1 Timote 3:8 - NQAARIIT NE ROOG

⁸ Diidimle we no mbokatax ne no gimu we itam, wiin gore’u a mbaru o ndef, too a mbañ o saq yememaar mbaat da yeraa a yer a maamu mbaat da mbaaƭaa xaaliis, boo a ndok no calel kaa o leng a andeerna.

1 Timote 3:8 Referans Kwoze

Filip 1:1

Mi Pool fa Timote we faɗ Kiristaa Yeesu na mbindaa a nuun o leetar oleeke. In we simnaa a nuun, nuun tedu we Kiristaa Yeesu ngenna kam teeru fee Filip, nuun fop fo aa-adax nuun fo diidimle nuun.

Tiit 2:3

Jangni itam a nogoy ake da lalit o tedel no ñoow den, a mbañ o ƥanjaa lakas we, a yer a fañ o adin a den. Kaa mbar o njangnaa moxolaare teɓ ke paaxu,

1 Timote 5:23

Ba o dam na foofi soom, yeraa. Waagaa o jangaa o ndik na biiñ, yaam ne o fud ole wo a mayna ke ta jom’andang.

1 Timote 3:3

Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

A paɗax ale 10:9

«Wo fo xa ƥeef, ba nu yer biiñ mbaat a yer a lakas alaa waagna o way o kiin, yaa nu mbugna o ndok no Ƭiif ne um xetteel, yaam ndik nu nqon. Keene xan a ref na nuun fo xa taan nuun kebil naa na refkaa boo kili.

Saak 3:10

Fog es, waree o ref naaga. O don o leng kut ole i niwtaa a Roog, soo laytan paaxeer lakas we.

Tiit 1:7

Kaa o aa-adax a war o ñak ƥanjel, nen oxe Roog a hoolooxna boo a doxnan. Baa ref oxaa ndigil um soom a giñna mbaat ta mat xeeñ. Waree o ref itam oxaa a yer a adinna mbaat ta may balu-balu, xaaliis a waagin o ɓek no andand.

1 Timote 3:12

Diidimle we no mbokatax ne no gimu we, oxuu refna teen kaa war o dam no teem o leng soom, a ɗoxaa xa ƥeem fo mbind um fop no cofel,

Heseki’el 44:21

O saasadax o leng yerkee biiñ yaa ta rokna no maax-kam ole.

A kim a tedu ke 52:2

Kaa naxooxaa ngenar ne Doweg, o Ee-edoom oxe, ye oxeene a hoƥattiidna me Sawul ee Dawid kaa ret’u maa Ahimelek.

A kim a tedu ke 12:2

O Yaal oxe, ƴufgiidi, yaam jofu we owe mbagaa, ngor ne a moocaa a ndeer no wiin we.

A kim a tedu ke 5:9

O Yaal oxe, ɗoxaam kam o cofel of yaam fañ we mi. Fodrandanaam a ƭat ale bugoona um reef.

O leetar ole Pool a bindna GIMU WE NGENNA ROM 3:13

Fa nqon soom na sutooraa na xa paƭanq den, da mbi a ƭelem den naanaxir, fa lay den a ref daŋat saamaand,

A kim a tedu ke 50:19

Paaxeer rek na hataa no don of, too xa maaƥ soom ɗelem of a layaa.

1 Timote 3:2

Yaaga boog, o aa-adax waree o jeg ŋañel. Kaa war o dam no teem o leng soom, a ɓuuɓ, a fod no ke ta fi’aa, a fañ o hupal, o ñoowooƭ um itam ta jagandan, a dalnaa we na ngaraa no mbind um. A wara o ref o baagu a cangin itam.