1 Timote 2:8 - NQAARIIT NE ROOG

⁸ Yaaga boog, kaam bug boo goor we a nqeɗaa muu da ndefna ndef, da ndekaa xa ƥay xa qoolu, too a mbaas fuux fo a qalaat a paaxeer.

1 Timote 2:8 Referans Kwoze

A kim a tedu ke 134:2

Yoɗyo xa ƥay nuun farna fo Mbiñ o tedu nqe too simat o Yaal oxe.

A kim a tedu ke 63:4

O don es kaa ɓoxotang o ndam, yaam o mbeq of moƴu o ñoow ole.

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

Tiit 3:8

Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.

Saak 4:8

Matiidyo me Roog, too xan a matiid a nuun. Nuun baabakaad we, mbaasyo bakaad. Nuun wiin a yiif-a-ƭak, sutyo paaxeer na qeeñ nuun.

YEGIL MBAAX NE YEESU ne Lik a bindtuuna 24:50

Yeesu a ɓisa a den boo Betani, too a yoɗa xa ƥay um, a barke a den.

Esayi 1:15

Nu ndekangaa xa ƥay tee kaa nu nqeɗaa, kaam fesaa a nuun o log, yaam ndik um hel o ga a nuun. Kuu nu ndupataa ndupat a qeƭ nuun oo, nan-gilooxkiim, yaam xa ƥay axe nuun kaa yedin.

1 Piyeer 3:7

Nuun gor we itam, yaa oxuu refna na nuun a ñoowaa fo o teem, fat a and ee mbindeef naa moƴuuna o neew doole a refu. Niwyo a den nen waa mbarna o lam fa nuun yirmande fee no ñoow ole, ndax dara waagkee o yaq a qeƭ nuun.

1 Timote 5:14

Kaam bug boog ñaaw we maadna o ndefaa no ndeƥandoong den a ndolookatin, a njegik xa ƥiy, a topatooxaa pind den, too a mbañ o ci fañ in kaa da ŋañitna a in.

A pi ake 21:5

Kaa koy, yaa bes faa a nomtooxiidna, i suura na ñaaƈ in. Gimu waa fop, goor fo rew fo xa ƥiy den a yoona a in boo i sutoox teeru faa. Maaga, i ndalfooxa o ngooknoox na tambando faa no maag olaa, soo ndef no nqeɗaa a Roog.

A pi ake 10:4

Korney a naaga malaaka faa jak a kid kam a kid, a diid bo. A doonaan ee: «O Yaal oxe, xar oo koy?» Maaga, malaaka fee a layaan ee: «A qeƭ ake wo fo sadax ke wo a mbadiida boo mbaambir Roog, too a wetandooxa a den.

A pi ake 10:2

O koor oxaaga kaa reefoogu a Roog, a saɗarin, ten fo ƥasil um fop. Kaa dimle’oogu rool mayu ndeer no Yaawuur we, soo a gen no xeɗaa a Roog kili.

A pi ake 7:60

Cinj kaaga, a gooknooxa, a wuuq a maak, a lay ee: «O Yaal oxe, ba o damit a den bakaad fene.» Cinj a ƭelem akaaga, a ɓuta.

1 Korint 7:7

Ndigil oo, ke moƴan’axama fop a mbi ne fi’uuma, ndaa tanq Roog kaa mbogree. Kaa danqaa oxene kene, oxaana kaana.

A pi ake 10:31

a layaam ee: ‹Korney, Roog a nana a qeƭ of, too a wetandooxa sadax ke o fi’aa.

YEGIL MBAAX NE YEESU ne Saŋ a bindtuuna 4:21

Yeesu a layaan ee: «Tew oxe, dooni nqol no ke um layang, yaam waxtu fee nu mbarateerna o mbaɗoortaa a Faap fee no joong oleene mbaat Yeerusaleem a fadiida.

YEGIL MBAAX NE YEESU ne Lik a bindtuuna 23:34

Yeesu a laya yee: «Faap, waasani a den, yaam andee ke da mbi’aa.» A mbanjanga tikoorik kaa ten, soo a nqaajir a den.

Mace 21:21

Yeesu a doona a den ee: «No ndigil, mexe layaa a nuun ee: Nu njegangaa o ngim, too nu saqee a yiif-a-ƭak, nu mbi’kee ke fi’eena meeke soom, ndaa yaaga nu layangaa o joong olene yee: ‹Inooxi mene, too jimboox kam o maag olaa›, yaaga xan kaaga a jeg.

Mace 5:44

Mi o mat, mexe layaa a nuun ee: Mbexyo fañ nuun, nqeɗanaa we na ñagadilaa a nuun.

A kim a tedu ke 66:18

Boo jeg’uuma no xeeñ es njofaƭar, o Yaal oxe nan-gilooxkoogiraam.

A kim a tedu ke 26:6

Kaam laxadooxaa, ndax um lalit ee xoolaam qac, soo widaa o sadaxand ole wo, wo o Yaal oxe,

A kim a tedu ke 24:4

Ten refu oxe xa ƥay um a lewetna, too xeeñ um a xool, gaañitkee gon no Yaal oxe na xa koɓong too daaɓooxkee na xa maaƥ.

Ke bindeena no xe ne’eena YOB 16:17

Yaag oo toox de xa ƥay es yednee, too a qeƭ es mosee ñak o xool.

Mace 6:12

Waasani a in tooñ ke in, ne i mbaasantaa we tooñna a in,

Xa peƭit axe 21:27

O Yaal oxe kaa sib sadax fee no soxodu we, moƴtaa sax, yaa da ƥoxottuuna a qalaat a paaxeer.

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

A kim a tedu ke 35:13

Ye da njirna, kaam laltoogu naqad es, neewandoortaa koor soo gen no xeɗaa tigi.

1 Maad we 3:11

Maaga, Roog a layaan ee: «Feek keene xeɗo soo fañ o xeɗan a xoox of o xuuɗ-o-ñis mbaat o jeg halal mbaat fa nqon no fañ of, ndax xeɗaa doŋ o jeg-yiif olaa ñaaƴnitoona a ƭat,

A kim a tedu ke 28:2

Nan-gilooxi a qeƭax es, yaa um ƴufginooxang, yoɗaa xa ƥay es farna fo o mbiñ onqe wo moƴna o ted.

A kim a tedu ke 141:2

Fat a qeƭ es a ŋaayiid boo me wo nen cuuraay, xa ƥay es axe letnuuma a nand nen sadax kirand.

1 Korint 1:2

In we simnaa a nuun, nuun mbokatax ne no gimu we ngenna kam teeru fee Korint fop, nuun we Yeesu Kiristaa a tedlandna, a xoy a nuun, ndax nu mbog no ten, simnaa itam fop we na ƈufginooraa gon no Yaal in Yeesu Kiristaa fo muu da mbaagna o ndef.

2 Korint 2:14

Yaasam Roog a simatel, ten oxe na ɗoxaa in kili, in we mbogna na qaaj ale maafna na pexey Kiristaa. Ten na fexeyaa boo i mbaag o andnooraa gon um, nen tuñ pelu kaa pictooxna muu refna.

Filip 1:12

Fog es, kaam bug nu and ee ke dalaxama fop kaa tax Yegil mbaax ne a moƴ o joot.

1 Tesalonik 1:8

yaam fa lay fee no Yaal oxe a jaaƥatiloortiida na nuun. Fa lay feene dayee soom kam Makedoni fa Akayi, ndaa o ngim nuun na Roog a nannooka muu refna. Keene koy, o layatan sax, caali yoo na in.