1 Timote 1:9 - NQAARIIT NE ROOG

⁹ I anda a paax ee o nanangaa kebil a dalnel, refee yee jofu we taxu, ndaa jofaƭaru we fo luubooxu we fo soxodu we fo baabakaad we. We ngartuuna ndefu itam we niweerna a Roog, we naangeerna o ndeefaa a ƭat Roog fo we na mbaraa we ndimna a den fo waawar lakas we.

1 Timote 1:9 Referans Kwoze

Galati 3:19

Xar taxu kebil ke boog? Kaa ndoon’el teen, ndax da lal wiin we yee kaa ƭapaa ke Roog a bugna boo neene o ndaan onqe jegna ndegit ne a garu. Kebil keene, o ndok-a-ndeer eet’un o daawit no malaaka ke, soo a daawnin wiin we.

1 Piyeer 4:18

Kene refu ke a Pind a Tedu ke a layna: «A soƥangaa yee o cofu xe kaa ɗom o muclel, xar na dalkaa soxodu we fo baabakaad we?»

O leetar ole Pool a bindna GIMU WE NGENNA ROM 5:20

Kebil ke o mat, kaa mbudooxiid, ndax bakaad fee a moƴ o ɓaatoox. Kaa koy, muu bakaad fee a ɓaatoorna, yirmande Roog a moƴ o siw.

Galati 5:23

ƥuuɓ, too ndamoox. Keene koy, kebil leng xañtiran.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

O leetar ole Pool a bindna GIMU WE NGENNA ROM 6:14

Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.

O leetar ole Pool a bindna GIMU WE NGENNA ROM 1:30

Kaa da yaqraa ƭool a ndeer den, a mbañ a Roog, a yarwaƭar, a magnandoox, a kañooxaa, a saɗ no mbexeyaa paaxeer, a mbañ o njaɓan we ndimna a den.

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Tiit 1:16

Kaa ne’ooxaa andu a Roog, too yaaga fop oo a pi den a ñufaa gon Roog. Wiin faaxaƭaru a ndefu, a nanaƭar, a pi a paax a xox a den sup.

1 Piyeer 3:20

ndefna we nanaƭar’ina yaaga ye Roog a maad’ina o muñaa, a soƥ Nowe a jalaa a kaal ale. Wiin mayeer waa ndeeƭna ɓetuu daduk soom ndok’ina na kaal ale mucil’e na pexey foofi le.

Hebre 11:31

O ngim tax’u boo a caga laa ne’’eena Rahab xonandoor’ee fo we nanaƭar’ina a Roog, yaam kaa dalin’u a paax we ngorooxiid’ina teeru feene.

2 Tesalonik 2:8

Maaga, xan mbir ne no njofaƭar ne a feeñ. Kaa koy, xan o Yaal oxe Yeesu a wuuɗin ta fi fo ut, soo a sooynin na pexey a qoolaand ale na kar um.

O leetar ole Pool a bindna GIMU WE NGENNA ROM 4:13

Yaaga boog, refee yee yaam ne Abraham a reefna kebil ke taxu Roog a regin lam ne na adna fee, ten fo xa taan um. Roog kaa reg’un o ten yaam o cofel ole na pexey o ngim um.

Mace 10:21

Xan o kiin a warnoor o pog um ŋaƈit, faap a warnoor o ƥeem, xa ƥiy axe a inooxan we ndimna a den, a mbarnoor a den.

Heseki’el 21:25

na ƭat ale o sexkaa, ndax laƥ ne a fadiid Raba, teeru fee no Aa-amon we, a fadiid itam no Yuuyuda we kam Yeerusaleem, teeru fa njegu saŋe fee.

Yeremi 23:11

O Yaal oxe kaa tee: «Duleer we fo saasadax we sax kaa laawoox. Kam Mbind es sax soƥaam teen kañaan den.

Xa peƭit axe 30:17

Oxe na xaadnooxaa a faap um, a saganit o nanan ole helna a ya um, a tooq ake na ƈufnand ake xan a yul a kid um, soo xa ñeek axe na canjiik ale a listir a den.

Xa peƭit axe 30:11

Sabab took no we na salooxaa paap den, too ngidimkee ya ke den.

Xa peƭit axe 28:24

Oxe na jaɓaa o jeg no we ndimuuna soo a lay ee: «Refee bakaad!» o yoon no guuɗ we yoo.

Xa peƭit axe 28:17

Oxe warna o lakas kaa ƴufanaa fa nqon um. Ba o leng a xañtin o ten.

