1 Timote 2:2 - NQAARIIT NE ROOG

² Fat a mbi’anan maad we fo fop we ndefna wiin maak waa mbarna o niwel, ndax i mbaag o ñoowaa o ñoow o lewu na jam fa jam, ndeefaa a Roog, too ñak ƥanjel.

1 Timote 2:2 Referans Kwoze

Esdaraas 6:10

ndax da ƥoxot a Roog fee na asamaan sadax kaa mbeluuna soo a nqeɗan o ñoow ole no maad oxe fo ole na xa taan um.

Yeremi 29:7

Mbaaƭyo jam fee na teeru fee ɓis’uuma a nuun took o hup doole too nqeɗooxanin o Yaal oxe, yaam jam um xan a ref jam nuun.›

Xa peƭit axe 24:21

O ƥees, saɗari o Yaal oxe fo o maad oxe. Ba o reer tig fo we na siiknooreel,

1 Tesalonik 4:11

Kaam ee fat ngoora nuun a ref no ñoowaa na jam fa jam, topatooxaa calel nuun, ñoowtaa onj nuun ne i ngeblituuna a nuun,

Nehemi 1:11

Ey, o Yaal oxe, rungi nof of boog na qeƭ ale no tag of fo na le no dag of we mbugna o saɗarong! Xaye, fi’i boo fop no tag of a ñaaƴ ta daaw yirmande fee no maad oxe.» Mi reeƭu koy oxe na topatooxaa a yer ale no maad oxe.

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.

O leetar ole Pool a bindna GIMU WE NGENNA ROM 12:18

Mbi’yo fop ke nu mbaagna, ndax nu ñoowaa na jam mbaambir no wiin we fop, a waagangaa o jeg.

A kim a tedu ke 72:1

A kim alaa fogna na ke Salomo yoo. Wo Roog, fi’i ndax o maad oxe a hate’taa nen a wo, o ƥiy onqeene no maad oxe, o doxnin o cofel of.

Filip 4:8

Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

A pi ake 24:16

Ten taxu mi itam oo, um jeemaa kili o jeg yiif dalu laa jegeerna ƥanjel mbaambir Roog fo mbaambir no wiin we.

A pi ake 10:22

A ndoonaan ee: «Korney, o aa-adax no xiixire teemeed luliidu a in. O kiin o paax oo, a saɗar a Roog. Xeet faa no Yaawuur waa fop kaa seede’aa no ten paax. Malaaka Roog yegnun ee ta xoyniidong ndax o gar no mbind um boo ta waag o nan-giloox ke o laykan.»

YEGIL MBAAX NE YEESU ne Lik a bindtuuna 2:25

A jeg’a Yeerusaleem o koor o ne’e Simewon. O kiin oxaaga a jof’a, too a saɗar’a a Roog. A cungooga Isra’el a yaalel. Yiif Tedu le a reeƭa fo ten,

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

2 Sami’el 20:19

In kat, a ƥang in jam a lañu, too kaa i ndamoox na Isra’el, ndaa wo o mat kaa o waaƭaa maa moocandtoona teeru in fee refna nen yaay na Isra’el! Xar taxu boog o bug o yaq lam ne no Yaal oxe?»