1 Timote 4:13 - NQAARIIT NE ROOG

¹³ Naagi o jangaa a maak a Pind a Tedu ke, fañ o waas, jokaa lakas we, jangnaa boo yaa um garkaa.

1 Timote 4:13 Referans Kwoze

A pi ake 6:4

Neene itam, in fa qoox in, xan i mbaag o ndam no nqeɗaa, too ndef no calel ke na waare fee.»

Tiit 2:15

Jangni keene, ɗofit da njof mbaambir. Lalti a ƭat itam fa sañ-sañ tigi. Ba o leng a yafong.

2 Timote 4:2

Waare’i fa lay fee, damoox teen, too xiisnan no daaw mbaat no ñak o daaw. Lalti a ƭat, xasan we ndeefeeruuna, we na ndeefan o umbaa fiɗel a pi den. Keene fop, fi’teen o muñ, yoonandtin a cangin.

1 Timote 4:16

Yetooxi a xoox of fo a cangin of, dami no keene, fañ o waas, yaam o fi’angaan, xan o muc, mucil we na nan-gilooxang.

1 Timote 4:6

Boo layoona fog we keene fop, xan o ref o caajal o paax na Kiristaa Yeesu, o caajal oxaa na ñoowtaa fa lay fee no ngim onqe, refna a cangin a paax ale o reefaa.

A pi ake 17:11

Yaawuur waaga moƴ’u o ngore we Tesalonik, yaam a njaɓa fa lay fee Roog fo o ɗaay. Bes fuu refna kaa ƥaaloogu a Pind a Tedu ke, yaam a mbug o nga ndax ke Pool a layoogna teen ndigil oo.

YEGIL MBAAX NE YEESU ne Saŋ a bindtuuna 5:39

Kaa nu ƥaalaa a Pind a Tedu ke, yaam mboog ee na den nu mbaagu o njegit o ñoow o fagkeer. Den na seede’anaxam toox de!

Yosuwe 1:8

Fat o gen no de’ooxaa fa lay fee no safe le no kebil ke, ɓaalan taa kam of ñaal fo yeng, ndax o reef a paax ke bindeena teen fop. Neene o fadnitkaa kuu hebooxoona, soo fop of a ñaaƴ.

A cangatin ale 17:19

A wara o saq yiƥadax neene no mbind um, a jangan no ñaal ke no ñoow o ñis um fop. Neene, xan a aqatoox o saɗar o Yaal oxe Roog um, a gayaa fa lay fee fo bargal ke no kebil keene fop, a reefin,

1 Korint 14:26

Yaaga koy, fog es, xar waru? Boo nu mbokatoorna, fat nu ƭofit kuu fi’eena a jok o ñoow no we mbokatoorna, oxuu jegna a kim a tedu mbaat kaa ta janginna mbaat mbeeñil naa ta bugeena o xaajir mbaat lak-yiif mbaat a lapatax, fat a inoox, a geenoox, ndax fop a jokteel o ñoow no gimu we.

1 Korint 14:3

Oxe andoona koy ee kaa Yiif le a ci’in, ta waag o jo’tan a Roog, oxaaga, wiin we a daawnaa fa lay Roog, a umbaa o ngim den, a ɓaataa a den njambaar no ngim onqe, a yaalaa a den.

1 Korint 14:6

Fog es, o njiriiñ onqum jegkoogum na nuun, yaa gar’uuma gar rek, layaa fa nuun lak faa nu naneerna, too daawniim a nuun na lak nuun mbeeñil mbaat o and mbaat um jo’tanaa a Roog mbaat um jangnaa?

O leetar ole Pool a bindna GIMU WE NGENNA ROM 12:8

Oxe jegna ci’it o saƭakinaa lakas we, fat a saƭakin a paax. Oxe na ci’taa, fat a fi’in no fud o letu. Oxe na ɗoxaa, fat a jaflax no ke ta ɗoxaa. Oxe na dimle’aa rool we, fat a fi’an fo o ɗaay.

2 Timote 3:15

No ndeƥandoong of andto a Pind a Tedu ke. Den mbaagong o coox o and ole na ɓisaa na muc na pexey o ngim na Kiristaa Yeesu.