1 Timote 3:3 - NQAARIIT NE ROOG

³ Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

1 Timote 3:3 Referans Kwoze

Tiit 1:7

Kaa o aa-adax a war o ñak ƥanjel, nen oxe Roog a hoolooxna boo a doxnan. Baa ref oxaa ndigil um soom a giñna mbaat ta mat xeeñ. Waree o ref itam oxaa a yer a adinna mbaat ta may balu-balu, xaaliis a waagin o ɓek no andand.

Tiit 3:2

Baa da mben o leng. Fat a ndef wiin jam, a mbod, a ƥuuɓ no fop.

Efees 5:18

Ba nu mbayaa fa biiñ, yaam o luubax soom a ɓekkaa a nuun, ndaa mayyo fo Yiif Tedu le.

1 Timote 3:8

Diidimle we no mbokatax ne no gimu we itam, wiin gore’u a mbaru o ndef, too a mbañ o saq yememaar mbaat da yeraa a yer a maamu mbaat da mbaaƭaa xaaliis, boo a ndok no calel kaa o leng a andeerna.

Saak 4:1

Maafir ke fo qasir ke a ndeer nuun, mam a inooraa? Oxe inooraa na yuxum ake ngenna no ñoxoraa no cer nuun.

Esayi 28:7

Den wene itam kaa njayang-njayangnaa yaam biiñ, soo a yer a qaaɗu xut ake a ngulmandaa a den: Saasadax we fo duleer Roog we kaa tifil-tifilnaa yaam a yer a qaaɗu ke, a njaxasoox yaam biiñ fee. A yer a qaaɗu ke kaa ngulmandaa a den, da tiipaa, yaa da njo’tanaa a Roog soo a layaa xa ƥaral, yaa da ngate’aa.

Hebre 13:5

Baa o ñoow nuun a haan na baaƭ xaaliis soom. Ndamyo no ke nu njegna rek, yaam Roog kaa lay ee: «Xaƴkiroong muk too deɓkiroong»

Tiit 2:3

Jangni itam a nogoy ake da lalit o tedel no ñoow den, a mbañ o ƥanjaa lakas we, a yer a fañ o adin a den. Kaa mbar o njangnaa moxolaare teɓ ke paaxu,

A paɗax ale 10:9

«Wo fo xa ƥeef, ba nu yer biiñ mbaat a yer a lakas alaa waagna o way o kiin, yaa nu mbugna o ndok no Ƭiif ne um xetteel, yaam ndik nu nqon. Keene xan a ref na nuun fo xa taan nuun kebil naa na refkaa boo kili.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

1 Tesalonik 5:14

Fog we, in we maƭooxaa a nuun kene: Soqyo we tayilna, saƭakinaa we mboosna, ndimle’aa we neewna doole, njeg o muñ a ndeer no wiin we fop.

O leetar ole Pool a bindna GIMU WE NGENNA ROM 16:18

Yaam wiin nandu neene, refee yee Kiristaa fee o Yaal in a ndagooxaa, ndaa xa pud den sax sax a ndagooxaa. Kaa ƈiƴtitaa a yiif no gimu we fa lay fa mbelu fa naanaxir.

A pi ake 20:33

Waaƭ’iim xaaliis mbaat wurus mbaat tikoorik no kiin o leng.

Mace 21:13

Maaga, a laya a den ee: «A Pind a Tedu ke a laya yee: ‹Mbind es xan a xoyeel mbind a qeƭ.› Nuun o mat, kaa nu mbi’in ngol no guuɗ.»

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Mise 3:5

Keeke o Yaal oxe a layu no duleer we na mo’andaa xeet es: «Kaa yegnitaa jam, yaa a ñiiñ den a njegna kaa da ƈaxna, we loginkeerna a den tig, da yegin a den xire.

Mise 2:11

A jeg’angaa oxaa na yegnitaa xa koɓong, a maaɓaa a nuun ee: «Biiñ fo a yer a qaaɗu xan a naang gañ», oxeene waagkoogu refan xeet fene o tuleer.

Heseki’el 44:21

O saasadax o leng yerkee biiñ yaa ta rokna no maax-kam ole.

Yeremi 8:10

«Ten taxu, o Yaal oxe a laya yee: Xam coox rew den wiin jan, xa qol den, um coox a den we na njaɓkaa a den. Yaam no ke xotitna no xe moƴna o neew boo no xe moƴna o maak, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Esayi 28:1

Sabab took teeru fee refna o ndip o nga’atinoor onqe no yeeyer say we Efrayim, a ref mbiɗ leeƥu ne o mosel um a jegeerna sen, a fod took a yulanq a caɓu taxar ale no we a yer biiñ a adinna.

O baawaare xe 7:8

O ƴutand tig moƴu o sogan o fer, jeg o muñ a moƴ a magnandax.

Xa peƭit axe 15:27

Oxe buge’na kaa loraa mbind um, oxe jaɓeerna gerel o mat xan a ñoow.

Xa peƭit axe 1:19

Kene refu a las no we na nguuɗaa: Nguuƭ na warkaa a den.

1 Sami’el 8:3

Xa ƥiy xa ƭaq axe Sami’el koy, ndeef’ee o jaf um. Kaa mbex’u xaaliis bo ta hup, a njaɓ o ngerel soo a ngate’taa naa jofeerna.

2 Timote 3:2

Xan wiin we a ƈufanaa a qoox den, xaaliis rek a ref xaariit den, da ndoon a qoox den maa da mbadeerna, a nga’atinoox, a mbenaa a Roog, a mbañ o nanan we ndimna a den, a ndef giñ-a-weec. Xan a ndef waa mbugeerna a ƭat Roog,