolaare teɓ ke paaxu,

Tiit 1:7

Kaa o aa-adax a war o ñak ƥanjel, nen oxe Roog a hoolooxna boo a doxnan. Baa ref oxaa ndigil um soom a giñna mbaat ta mat xeeñ. Waree o ref itam oxaa a yer a adinna mbaat ta may balu-balu, xaaliis a waagin o ɓek no andand.

1 Timote 3:3

Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

Efees 5:18

Ba nu mbayaa fa biiñ, yaam o luubax soom a ɓekkaa a nuun, ndaa mayyo fo Yiif Tedu le.

Heseki’el 44:21

O saasadax o leng yerkee biiñ yaa ta rokna no maax-kam ole.

A pi ake 18:5

Kaa koy, ye Silaas fa Timote a inooriidna Makedoni, Pool a pay’ata no waare’aa fa lay fee Roog, a feednaa Yaawuur we yee Yeesu refu Kiristaa fee, refna o Muumucil oxe regteena.