1 Timote 2:6 - NQAARIIT NE ROOG

⁶ wuusna o ñis um, ndax ta wat a in, in fop. Neene, ye hap fee a fadna, a cooxta seede yee Roog a buga wiin we fop a muc.

1 Timote 2:6 Referans Kwoze

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

Galati 4:4

Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

1 Korint 1:6

Ke seede’aneena a Kiristaa a gena na nuun,

1 Timote 6:15

Yaa hap fee a fadna rek, Roog a ɓisiidkan. Roog feene refu o leng kut oxe jegna katil, a hel o simatel, a ref o Maad oxe no maad we fo o Yaal oxe no yaal we.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Ke bindeena no xe ne’eena YOB 33:24

xan a yirmin soo a lay a Roog ee: «Wateen, ndax rokkee no gamb le na saŋkax ale, yaam jegaam pexey naa wattanuuma.»

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

Tiit 1:3

Ye hap fee a fadna, Roog o Muumucil in a feeñla fa lay um no Yegil mbaax ne ta doxnaxama soo a heblaam ndax um waare’in.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

O leetar ole Pool a bindna GIMU WE NGENNA ROM 5:6

Kaa hupna keene sax, ye i maadaa fo o neew doole in, Kiristaa a xonana jofaƭaru we na waxtu fee Roog a liiƥ’ina.

YEGIL MBAAX NE YEESU ne Saŋ a bindtuuna 10:15

ne andtuuma a Faap fee, Faap fee a andaam. Kaam cooxtaa o ñis es yaam paal ke mi.

YEGIL MBAAX NE YEESU ne Saŋ a bindtuuna 6:51

Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»

Mark 10:45

Yaam o Ƥeenqe no kiin oxe kaa gar, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

Esayi 53:6

Kaa i mbirlooxoogu in fop nen fo mbaal fo mo’u, oxuu refna a sak a ƭat xoox um, ndaa o Yaal oxe a doona took um njofaƭar in, in fop.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Hebre 9:12

Ye Kiristaa a rokna no mbiñ onqaa moƴna o ted jaf leng kut, ɓislooxee fo’oy suk fambe mbaat fo’oy o xeel, ndaa fo’oy um sax sax a ɓislooxu, too a wata a in boo faw.

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

2 Tesalonik 1:10

Xan a gar na bes faaga, ndax ta ɓoxotel o ndam no we mbogna no ten, soo we ngimna no ten fop a kañan. Nuun sax, xan nu mbog no wiin weene, yaam nu ngima seede in.

O leetar ole Pool a bindna GIMU WE NGENNA ROM 16:26

Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

Efees 1:17

Kaam xeɗaa a Roog fee no Yaal in Yeesu Kiristaa, a Faap fee jegna o ndam, ndax ta coox a nuun Yiif le na andnoorkaa a nuun, too a feeñil a nuun a Roog, ndax nu andin.

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

Efees 3:5

Kunpa feene andnoor’aand wiin we no camaane ke mbaafna. Ndiiki koy, Roog, na pexey Yiif le ten, a feeñlaan apootar tedu we ten fo duleer we ten.

Mark 1:15

Kaa layoogu yee: «Waxtu fee a fada, too Maat ne Roog a matiida. Mbesyo pakaad nuun a cinj, too njaɓ Yegil mbaax ne.»

Galati 1:4

O Yaal oxe Yeesu Kiristaa ɓoxotu o ñis um yaam pakaad in, ndax ta mucil a in na jamaane fa mbaaxeer fee ndiiki, ne Roog fee refna Faap in a bugtuuna.