Xa peƭit axe 20:20

Oxe na salooxaa a faap um fa ya um, xan o ñoow um a nuk nen o lampa ñufu ndeer o niɓaan.

2 Caloori ke 32:21

Maaga, o Yaal oxe a hebliida malaaka ta saŋik xir say we fo aa-adax we no xiixire we fo kelfa ke kam saŋe ne no maad oxe Asuur. A dalfooxa o nomtoox no saax um, a naag ɓot yaam gaci. A roka kam mbind ne na roog fee ten soo xa ƥeem a ngar a mbartin laƥ.

2 Maad we 19:37

Bes, a jopir ta xeɗaa no faɗoorand olaa Nisrok fee ta fi’’ina roog um, ɗik na xa ƥiy axe ten ndefna Adaramelek fa Sareseer a mbartaan laƥ, cinj kaaga, da ƈuf no saax laa Araraat. O ƥeem o lakas onqaa ne’’eena Esar-Hadon a rondandaan.

2 Sami’el 16:11

Dawid a ɓaata o lay a Abisay fo dag waa ten fop ee: «A soƥangaa yee o ƥees ŋaƈit na waaƭaa maa ta wartaxama, xar o Peebensame xene a cungu? Nqaƴeenoo ta salooxaam, yaam o Yaal oxe heblun o ten.

A cangatin ale 27:16

‹Oxuu niwaƭarna a faap um mbaat a ya um a halakooxa!› Fat xeet fee fop a ndoon ee: ‹Amiini!›

A paɗax ale 20:9

Boo o kiin na nuun a salooxna a faap um mbaat a ya um, fat a warel. Ten warnooru a xoox um, yaam ne ta salooxna a faap um mbaat a ya um.

A sutax ale 21:14

Oxuu yuuɓna o warit o kend um nof nqooƭ koy, boo a fi’in, a jaɓnooxangaa no sadaxand ole mi sax, fat a baftel maaga, a warel.

A sutax ale 20:13

Warkiro o kiin.

1 Piyeer 2:7

Nuun we ngimna boog, nuun njegu o njiriiñ onqe no ɓil le, ndaa no we ngimeeruuna, «ɓil le maamax we a ndeɓ’ina, a refata ɓil faraaj le.»

Hebre 12:16

Ba o leng a ref saasaay, too ba o leng a niwaƭar ke jofna na Roog. Neene Esawu a fi’’u boo a jikoox a las taaw ale ten yaam a put a leng soom.

Galati 5:21

A naanga o siisraa itam, too a yeraa a yer a maamu, a ñaamaa kupu, a mbi’aa lakas kaa nandna fo keene. Mexe layaa a nuun ne layit’anuuma a nuun yaaga yee: We na mbi’aa tig nandu neene lamkee Maat ne Roog.

Galati 5:18

ndaa koy, a refangaa yee Yiif le Roog na ɗoxaa a nuun, nu ndefee faɗ no kebil ke.

1 Timote 4:7

Ba o reef muk koy a nax a koɓong ake nguutatirna fo o ngim onqe. Foƭtooxi no reef a Roog,

1 Timote 6:20

Koo Timote, geeki ke doxnee’oona, too wootoox fa lay fa ngoɓong faa guutatirna fo o ngim onqe. Wootooxi itam qasir ke inoorna no ke na xoyeel o and ole, too refiran.

2 Timote 2:16

Wootooxi fa lay fa ngoɓong faa guutatirna fo o ngim onqe. We ngentuuna, kaa moƴkaa o ngoƭaa a Roog rek.

2 Timote 3:2

Xan wiin we a ƈufanaa a qoox den, xaaliis rek a ref xaariit den, da ndoon a qoox den maa da mbadeerna, a nga’atinoox, a mbenaa a Roog, a mbañ o nanan we ndimna a den, a ndef giñ-a-weec. Xan a ndef waa mbugeerna a ƭat Roog,

Tiit 1:6

Fat o fi’in yaa ga’oona o koor o cegee ƥanjel, oxaa damna no teem o leng soom, xa ƥeem a ndef gimu, too ba o leng na den a andtel o late mbaat o yarwaƭar.

Tiit 1:10

A jega koy mayu waa nanaƭarna too a naxtaa wiin lakas we fa lay fa njegee xoox. Wiin weene koy, owe moƴa o mayit no Yaawuur we ngimatna.

Yudaa 1:15

Xan a dalin hate took wiin we fop, a xaw jofaƭaru we yaam njofaƭar ne da mbi’na fop, ye da mbañna a Roog fo a ƭelem a ñexetu ke baabakaad jofaƭaru we a layna no ten fop.»