1 Timote 5:1 - NQAARIIT NE ROOG

¹ Ba o xasan a koorgi nqasan ƭomu, ndaa fat o umbaa fiɗel o ngim um boo wee ndax kaa ref nen a faap of sax, xa pes axe o fesooraa fa den nen fog of,

1 Timote 5:1 Referans Kwoze

A paɗax ale 19:32

Naangyo o ngeenooxaa fo o yarax mbaambir nogoy we, niw a den too lalit na pesoorooƭ nuun ee nu niwaxam. Mi refu o Yaal oxe Roog nuun.

Tiit 2:2

Jangni a koorgi ke da ƥuuɓ, a njar o niwel, a mbod na pi den, a saq o ngim o nqoolu, a njeg o mbeq, a ndef wiin muñu.

1 Piyeer 5:1

Mi fee refna o maak, seede coono ke Kiristaa, fog itam no ndam onqe wareena o feeñil, mexe xeɗaa maak gend es we ndefna a ndeer nuun, da ngay o siir ole Roog da ndoxneena. Kaam ee: Baa ref ee nu mbugiran a mbug, ndaa fat a ref ee yaam ta fel a nuun yaam Roog. Baa ref itam no bug teen xaaliis, ndaa fo xeeñ letu.

Galati 6:1

Fog we, nuun we andoona yee kaa Yiif le Roog a ref na nuun, a soƥangaa yee nu mbeta o kiin ta fi’aa kaa jageerna, fat nu lalin a ƭat yoonandtin o ɓuuɓ. Kaa koy, fat nu mbootoox a paax, yaam nuun oo nu mbaaga yenkaa na bakaad.

Tiit 2:6

Maƭooxi mboƥ ngoor ne itam da mbañ o ngupal,

Mace 23:8

Nuun o mat, ba nu ne’oox ‹O caajangin o maak!›, yaam o leng soom refu o Caajangin nuun. Nuun fop, fog nu ndefu.

1 Timote 5:17

Maak we no mbokatax ne no gimu we ndefna aa-adax faax mbaru o ngup ndabid, moƴtaa sax we na mbaare’aa, a njangnaa,

O leetar ole Pool a bindna GIMU WE NGENNA ROM 13:7

Oxuu nu saqanna o lad, ndabdeenoo o ten! Oxe nu mbarna o ndabid a bateer, ndabdeenoo o ten. Oxuu nu mbarna o ndabid juuti, ndabdeenoo o ten. Oxuu nu mbarna o saɗar, saɗareenoo, too oxuu nu mbarna o niw, niweenoo.

A pi ake 15:4

Yaa da mbadiidna Yeerusaleem, mbokatax ne no gimu we fo maak waa fo apootar waa a ndalna a den, too Pooliin a mbetandooxa a den ke Roog a fi’’ina fa den fop.

A pi ake 14:23

No mbokatax no gimu nuu refna a njilana a den maak. A cinj ye da ngoorna, a nqeɗ boo a ƈut, a mbokata a den fo o Yaal oxe da ngim’atna.

Mbeeñil 4:4

Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.

3Saŋ 1:1

Wo Gayus fee fexuuma tigi, mi fee refna o maak no mbokatax ne no gimu we na bindang o leetar oleeke.

2Saŋ 1:1

Mi fee refna o maak kam mbokatax ne no gimu we na bindang o leetar oleeke, wo fee refna yaay na mi, wo fee Roog a jilna, wo fo xa ƥeef axe fexuuma tigi. Refee yee mi doŋ fexu a nuun, ndaa fop we andna ndigil ne.

Saak 5:14

O leng na nuun a jirangaa, fat a xoy we adooxanna mbokatax ne no gimu we, da ngar a ƭuumin diwliin no gon le no Yaal oxe, soo a nqeɗanin.

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

A pi ake 20:17

Na waxtu faaga na teeru faa Milet, Pool a lulta Efees, ndax maak waa no mbokatax ne no gimu we a nqoyiidel.

A pi ake 15:6

Apootar we fo maak we a mbokatoora, ndax da ngoroox tige.

A cangatin ale 33:9

Wo moƴanu a den a faap den fa ya den, fog den fo xa ƥiy den. A nana kebil of, a ngay ngiɓoor of fa den.

1 Timote 5:2

rew maak we nen yaay, we maakeerna teen, o ɗeet a den nen jigeen fo yiif xoolu.