1 Timote 4:14 - NQAARIIT NE ROOG

¹⁴ Ba o yapatil ci’it ne doxnee’oona, too o daawtin na pexey we na njo’tanaa a Roog, a soƥ maak we no mbokatax ne no gimu we a ndoon xa ƥay den took xoox of, a nqeɗanang.

1 Timote 4:14 Referans Kwoze

2 Timote 1:6

Ten taxu koy, um bug o goorgoorloox, umb ke Roog a ci’oonga a koom alaa doonuuma xa ƥay es took xoox of, xeɗanang.

1 Timote 1:18

Timote, wo fee o ƥees, keeke refu a cangin ale um doxnang. Kaa yoon fo fa lay fee we na njo’tanaa a Roog a lay’ina na wo yaaga. Fa lay feene xan a saƭakinong, ndax o waag o maafrel njom mbaax,

A pi ake 6:6

Cinj kaaga, a lala a den apootar waa. A nqeɗana a den, a ndoon xa ƥay took den.

1 Timote 5:22

Fat o fi o ndang yaa o doonaa o kiin xa ƥay, yaam o bug o roxondin o far kam mbokatax ne no gimu we. Ba o ñofandooxin muk, too ba o fokatoor fo lakas we na bakaad den. Yufti a xoox of, waaƭ o tedel.

1 Tesalonik 5:19

Ba nu ñuf Yiif le Roog muk,

A pi ake 13:3

Maaga, a cinj ye da ngoorna, a nqeɗ boo a ƈut, a ndoona a den xa ƥay, soo a nqaƴ a den da ndet.

A pi ake 8:17

Maaga, Piyeer fa Saŋ a ndoona a den xa ƥay, too a ndaawa Yiif Tedu le.

A pi ake 19:6

Pool a doona xa ƥay um took den, too a ndaawa Yiif Tedu le. Kaa layoogatu lak pogreer, a njo’tanaa a Roog itam.

A pi ake 11:30

A mbi’a naaga, a lultin maak waa no mbokatax ne no gimu we Yudee, Barnabaas fa Sool a ƥisin.

A pi ake 22:5

O saasadax o maak oxe fo Mal ne no maak we fop a seede’anaxam keene. Daawtaam na den xa leetar axaa da mbokattaxama Yaawuur fog we Damaas sax maa ret’uuma, ndax um feñ gimu waa ndeeƭna maaga, ɓisiid a den Yeerusaleem, ndax da nqawel.»

1 Timote 4:15

Dami no keene a paax, saaƭoox na den, ndax a koorgoorlax of a woor fop.

1 Timote 5:17

Maak we no mbokatax ne no gimu we ndefna aa-adax faax mbaru o ngup ndabid, moƴtaa sax we na mbaare’aa, a njangnaa,

1 Timote 5:19

Ba o jaɓ muk kaa o maak na jangu fee a jambeel, a refangee kaa ɗik mbaat daduk a maadin.

1 Timote 6:12

Fat o gomrel ngomir mbaax ne o ngim a laamitna. Dami no ñoow o fagkeer ole taxna o xoyel, too o weejlitin o ngim of, wiin mayu a seede’in.