1 Timote 3:6 - NQAARIIT NE ROOG

⁶ Waree o ref itam oxaa na sogaa o gim, yaam ndik o nga’atinax a rokin, ta yen no kate ne o ƈiƴ oxe a yenna.

1 Timote 3:6 Referans Kwoze

1 Timote 6:4

oxeene kiin kaa magnandooxaa, too andee dara boo dara a fag. Kaa jir, laamit ñaku xoox a damin, ta dapaa fa lay, a dapatinan. Meene o mat, ciisir ke fo qasir ke fo a ben ake fo fooganaa o kiin paaxeer, a ngatu.

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

1 Piyeer 2:2

Nandyo nen xa qeq axaa sogeena o ndim, ñoowtaa fa lay fa nqoolu fee Roog ne da ñoowtitaa fo ɗeen, ndax nu maakaa too muc.

2 Korint 12:7

Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

1 Korint 3:1

Fog es, nu anda yee gariim a gar rek, layaa fa nuun nen kaa nu ndef wiin deyu sik no Yiif le Roog, ndaa nen wiin adna. Kaam jeetaay fa nuun, yelefand a ƭelem es, yaam nu maad o ndefaa xa caaƈ na Kiristaa.

Esayi 2:12

Bes fee no Yaal oxe Hupna fop xan a dal took fop ke magnandooxna fo ke ga’atinooxna, a fudin fop ke yoɗooxna.

Xa peƭit axe 29:23

A magnandax kaa maafaa o yaal um, oxe neewaandooxna mat a niweel.

Xa peƭit axe 18:12

A magnandax na gartaa o njakad, a neewandax o mat a adooxanaa o ndam.

2 Caloori ke 32:25

Kaa koy, Hiskiya anddilooxee paax ke ta fi’aneena, ndax a magnandooxaa. O Yaal oxe a fuuxanaan, a fuuxan a Yeerusaleem fo maat ne Yudaa.

2 Caloori ke 26:16

Kaa koy, o jeg doole le ten a ɓekaan na magnandax, boo a rim no ten kasaara yaam ta gore’aƭarat no Yaal oxe Roog um. Bes, a roka kam Mbind ne no Yaal oxe ndax ta doxan a xoox um cuuraay no sadaxand cuuraay ole.

2 Maad we 14:10

Ke xawoona Ee-edoom we taxu o yoɗ a kand. Felakinooxi no ndam onqeene too moof no mbind of. Xar taxu boo o bug o rok na xire faa malkeeroonga, maa o yenitkaa, wo fo maat ne Yudaa fop?»

A cangatin ale 17:20

ndax xalaatkee yee ten gartu xeet um took too ɗapkee kebil keene na ñamaak mbaat na janoon. Neene, xan a xuuɗ no maat um, ten fo xa ƥeem a ndeer no Ii-isra’el lakas we.»

A cangatin ale 8:14

fat nu mbootoox o magnandoox, mbeecit o Yaal oxe Roog nuun sutitna a nuun no saax laa Misira, maa nu ndeeƭna faɗ.

Yudaa 1:6

Mbetandooxyo malaaka ke ngeek’eerna sañ-sañ fee da cooxeena, soo a nqaƴ kenand ke da njegoodna. Roog a dura a den kam o niɓaan ole na refkaa bo na moos boo moos. Xan a ndef maaga boo na hate fee na bes fa maak faa.

2 Piyeer 2:4

Yaam Roog wuusee malaaka ke mbakaadna, ndaa a deɓa a den kam fiɗel laa. Maaga a ngeekkeel kam o niɓaan ole boo no ñaal naa na hate faa.

2 Timote 3:4

Wiin we no ñaal palakaand ke xan a ndef taatas yaakaar itam, a mat a qeeñ, o mbeq den fop a jagin na qoox den, baneex a moƴan a den a Roog.

YEGIL MBAAX NE YEESU ne Lik a bindtuuna 10:18

Yeesu a laya a den ee: «Ga’aam a Saytaane ta yentiidaa na asamaan nen o hiiñ.

1 Timote 3:7

We mbogeerna no gimu we sax, paax rek a mbarun o andit, ndax bugkaand o jeeraa mbaat ta yenaa no pog ke no ƈiƴ oxe.

Dañel 11:12

O maad oxe no ɓemb-roog o ñamaak xan a xaaƴoor o ndam onqeene, too ke ta warkaa war wiin cuni-cuni fop oo, taxkee o ndam onqeene a suur.