1 Timote 4:6 - NQAARIIT NE ROOG

⁶ Boo layoona fog we keene fop, xan o ref o caajal o paax na Kiristaa Yeesu, o caajal oxaa na ñoowtaa fa lay fee no ngim onqe, refna a cangin a paax ale o reefaa.

1 Timote 4:6 Referans Kwoze

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

Tiit 2:1

Wo o mat, fat ke o jangnaa a dak na cangin a ñoow jok ale.

Kolos 4:7

Xan Tisik fee o pog in refna o caajal o kore’u fo o yoon es oxe fexuuma no calel ke no Yaal oxe a lay a nuun fop ke jofna na mi.

Mace 13:52

A dakooxa o lay a den ee: «Ten taxu boog, o caajangin no kebil ke Moyiis, a refangaa o taalbe no Maat ne na asamaan, kaa nand fo o yaal mbind oxaa na suttaa no ngeekand um qas fo kiid.»

Yudaa 1:5

Kaam bug o wetand a nuun, nuun we andna kene a paax ee: O Yaal oxe, cinj ye ta mucilna xeet fee Isra’el boo a sutin Misira, a saŋik’a wiin gimaƭaru we.

2Saŋ 1:9

Kuu o kiin a waagna o ŋaalooxaa, ta jof na Roog, too refee a cangin ale Kiristaa, oxeene jegee a Roog. Oxuu ŋereƥooxna na cangin aleene koy, a gayan, a jega a Faap fee, a jeg o Ƥeenqe itam.

1 Piyeer 2:2

Nandyo nen xa qeq axaa sogeena o ndim, ñoowtaa fa lay fa nqoolu fee Roog ne da ñoowtitaa fo ɗeen, ndax nu maakaa too muc.

2 Timote 4:3

Xan a jeg jamaane faa a ƭat no wiin we a yongkateerna na cangin a ñoow ale. Yaam ne a yuxum den a adinkaa a den, da saakaa pel, a mbaaƭaa jaajangin fagkatar waa na mbugko layanaa a den ke nof den a ndiiraa.

2 Timote 3:10

Wo o mat, reefaa a cangin es fo a ñaaƈooƭ es, ref o paar o nand es. Andaa itam o ngim es fo o muñ es fo o mbeq es fo o saƭkel es

2 Timote 1:6

Ten taxu koy, um bug o goorgoorloox, umb ke Roog a ci’oonga a koom alaa doonuuma xa ƥay es took xoox of, xeɗanang.

1 Timote 6:3

A soƥangaa yee kaa jeg oxaa na jangnaa kaa refeerna ndigil, soo a fañ o dam na ƭelem a ñoow ake no Yaal in Yeesu Kiristaa, a fañ itam ke na jangneel no reef a Roog,

1 Timote 4:16

Yetooxi a xoox of fo a cangin of, dami no keene, fañ o waas, yaam o fi’angaan, xan o muc, mucil we na nan-gilooxang.

1 Timote 1:10

Weeke itam a mboga teen: We na seeqaa, goor we na mbesanraa a ndeer den, we na ngignaa xa teɓandoong, maamaaɓ we fo we na seede’aa na xa maaƥ. Fop ke guutatirna fo a cangin a ñoow ale a foga teen.

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,

Kolos 2:19

soo a fañ o reefan a Kiristaa fee refna xoox le saqna cer ke fop. Cer keene, o fog fo a kiɓ kaa mbokat a den, soo Roog a cooxaa a den kaa da maakitna na Kiristaa.

Filip 3:16

Me i mbodna ndiiki, fat i yoon, ñaaƴ mbaambir.

Efees 6:21

Mexe luliidaa a Tisik fee o pog in no ngim onqe me nuun. Fexaanum no xeeñ es, too kaa ref o caajal o kore’u no calel ke no Yaal oxe. Xan a yegin a nuun fop ke jofna na mi fo ke um fi’aa.

2 Korint 6:4

Kaa jolna keene, kaa i laltaa no fop ee dag Roog i ndefu. Kaa i ndoxondooxaa fo o muñ coono ke fo naqad ke fo a yogorlax ake.

2 Korint 3:6

Roog waagnooru a in, i ndef jaajal no ngiɓoor nqas ne, reefeerna no kebil ke mbindeena ndaa no Yiif Tedu le. Kebil ke mbindeena kaa mbarnooraa, ndaa Yiif le o mat kaa ci’taa o ñoow.

1 Korint 4:17

Keene o mat taxu um luliid a Timote me nuun, ten fee refna o ƥees o ngore’u no Yaal oxe. Boo ta garna xan a wetand a nuun me dakuuma fa Kiristaa Yeesu fo ne um jangnitaa a ndeer pokatax ke no gimu we fop.

O leetar ole Pool a bindna GIMU WE NGENNA ROM 15:15

Yaqanee toox de, um bind a nuun fo njambaar na seek a leng-leng kam o leetar es, ndax um wetand a nuun ke nu njangneena yaaga. Kaam bindit neene yaam yirmande fee Roog a fudinna took es,

A pi ake 20:35

Lalaam a nuun no fop ee nu mbara o njaltaa neene ndax nu mbaag o ndimle’aa we neewna doole. Mbetandooxyo xa ƭelem axe o Yaal oxe Yeesu fa xoox um a layna. Kaa tee: ‹Boo o moƴaa jeg barke, o ci’taa ee o daawaa.› »

A pi ake 20:31

Yetooxyo boog, too mbetandoox ee xa kiid xa tadaq axey jegee ñaal fo o yeng olaa maƭooxeeruuma oxuu refna na nuun, fi’in boo loolaa sax.

Yeremi 15:16

Fa lay of oxaa fadiid’aa me mi, kaam xamboogun. Kaa reeƭu na mi baneex fo o ɗaay xeeñ es, yaam kaam kesanel a wo, wo o Yaal oxe Roog fee Hupna fop.

Xa peƭit axe 4:2

O and o faax um cooxiidaa a nuun. Ba nu yapatil a cangin es!

A kim a tedu ke 19:7

Kaa ɗisooraa no cat leng ne na adna, a haktik no cat lakas ne, too dara waagee o singoox ñalal le ten.

YEGIL MBAAX NE YEESU ne Lik a bindtuuna 1:3

Ten taxu, mi yoo, eetaam o ɓaal a paax ne keene fop a xewitna no kaa xotitna no mberaand naa, soo ga ee a faaxa um bindong o ten a qool qac, wo Tewofiil fee o koor o paax,

A pi ake 1:15

Na pe akaaga, Piyeer a inooxa a ndeer no fog olaa. Waa mbokatoor’ina a ndeeƭa ngap wiin teemeed fo wiin qarɓeen ƭik. Maaga, Piyeer a laya a den ee:

2 Korint 11:23

Ndax kaa ndef jaajal Kiristaa? Um lay a nuun ƭof boog, yaam mi moƴun o ref a den. Kaam moƴ o jal a den, moƴ o ɓekel a den kaso, moƴ o xawel, boo kaam gen’u sax no ñaaƴaa took a semb es.

Filip 2:20

Jegiim meeke o leng oxaa fogtuuma a yiif, a refangee Timote, ta waag o xaajir fa mi ke farna na qalaat es fa nuun.

Filip 2:22

Nu anda yee Timote a ɗeetloox’e ye ta rokaa no waare’ik Yegil mbaax ne fa mi, a bug o jal fa mi, ne o ƥiy a jaltaa fa faap um.