1 Timote 2:5 - NQAARIIT NE ROOG

⁵ Yaam Roog fa leng soom jegu. A jega itam o ndok-a-ndeer o leng kut onqaa refna a ndeer wiin we fa Roog. Ten refu Kiristaa Yeesu o kiin oxe,

1 Timote 2:5 Referans Kwoze

Galati 3:20

O ndok-a-ndeer koy, a ndeer no ɗik a mosu mos o refaa. Roog o leng oo. Yaaga koy, o ndok-a-ndeer soxla’aand.

1 Korint 8:6

Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

Hebre 9:15

Ten taxu Kiristaa a ref o ndok-a-ndeer onqe no ngiɓoor nqas ne refna a tegdinax, ndax we Roog a xoyna a mbaag o ndaaw paax ke na ndefkaa boo faw, too ta reg’un a den. A mbaagaan o ndaaw, yaam Kiristaa a xona, ndax ta wat wiin we no tooñ ke da mbi’’ina ye da ndefna no ngiɓoor eetaand ne.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

A cangatin ale 6:4

«Wo Isra’el, nan-gilooxi! O Yaal oxe Roog in soom refu o Yaal oxe.

Hebre 12:24

Kaam ee, nu matiida a Yeesu fee refna o ndok-a-ndeer onqe no ngiɓoor nqas ne, matiid fo’oy le ten ɓaxeena, too a regaa a nuun kaa moƴna le Abel.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Esayi 44:6

Keeke o Yaal oxe Hupna fop, a ref o Maad Isra’el fo o baawat um, a layu: «Mi refu o eetaand oxe fo o palakaand oxe. Jegee roog fa lakas, a refangee mi.

O leetar ole Pool a bindna GIMU WE NGENNA ROM 10:12

Neene, jegee njektir leng a ndeer o Yaawuur oxe fo o tefee o Yaawuur, yaam o Yaal o leng kut oxe a njegu, too o ten na ci’aa we na ƈufginooxan fop paax um.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

Hebre 8:6

Ndiiki koy, calel ke Yeesu a roxondeena ngupu ke na den, yaam o ten refu o ndok-a-ndeer onqe no ngiɓoor ne moƴna, too a dalnel took a tegit ake moƴna.

Efees 4:6

Roog fa leng kut jegu, a ref Faap no fop, a maadooxaa took fop, a laltinooxaa no fop, soo a gen no fop.

1 Korint 8:4

Um nomtooxiid koy no ke sadaxeena pangool: I anda yee fangool tigi jegee, kaa foogeena rek oo, Roog fa leng kut jegu.

Ke bindeena no xe ne’eena YOB 9:33

A jeg’angaa rek o kaahate a ndeer in, oxaa ɓekna a in o ɓay,

Mace 1:23

«Xan o toog oxaa andeerna adna a ref fo fud, too xan a ñoot o ƥiy o ngoor onqaa na ne’keel Imanu’el», tekitna «Roog oxey fa in».

Mbeeñil 1:13

A ndeer den koy a jeg’a oxaa nandtoogna o ƥiy no kiin, a saq sabadoor naa na ɗooqaa fo o qap wurus no ngang um.

Mace 1:1

Daan we Yeesu Kiristaa fee refna o ndaan Dawid fo o ndaan Abraham a mbinde no safe leeke. Daan weene ndefu:

A pi ake 4:12

Yaaga boog, no ten soom a muc a waage o jegit, yaam jegee ɗuga asamaan gon lakas laa Roog a ci’itna ndeer no wiin we, ndax i muc.»

O leetar ole Pool a bindna GIMU WE NGENNA ROM 1:3

Yegnit um neene koy, kaa jof no Ƥeem onqe fogna no kurcala le Dawid no fo ɓaal,

1 Timote 6:13

Mbaambir Roog fee na ñoownaa kuu refna fo mbaambir Kiristaa Yeesu fee lay’ina ndigil nqoolu qac maa Poons Pilaat, mexe heblang,

1Saŋ 2:1

Xa teɓandoong es, kaam bindaa a nuun keene, ndax nu mbakaadkee. Kaa koy, o kiin a bakaadangaa, i njega o paafarit paam Faap fee, ta ref Yeesu Kiristaa, o cofu xe.

YEGIL MBAAX NE YEESU ne Lik a bindtuuna 14:22

Yaa ta ɓaatinna, o tag oxe a gara, a lay ee: ‹O yaal es, ke heblitoona a fi’e, too a maada o yoqaa a seek.›