1 Timote 4:12 - NQAARIIT NE ROOG

¹² Ba o leng a yaftong ndeƥandoong. Fat o ref o ɗeendoor no we ngimna, ta ref na fa lay of mbaat no ñoowooƭ of mbaat no mbeq of mbaat no ngim of mbaat no qoolel of.

1 Timote 4:12 Referans Kwoze

Tiit 2:7

soo wo fa xoox of, o refan a den o ɗeendoor na pi a paax no kuu ta refna ref, jangnaa ta xool, a jeg wargal.

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

2 Timote 2:15

Ɗofti boo baa a pi of a ndef gaci mbaambir Roog. Fat o ref mbaambir um o caajal oxaa na jootandaa fa lay fa ndiindigil fee kam o cofel.

1 Piyeer 5:3

Ba nu mbaaƭ maa nu kelfa’itna we nu ndoxneena, ndaa fat nu ndef a lalgand no siir ole.

1 Korint 11:1

Ndeefyo o jaf es, ne um reeftaa o jaf Kiristaa.

1 Tesalonik 1:6

Nu ndefata we na laalaa a in tigi, soo laalaa o Yaal oxe. Ke fa lay um a ɓisiidna ɓisiid coono fop oo, yaqanee nu njaɓaan fo o ɗaay ole Yiif Tedu le a ci’taa.

Tiit 2:15

Jangni keene, ɗofit da njof mbaambir. Lalti a ƭat itam fa sañ-sañ tigi. Ba o leng a yafong.

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

2 Timote 2:7

Dapatini keene a paax no yiif of. Xan o Yaal oxe a ci’ong o and no kuu refna.

Saak 3:13

O kiin na nuun a jegangaa o and fo yiif, fat a fi a pi a paax, a laltin na pesoorooƭ um a paax, a pi akaa yoonna fo o ɓuuɓ fo o and.

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

Filip 4:8

Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

1 Tesalonik 2:10

A woora a nuun, too a woora a Roog itam ee a pesoorooƭ in mbaambir nuun we ngimna a lewa, a jof too a ñak ŋañel.

1 Timote 1:14

Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.

Sakari 2:4

Laamtaam ee: «Xar a mbaaƭiidu?» Maaga, a doonaxam ee: «Feek xa can axe kaa pasar a Yudaa boo o leng yoɗatee xoox, faal tafax weeke koy kaa ngar, ndax da ndiidland a den soo a ngaak xa can axe na saax ake njaƭtanna saax le Yudaa boo a pasar we ngenna teen.»