1 Timote 4:3 - NQAARIIT NE ROOG

³ Kaa ngeblaa yee dolnirel waree, a layaa yee ba o leng a ñaam kene mbaat kaana. Kaa koy, ñaamel keene, Roog saku a den, ndax gimu we andna ndigil ne a ñaam a den fo o ngidim.

1 Timote 4:3 Referans Kwoze

1 Timote 4:4

Ke Roog a sakna fop a faaxa, too dara waraand o diimb, yaa ta jangeena fo o ngidim,

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

O leetar ole Pool a bindna GIMU WE NGENNA ROM 14:6

Oxe na jilaa bes ee yaam kaa jeg o njiriiñ, kaa simattan o Yaal oxe. Oxe waagna o ñaam kuu refna itam, kaa simattan o Yaal oxe, too a gidmaa teen a Roog. Oxe saɗeerna o ñaam kuu refna kaa simattan o Yaal oxe, too a gidman itam.

Kolos 2:16

Ten taxu koy, ba o leng a ɓanj a nuun yaam ñaamel fo yerel, ba o leng a ɓanj a nuun yaam xew mbaat ke na fi’aneel o nqool o ndeɓ mbaat pes ke na ñootnax ale.

1 Korint 8:8

Refee yee ƥekel no fud waagu o matand a in me Roog: O ñaamin ɓaatee a in dara, o ñakin o ñaam waajee a in tig itam.

Mberaand 9:3

Ke na yo’nooxaa fop too a ñoowaa fat a refik ñaamel nuun. Ci’aanum a nuun ne fi’tanuuma no duufe le.

Kolos 3:17

Kuu nu mbi’aa itam mbaat nu layan, fat a ref no gon no Yaal oxe Yeesu, soo ngidmaa a Roog Faap fee no gon um.

1 Korint 7:28

Gilig refee bakaad, too a tolax refee bakaad, ndaa oxuu rokna no ndolnir, no coono ƥor a refaa, too coono keene buganeerum a nuun.

O leetar ole Pool a bindna GIMU WE NGENNA ROM 14:3

Oxe waagna o ñaam fop koy, baa xeef oxe na ñaamaa ñaamel leng-leng. Oxeene itam, waree o jambaa oxe waagna o ñaam ñaamel kuu ndefna, yaam Roog a jaɓa oxeene kiin.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.

1 Timote 2:4

Ten fa xoox um a buga wiin we fop a muc, too a andat ndigil ne.

1 Korint 6:13

Ngaaf taxu o fud, o fud a refan ngaaf, ndaa ƭik ke fop, xan Roog a muuk a den. Njer koy sakanaand ceeq, ndaa kaa refan o Yaal oxe, o Yaal oxe a refanin.

O leetar ole Pool a bindna GIMU WE NGENNA ROM 14:17

Fog no Maat ne Roog niinee dara fo ke na ñaameel mbaat ta yereel. Maat ne Roog refu jeg o cofel fo o ɗaay fa jam mbaambir Roog na pexey Yiif Tedu le.

Mace 15:36

A janga puuru ɓetuu ƭik kaa fo liƥ kaa, soo a gidim a Roog. Cinj kaaga, a xusta a den, soo a cooxin daalbe we ndax da lasin wiin waa.

O baawaare xe 5:18

Kaa sax o kiin oxuu Roog a lasna halal fo o jeg, a ci’in ta muudoorin, a xotaa teen a las um soo a felakinooxaa no onj um, kaaga ci’it Roog oo.

Mace 14:19

Yeesu a hebla wiin waa fop da moof no suuƴin le. A janga puuru ƥetik kaa fo liƥ ƭik kaa, a daxaaƴoox na asamaan, a gidim a Roog. Yaa ta xeɗna boo a ƴut, a xusta puuru kaa, a cooxin daalbe waa, ndax da lasin wiin waa.

A pi ake 27:35

Yaa Pool a layna kaaga boo a ƴut, a janga mbuuru, a gidim a Roog mbaambir no fop. Cinj kaaga, a xustaan, soo a ñaam.

YEGIL MBAAX NE YEESU ne Saŋ a bindtuuna 6:23

No feet olaa, yaa suk lakas a inoortiidna Tiberiya, a ngar boo paam maa da ñaamit’ina puuru kaa ye o Yaal oxe a xeɗna boo a ƴut,

YEGIL MBAAX NE YEESU ne Lik a bindtuuna 24:30

Yaa ta reerna fa den a ñaamaa, a janga mbuuru, too a cinj ye ta gidimna a Roog, a xustaan, a cooxin a den.

Dañel 11:37

A ƭat um yongkee no roog ke daan um a mbaɗooxoogna fo na roog fee rew we a mbex’ina, yaam kaa safkan ee ten hupu roog ke fop, too niwkee a den.

1 Sami’el 9:13

Nu mbadangaa kam teeru fee, xan nu soƥin maaga boo ta helko fo ŋaayaa no jul ole no ñaang sadaxand laa, ndax ta ñaam. O leng ñaamkee a refangee kaa gar boo a barke sadax fee, soo we nqureena a sogkaa o ñaam. Yaangyo boog, xan nu soƥin maaga ndiiki.»

Mace 15:11

Refee yee ke na rokaa no don na roɗgandaa o kiin, ndaa ke na sutooraa teen na roɗgandan.»

1 Timote 5:14

Kaam bug boog ñaaw we maadna o ndefaa no ndeƥandoong den a ndolookatin, a njegik xa ƥiy, a topatooxaa pind den, too a mbañ o ci fañ in kaa da ŋañitna a in.