1 Timote 3:11 - NQAARIIT NE ROOG

¹¹ Neene a waru o refit itam no rew diidimle we. Mbaree o ƥanjaa lakas we. Fat a ngore, a ƥuuɓ, a mbaagel o ngooloox no kuu ta refna ref.

1 Timote 3:11 Referans Kwoze

Tiit 2:3

Jangni itam a nogoy ake da lalit o tedel no ñoow den, a mbañ o ƥanjaa lakas we, a yer a fañ o adin a den. Kaa mbar o njangnaa moxolaare teɓ ke paaxu,

Tiit 3:2

Baa da mben o leng. Fat a ndef wiin jam, a mbod, a ƥuuɓ no fop.

1 Timote 3:2

Yaaga boog, o aa-adax waree o jeg ŋañel. Kaa war o dam no teem o leng soom, a ɓuuɓ, a fod no ke ta fi’aa, a fañ o hupal, o ñoowooƭ um itam ta jagandan, a dalnaa we na ngaraa no mbind um. A wara o ref o baagu a cangin itam.

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

2 Timote 3:3

a ñak o liir, a mbañ o mbaasantaa, a ƥanjaa lakas we. Mbaagkee o ngarin a qoox den, a yedin, a mbañ ke faaxna.

Xa peƭit axe 10:18

Oxe na fofaa o njaaku kam o maamaaɓ oo, oxe na yaqaa ƭool no lakas a fanxoy.

2 Timote 4:5

Wo o mat, fat o fod no kuu refna, fañ o hupal, jaɓ o coono. Fi’i ke o baawaare Yegil mbaax ne a warna o fi, calel of, o fadnitin ne ta waritna.

1 Timote 6:2

Fat fop we andoona yee yaal pind den a ngima, a mbañ o nqeef yaal den weene, ee yaam a ndamtin na: «Fog i ndefu.» Fat a moƴ o njalan a den sax, yaam ne da ndefna wiin gimu, too a ndefat waa na mbaaƭaa maa da mbi’anitna a den paax. Jangni keene, too maƭin wiin we.

1 Timote 1:12

Kaam gidmaa oxe dif’axama, ta ref Kiristaa Yeesu fee o Yaal in, yaam ne ta ɗeetaxama nen o kore’u, soo a ɓekaam no calel um,

YEGIL MBAAX NE YEESU ne Saŋ a bindtuuna 6:70

Yeesu a doona a den ee: «Nuun xarɓaxay fo ɗik we, ndax refee yee mi jilu a nuun? A jega na nuun koy oxaa fogna no ƈiƴ oxe.»

Mace 4:1

Maaga, Yiif le Roog a ɓisa a Yeesu kam a koƥ-a-ƥor alaa ndax o ƈiƴ oxe a fogin.

Heseki’el 44:22

Ngiligkee o tew o ñaaw mbaat o tew o baase, ndaa xan a ngilig no mboƥ ndoog ne mbaqaqoorna no mbind Isra’el mbaat o ñaaw oxe reeƭna o tew no saasadax.

Yeremi 9:4

Oxuu refna kaa naxaa o kend um, too naagee o layaa ndigil. Kaa merand ɗelem den xa maaƥ, a mbi a mbi paaxeer boo a naang cat.

Xa peƭit axe 25:13

Nen a ƥuuɓaan foofi galaas yaa fo a saxad, neene o tuleer o kore’u a nandu no xe luluuna. Kaa ɓutandaa kam no yaal mbind um.

A kim a tedu ke 101:5

Oxuu na ñu’aa o kend um, xam saŋkin. Jaɓkiim muk oxe na ɗeettaa nga’yaamoo, oxe magnandooxna no xeeñ um.

A kim a tedu ke 50:20

Muu moofoona, o ñu’aa o pog of, fuulnaa ƭool no xe fogtoona yaay fa leng.

A kim a tedu ke 15:3

Yaqkee ƭool no lakas we, fi’kee o kend um paaxeer too wenkee o kentand um.

A paɗax ale 21:7

Mbaree o ndolnir fo o tew oxaa mosna o ref a caga mbaat oxaa niwaƭareena. Ndolnirkee itam fo o tew oxaa o kor um a waasna, yaam o saasadax oxuu refna kaa kesanel a mi, mi fee Roog um.

O leetar ole Pool a bindna GIMU WE NGENNA ROM 1:29

a may muut fo njofaƭar nuu refna, a soxod, a ngalaf, a mbi’aa paaxeer, a may fo ciis, a mbarraa, a nqasraa, a ƈiƴtiraa, a layraa cageer, soo a ñu’raa.