1 Timote 4:16 - NQAARIIT NE ROOG

¹⁶ Yetooxi a xoox of fo a cangin of, dami no keene, fañ o waas, yaam o fi’angaan, xan o muc, mucil we na nan-gilooxang.

1 Timote 4:16 Referans Kwoze

Tiit 1:9

A wara o ref oxaa na reeftaa fa lay fa mbooru fee Roog ne ta jangniteena, ndax ta waag o umbit o ngim no lakas we a cangin a ñoow ale, a maafaa fa lay no we na ƥanjaa a cangin aleene.

Tiit 2:7

soo wo fa xoox of, o refan a den o ɗeendoor na pi a paax no kuu ta refna ref, jangnaa ta xool, a jeg wargal.

1 Caloori ke 28:10

Me ta refna koy, fat o and a paax ee o Yaal oxe jilong ndax o maxanin mbind naa na refkaa Mbind Roog. Saƭakinooxi boog too jal!»

2 Timote 4:2

Waare’i fa lay fee, damoox teen, too xiisnan no daaw mbaat no ñak o daaw. Lalti a ƭat, xasan we ndeefeeruuna, we na ndeefan o umbaa fiɗel a pi den. Keene fop, fi’teen o muñ, yoonandtin a cangin.

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.

Hebre 12:15

Mbootooxyo boo ba o leng a fes yirmande fee Roog a cinj. Kaam ee ba o leng a ndeer nuun a ref nen ndaxar ndali naa saxna, soo xa tim um a toroxandaa wiin mayu.

2 Timote 3:14

Wo o mat, dami no ke jangnee’oona, too and ee saƭku yoo, yaam andaa no we jangtanoona:

YEGIL MBAAX NE YEESU ne Lik a bindtuuna 21:34

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

Esayi 55:11

neene a nandu na fa lay fee na sutooraa no don es. Nomtooxiidkee na mi o ƥor too fadnee ke buguuma, a fadin ke taxna um lulin.

1 Timote 4:6

Boo layoona fog we keene fop, xan o ref o caajal o paax na Kiristaa Yeesu, o caajal oxaa na ñoowtaa fa lay fee no ngim onqe, refna a cangin a paax ale o reefaa.

1 Timote 1:3

Ne layit’oonga o ten ye um hebooxaa o ret Makedoni, mexe dakooxang o wetandaa yee: Moofi Efees, ndax o waag o maƭoox wiin we ndefna maaga, too a njangnaa kaa refeerna ndigil ee mbariran o mbi.

O leetar ole Pool a bindna GIMU WE NGENNA ROM 16:17

Fog we, kaam xeɗaa a nuun nu mbootoox we na sakaa fo mbokatax fo sayooxu. Kaa mo’nooraa gimu we, yaam kaa mbañ faƥit a cangin ale nu ndaawneena. Fat nu ngoƭaa a den.

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

1 Korint 9:27

Kaam dam cer es, harin a den, yaam ndik we waare’ooguuma a ndok, um xaƴel tafil.

A pi ake 6:4

Neene itam, in fa qoox in, xan i mbaag o ndam no nqeɗaa, too ndef no calel ke na waare fee.»

Mark 13:9

Nuun o mat, mbootooxyo a qoox nuun! Xan nu ƥisel no mbind no maad, too xan nu nqawel kam pind a qeƭ ke, ƥisel mbaambir gofornoor ke fo maad we yaam mi, ndax nu mbaagaam o seede’an mbaambir den.

Yeremi 23:22

A maad’angaa mbokatax es, a ndaawinkooga xeet es ke layuuma, a sut a den na ƭat a paaxeer ale den fo na pi a paaxeer ake den.»

Saak 5:20

fat nu and kene: Oxe na nomtitiidaa o paabakaad na ƭat a paaxeer um, a naaga o muclaa o kiin oxeene na fa nqon. A soƥangaa sax ee pakaad um a may’a, xan Roog a waasanin a den.

Tiit 2:15

Jangni keene, ɗofit da njof mbaambir. Lalti a ƭat itam fa sañ-sañ tigi. Ba o leng a yafong.

Kolos 4:17

Layanaamoo a Arkip ta foŋik calel ke o Yaal oxe a doxnuuna, ndax ta waagin o jalit ne ta waritna.

1 Korint 9:22

A ndeer no we neewna doole, kaam fi’aa nen o neewu doole, ndax da ngim itam. Kaam jaɓ o ref fop mbaambir no fop, ndax mayu a muc, nuu ta saxitna saxit.

O leetar ole Pool a bindna GIMU WE NGENNA ROM 11:14

ndax ciis a ɓood na qeeñ no we fogtuuma xeet fa leng, boo leng-leng na den a mbaag o muc.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

A pi ake 26:22

Kaa koy, Roog a saytooxaxam boo no ñaal ne xaye, too mexey meen ndax um seede’aa fop, wiin maak we fo we neewna doole. Laytiim lakas koy, a refangee ke duleer we fa Moyiis a layna, too ta war o xew, ta ref ee:

2 Caloori ke 19:6

A laya haahate waa yee: «Mbadinyo o far nuun ne waritna, yaam nu ngate’anee wiin we, ndaa o Yaal oxe nu ngate’anaa, too ten fa xoox um sax xan a ref fa nuun yaa nu ngate’aa.

Filemon 1:19

O ɓay es o mat um bindtang xa ƭelem axene: «Mi Pool o mat layun, too xam rabdin.» Mi o mat oo, waag’aaxong o lay ee saqanaxamo haq, ta ref o ñoow of.

1 Tesalonik 2:16

Kaa ndikaand a in, ndax i mbaagkee o mbaare we ndefeerna Yaawuur boo da njeg a muc ale. Keene koy, mayƭandu eedir ke saqna pakaad ke da mosna o mbi. Ten taxu a qaw ale Roog a dalat took den boo faw.

A sutax ale 23:13

Ngayyo fop ke layuuma a nuun. Ba nu ƈufginoox roog lakas ke. Kaam ee ba o leng a nanat a nuun nu ne’aa a kon den.»

1 Korint 1:21

Ne andoona yee ke adna a mbi’na o and ɓakandee a den no and a Roog, ten taxu Roog a mucla we ngimna, a reefandin na waare fee wiin we a mbi’na ñaku xoox.

1 Timote 4:15

Dami no keene a paax, saaƭoox na den, ndax a koorgoorlax of a woor fop.