1 Timote 4:8 - NQAARIIT NE ROOG

⁸ yaam a poƭtax cer a jega o njiriiñ ndaa mayee. O reef a Roog o mat, kaa jiriiñ no fop. Kaa fof ndegit ne no ñoow oleeke sax sax fo no ñoow ole na garaa.

1 Timote 4:8 Referans Kwoze

Mace 6:33

Eetyo mbaaƭ Maat ne Roog fo ke ta bugna, too keene fop, xan nu ndoonanel o ten.

1 Timote 6:6

Kaa koy, ndigil kak oo: O reef a Roog a cur halal oo, yaa deyƭooroona ke jegoona.

Xa peƭit axe 22:4

A neewandax fo o saɗar o Yaal oxe kaa rimaa halal fo o ndam fo o ñoow.

Xa peƭit axe 19:23

Saɗar o Yaal oxe kaa ɓisaa no ñoow ole, o ɗaan boo fal o saq, too taamaala fa leng sagooxkirang.

1Saŋ 2:25

Ke ta regna a in refu ndegit ne no ñoow o fagkeer ole.

A kim a tedu ke 37:29

Jofu we o mat xan a njeg lanq ke, too xan a ngen teen boo faw.

A kim a tedu ke 37:11

Neewandooxu we xan a lam lanq ke, a njeg jam fa ndeyu sik.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.

Esayi 3:10

Layyo o cofu xe yee a ɗaaya, yaam xan calel um a ndef muud um.

O baawaare xe 8:12

Yaag oo toox de, o paabakaad oxe a fi’angaa paaxeer a caf teemeed sax oo too yaqanee ta xuuɗ, mi andaam ee o ɗaay ole, we saɗarna a Roog a refanu, yaam a njega no ten caƭar.

A kim a tedu ke 145:19

Kaa jaɓaa a qeƭ no we saɗaruuna, a nanaa a ƈufginax den soo a mucil a den.

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

Tiit 3:8

Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.

Ke bindeena no xe ne’eena YOB 22:2

Ndax o kiin a jegana a Roog o njiriiñ? Ha’aa! O yaal-o-and oxe sax jeganiran o njiriiñ.

1 Sami’el 15:22

Sami’el a layaan ee: «Ndax sadax toxel ke fo sadax lakas ke o Yaal oxe a moƴu o bug ee o nanan fa lay um? Nanan ne moƴanun sadax ke, njaɓan ne a moƴanin neebam fee na suk paal ake.

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

1 Korint 8:8

Refee yee ƥekel no fud waagu o matand a in me Roog: O ñaamin ɓaatee a in dara, o ñakin o ñaam waajee a in tig itam.

Yeremi 6:20

Xar soxla’um cuuraay faa inoorna Saba fo xeet fa mbelu tuñ laa hatiidna no saax goƭu? Muumeen ke nu ndoxaa took o sadaxand ole mbeliraam, too sadax ke nuun njemiraam.

Esayi 33:16

Oxeene xan a gen no fo mbiñ ne took-ee-took, a ƥil a saƭku koŋ xan a ndef njaɓnooxand um. Xan a cooxel ñaamel boo ta dey sik, too foofi um daŋkee.»

A kim a tedu ke 37:9

We na mbi’aa paaxeer xan a saŋkel, we yaakaarna o Yaal oxe o mat a njegik lanq ke.

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

1 Korint 3:22

ta ref Pool, Apolos fa Kefaas, adna fee, o ñoow ole, fa nqon fee, ke ndiiki fo ke na garaa. Keene fop, nuun njegun,

Mace 19:29

Oxuu xaƴna mbind um mbaat maag um mbaat xa teɓ um mbaat a faap um mbaat a ya um mbaat xa ƥeem mbaat xa qol um yaam gon es, xan a daawin a caf teemeed, too xan a lam o ñoow o fagkeer ole.

Ke bindeena no xe ne’eena YOB 36:11

A nan-gilooxangaa soo a nanan, xan a muukit xa yeng den baneex, a paangit xa kiid den kam o ɗaay.

Mace 12:32

Oxuu wenna o Ƥeenqe no kiin oxe a waage o waasan. Kaa koy, oxuu wenna Yiif Tedu le, waasankaand o ten na adna boo na alaaxira.»

1 Timote 4:7

Ba o reef muk koy a nax a koɓong ake nguutatirna fo o ngim onqe. Foƭtooxi no reef a Roog,

1 Timote 6:3

A soƥangaa yee kaa jeg oxaa na jangnaa kaa refeerna ndigil, soo a fañ o dam na ƭelem a ñoow ake no Yaal in Yeesu Kiristaa, a fañ itam ke na jangneel no reef a Roog,

1 Timote 6:5

Meene ñimatir ke no wiin we ñakatna a yiif a ndefu, ndigil a daɗ a den, da mboog ee o reef a Roog baaƭir xaaliis oo.

2 Timote 3:5

Xan a ne’ooxaa reereef a ƭat Roog, ndaa njaɓkee ke refna doole o reef a Roog. Yufi wiin nandu naaga!

YEGIL MBAAX NE YEESU ne Lik a bindtuuna 5:38

Biiñ fa nqas kam poxos qas a ñolandteel.