1 Timote 3:2 - NQAARIIT NE ROOG

² Yaaga boog, o aa-adax waree o jeg ŋañel. Kaa war o dam no teem o leng soom, a ɓuuɓ, a fod no ke ta fi’aa, a fañ o hupal, o ñoowooƭ um itam ta jagandan, a dalnaa we na ngaraa no mbind um. A wara o ref o baagu a cangin itam.

1 Timote 3:2 Referans Kwoze

2 Timote 2:24

O tag no Yaal oxe waraand o xasraa. Kaa war o jamsa’ooraa kañ fo fop, a waag a cangin, a ref o kiin o muñu.

O leetar ole Pool a bindna GIMU WE NGENNA ROM 12:13

Fog nuun no ngim onqe, nu ƈufig a den yaa da ndefna na soxla, ndalnaa a paax we na ngaraa me nuun.

1 Timote 5:9

Boo o ñaaw a waagaa o fog no ñaaw we na njalanaa o Yaal oxe, a wara o jeg xa kiid qarɓeen ɓetuu fa leng. Fat a ref itam oxaa andoona yee naa ta moofu, no kor o leng kut a damoox’u.

1 Piyeer 4:9

Naangyo ndalniraa a ndeer nuun kam pind ke nuun, too baa ref fo a cadax.

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

Hebre 13:2

Ba nu mbeecit muk ee, nu mbara o ndalnaa we na ngaraa me nuun. Leng-leng we mbesoorna neene, a ndalna malaaka sax too andiran.

Tiit 2:2

Jangni a koorgi ke da ƥuuɓ, a njar o niwel, a mbod na pi den, a saq o ngim o nqoolu, a njeg o mbeq, a ndef wiin muñu.

Filip 2:15

ndax nu ñak sik, nqool, ndef xa ƥiy Roog xa cegee ƥanjel a ndeer no wiin yaqooxu waa ngalafna. Ndeer no weene, kaa o ñoow nuun a meleƈaa nen xa qoor axe na asamaan,

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

1 Timote 4:3

Kaa ngeblaa yee dolnirel waree, a layaa yee ba o leng a ñaam kene mbaat kaana. Kaa koy, ñaamel keene, Roog saku a den, ndax gimu we andna ndigil ne a ñaam a den fo o ngidim.

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

Esayi 56:10

Yeeyetax we Isra’el fop fuul a ndefu. Naangee o anddaa dara, a ndef xa ƥox xa muumu xaa mbaageerna o mbox. Kaa mbondooxaa, a ndef no ƭaaɗaa, too mbaagee o ndeyƭoox o ƭaan.

YEGIL MBAAX NE YEESU ne Lik a bindtuuna 2:36

A jeg’a o tuleer o tew o nogoyu xaa ne’’eena Xaan, a ref o ƥiy Fanwel, a fog no kurcala le Aseer. O toog oxaa andeerna adna a reeƭu boo neen a gilge. Ye ta gilgeena, a moofa fo o kor um boo xa kiid ɓetaa ƭaq,

1 Timote 3:8

Diidimle we no mbokatax ne no gimu we itam, wiin gore’u a mbaru o ndef, too a mbañ o saq yememaar mbaat da yeraa a yer a maamu mbaat da mbaaƭaa xaaliis, boo a ndok no calel kaa o leng a andeerna.

1 Timote 3:12

Diidimle we no mbokatax ne no gimu we, oxuu refna teen kaa war o dam no teem o leng soom, a ɗoxaa xa ƥeem fo mbind um fop no cofel,

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

1 Timote 5:22

Fat o fi o ndang yaa o doonaa o kiin xa ƥay, yaam o bug o roxondin o far kam mbokatax ne no gimu we. Ba o ñofandooxin muk, too ba o fokatoor fo lakas we na bakaad den. Yufti a xoox of, waaƭ o tedel.