1 Timote 4:4 - NQAARIIT NE ROOG

⁴ Ke Roog a sakna fop a faaxa, too dara waraand o diimb, yaa ta jangeena fo o ngidim,

1 Timote 4:4 Referans Kwoze

O leetar ole Pool a bindna GIMU WE NGENNA ROM 14:20

Baa ke o ñaamaa a ref muk ke na sañtaa calel ke Roog. No ndigil, ñaamel leng refee tiimb, ndaa tig paaxeer oo yaa ke o ñaamaa a maafnooraa o pog of na bakaad.

1 Korint 10:25

Kuu na jikooxeel na marse, nu mbaagaan o ñaam, too ba nu laamit dara, ndax yiif nuun siisooxkee tig.

O leetar ole Pool a bindna GIMU WE NGENNA ROM 14:14

Andaam ee jegee ñaamel kaa na ndiimbeel, yaam o Yaal oxe Yeesu a andnooraxam keene. Kaa koy, boo o kiin a ɓekna no yiif um ee ñaamel kene tiimbel oo, kaaga tiimbel a ndefataa no ten.

1 Korint 10:23

Ndigil oo, «waagaam o fi kuu felaxama», kaa koy, fop faaxee na mi, kaam ee, fop a waage o fi, ndaa refee yee fop a waaga o geenin tig.

A pi ake 21:25

We ndefeerna Yaawuur, too a ngimat koy, i mbind’a a den ke i ndalin’ina. Ten refu yee da mbootoox o ñaam a tegeƴ akaa sadaxeena ke refeerna Roog, a mbañ o ñaam fo’oy mbaat med, a mbañ o seeqaa itam.»

1 Timote 4:3

Kaa ngeblaa yee dolnirel waree, a layaa yee ba o leng a ñaam kene mbaat kaana. Kaa koy, ñaamel keene, Roog saku a den, ndax gimu we andna ndigil ne a ñaam a den fo o ngidim.

Mberaand 1:31

Maaga, Roog a ga’a yee ke ta fi’na fop paax oo. A yenga, a feed, ta ref ñaal ɓetuu fa lengandeer ne.

A cangatin ale 32:4

Ten refu ɓil le. A pi ake ten njegee sik. A ƭat ake ten fop kaa njof. Kaa ref Roog fa ngore’u faa fi’keerna njofaƭar. Kaa jof soo a woor.

A pi ake 15:29

Ten refu yee nu mbootoox ñaamel ke sadaxeena ke refeerna Roog mbaat fo’oy mbaat med mbaat ceeq. Nu mbootooxangaa keene, xan nu mbi paax. Na jam!»

A pi ake 10:15

No jaf ɗikandeer laa, o ñuxur olaa a layaan ee: «Ke Roog a layna yee a xoola, ba o ɗeetatin nen tiimbel.»

O leetar ole Pool a bindna GIMU WE NGENNA ROM 14:6

Oxe na jilaa bes ee yaam kaa jeg o njiriiñ, kaa simattan o Yaal oxe. Oxe waagna o ñaam kuu refna itam, kaa simattan o Yaal oxe, too a gidmaa teen a Roog. Oxe saɗeerna o ñaam kuu refna kaa simattan o Yaal oxe, too a gidman itam.

1 Korint 10:26

Ke no lanq ke fop, o Yaal oxe jegun, a jeg lanq ke itam, ne a Pind a Tedu ke a laytuuna.

1 Korint 10:30

Um naagangaa o ñaamaa fo o ngidim, xar na taxkaa um ɓanjel yaam keene um gidmitaa o Yaal oxe?