1 Timote 3:4 - NQAARIIT NE ROOG

⁴ A wara waag o ɗoxaa ƥasil um a paax, xa ƥeem, ta yar a den boo da nananan no kuu refna, too a niwin.

1 Timote 3:4 Referans Kwoze

Tiit 1:6

Fat o fi’in yaa ga’oona o koor o cegee ƥanjel, oxaa damna no teem o leng soom, xa ƥeem a ndef gimu, too ba o leng na den a andtel o late mbaat o yarwaƭar.

1 Timote 3:12

Diidimle we no mbokatax ne no gimu we, oxuu refna teen kaa war o dam no teem o leng soom, a ɗoxaa xa ƥeem fo mbind um fop no cofel,

Mberaand 18:19

Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

Tiit 2:2

Jangni a koorgi ke da ƥuuɓ, a njar o niwel, a mbod na pi den, a saq o ngim o nqoolu, a njeg o mbeq, a ndef wiin muñu.

A pi ake 10:2

O koor oxaaga kaa reefoogu a Roog, a saɗarin, ten fo ƥasil um fop. Kaa dimle’oogu rool mayu ndeer no Yaawuur we, soo a gen no xeɗaa a Roog kili.

Yosuwe 24:15

Nu mbugangee o mbaɗoox o Yaal oxe koy, njilyo xaye oxe nu mbugna o mbaɗoox, ta ref roog ke daan nuun a mbaɗooxoogna kaltaa Ofrat mbaat roog ke no Aa-amori we nu ngenna no saax den, ndaa mi fo ƥasil es o mat, o Yaal oxe i mbaɗooxkaa.»

Tiit 2:7

soo wo fa xoox of, o refan a den o ɗeendoor na pi a paax no kuu ta refna ref, jangnaa ta xool, a jeg wargal.

Filip 4:8

Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

Efees 5:24

Neene, o tew oxuu refna a wara o jaɓan o kor um no kuu refna, ne o fog ole no gimu we a jaɓanitna a Kiristaa.