1 Timote 4:10 - NQAARIIT NE ROOG

¹⁰ Andaa koy ee kaa i njalaa, ngomreel, yaam ne i ndoonna yaakaar in na Roog fa ñoow jok fee. O ten o mat refu o Muumucil no wiin we fop, a moƴin o ref koy sax no we ngimna.

1 Timote 4:10 Referans Kwoze

1 Timote 2:4

Ten fa xoox um a buga wiin we fop a muc, too a andat ndigil ne.

1Saŋ 2:2

Ten fa xoox um kaa ref sadax faa na ñufaa a qaw ale Roog yaam pakaad in. Refee koy sax ee yaam pakaad in soom, ndaa yaam pakaad ke na adna fee fop.

1 Timote 2:6

wuusna o ñis um, ndax ta wat a in, in fop. Neene, ye hap fee a fadna, a cooxta seede yee Roog a buga wiin we fop a muc.

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

YEGIL MBAAX NE YEESU ne Saŋ a bindtuuna 4:42

boo a layataa o tew oxe yee: «Refatee yee ke layoona taxu i ngim no ten, yaam i nanana a qoox in, too i anda xil ee ten refu o Muumucil adna.»

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

A kim a tedu ke 84:12

yaam o Yaal oxe Roog kaa ref njeeƈ fo pegoor, a ci’taa yirmande fo o ndam. Naagee xañtaa paax we ñakna ƥanjel.

Hebre 13:13

Fat i njagin farna fo ten boog, ndet kaltaa saŋe ne, ndax i ndoxondoox toroxand leng kut ke ndaaw’uuna.

Esayi 12:2

Roog fee muclaxama oxey. Hoolooxaanum, too diidkatiim dara. O Yaal oxe refu doole es, too ten soom um gimaa, ten fee o Muumucil es.»

A kim a tedu ke 118:8

O jaɓnoox no Yaal oxe moƴu yee o ɗagaa yaakaar of no kiin.

A kim a tedu ke 52:8

Jofu we xan a nga’oodin, a njaaxiɗ soo a njalan ee:

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

Hebre 11:26

Jeerel nen a Kiristaa fee o Muumucil oxe regteena, hupu no ten o njiriiñ ee kalal ke ndefna kam Misira fop, yaam kaa doon’u a kid um took tabid ke na ngaraa.

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

1 Timote 3:15

Kaa koy, um waagangee o ñof o gar, xan o andat ne o kiin a warna o ñoowtaa no ƥasil ne Roog. Ƥasil neene refu mbokatax ne no we ngimna na Roog fa ñoow jok fee, a ref itam a toodook ale jaƭna ndigil ne.

Mace 27:43

A doona yaakaar um na Roog, Roog a fexangaan, pañtu ta muclin koy? Mee ndax kaa layoogu yee ten refu o Ƥeenqe Roog!»

Nahum 1:7

O Yaal oxe a faaxa. Kaa ref ndaɗand yaa fa naqad, a topatooxaa we ngoolooxuuna.

Dañel 3:28

Nebukadnesaar a laya yee: «Roog fee Sadrak fa Mesak fa Abed-Nego a hela o simatel, ten fee luliidna malaaka um, ta mucil dag we ten ngoolooxuuna! Kaa ƭap kebil es, mi fee o maad, yaam o ƥoxot cer den a moƴan a den o faɗoox a roog fa lakas faa refeerna Roog den.

Yeremi 17:7

Kaa koy, o koor oxe hoolooxna o Yaal oxe too a doxnoox no ten, a barke’e.

Esayi 50:10

Oxuu saɗarna o Yaal oxe fat a nan-giloox o ñuxur no tag um! Oxuu na ñaaƴaa no niɓaan ole too a ñak a qoolaand, fat a doon a koolax um no gon le no Yaal oxe, a damloox na Roog um!

A kim a tedu ke 107:2

Fat we o Yaal oxe a watna a lay neene, we ta watitna no ɓay no ñaañagadil oxe

A kim a tedu ke 37:40

O Yaal oxe kaa ƴufgaa a den soo a wat a den. Kaa wataa a den no soxodu we soo a mucil a den, yaam kaa njaɓnooxaa me ten.

A kim a tedu ke 36:6

O Yaal oxe, o mbeq of a yaajta nen a asamaan, ngor of a ret boo na eel akaa.

Mace 16:16

Maaga, Simoŋ Piyeer a doonaan ee: «Wo refu Kiristaa fee o Muumucil oxe regteena refna o Ƥeenqe Roog fa ñoow jok fee.»

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

2 Korint 1:10

Roog feene o mat refu oxe wat’ina a in na fa nqon feene, too xan a watahin a in. Ii, i njega yaakaar neene yee xan a watahin a in.

1 Timote 2:3

Keene a faaxa, too a fela a Roog fee o Muumucil in.