1 Timote 1:5 - NQAARIIT NE ROOG

⁵ Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.

1 Timote 1:5 Referans Kwoze

1 Timote 1:19

geek o ngim onqe fo yiif jeejooxeer dara. Yiif leene koy, a jega waa naanguuna buc, too kaa ngido kalte o ngim onqe.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

2 Timote 1:5

Boo ndiik, weectiim o ngim o ndiindigil onqe refna na wo. O ngim onqeene a reeƭa na maam of Loyiis, a ref na Eniis fee ya of, too a wooraxam ee oxe na wo itam.

2 Timote 1:3

Ñaal fo o yeng kaam wetandooxang na qeƭ es. Ten taxu itam, gidmaam a Roog fee daan es a ndagooxoogna, too mi itam um dagooxan ndiiki fo yiif dalu.

1 Piyeer 3:21

Kaa reeƭu nitaale’ir na batiise fee na muclaa a nuun ndiiki. Na batiise fee, refee yee ndoƭ cer in i ƥogaa, ndaa kaa ref i nqeɗaa a Roog o njeg yiif jeejooxeer dara. Ten o mat na muclaa a in na pexey a qontax ale Yeesu Kiristaa

1 Piyeer 3:16

Kaa koy, mbi’eenoo fo xeeñ letu, too niw oxuu refna. Njegyo yiif jeejooxeer dara, ndax boo andoona sax ee kaa nu mberanel paaxeer, maaga we na layaa paaxeer na pesoorooƭ a paax nuun na Kiristaa, a ngac’andel.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

2 Piyeer 1:7

no damoox na Roog ole nuun nu nqaariitooraa a ndeer nuun, soo no nqaariitoor ne nuun o mbeq.

O leetar ole Pool a bindna GIMU WE NGENNA ROM 10:4

Mee ndax Kiristaa refu muukandoong ne no kebil ke Moyiis, ndax fop we ngimna a njofandel mbaambir Roog.

Tiit 1:15

We nqoolna, kaa fop a xool na den. We andoona koy ee kaa ndef no ndoƭ, too a ngimaƭar, dara xoolee na den.

1 Timote 3:9

Fo yiif jeejooxeer dara, kaa mbar o ndamoox no ngim onqe da mbeeñleena.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

A kim a tedu ke 51:10

Felakinaam too ɗaaynooraam, ndax cer es ke leeƈ’oona a mbecoox.

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

Saak 4:8

Matiidyo me Roog, too xan a matiid a nuun. Nuun baabakaad we, mbaasyo bakaad. Nuun wiin a yiif-a-ƭak, sutyo paaxeer na qeeñ nuun.

A pi ake 23:1

Pool a naaga jak a kid waa mbog’ina no Mal maak naa, too a lay a den ee: «Fog we, fo yiif dalu ñaaƴtum mbaambir no Yaal oxe boo na bes fee xaye.»

A kim a tedu ke 24:4

Ten refu oxe xa ƥay um a lewetna, too xeeñ um a xool, gaañitkee gon no Yaal oxe na xa koɓong too daaɓooxkee na xa maaƥ.

1Saŋ 3:3

Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

1 Korint 13:1

Mi fa xoox es sax, boo andoona yee kaam ci’’el o waag o lay fo lak no wiin fa fee no malaaka ke, um fexangee lakas we, kaam nandkoogu nen a qiin alaa na ƭawƭawnaa soom.

O leetar ole Pool a bindna GIMU WE NGENNA ROM 14:15

Boo ɓisiidoona o kentand of coono yaam ñaamel kaa o ñaamaa, yaaga fesooratiro nen oxaa jegna o mbeq. Ten taxu ba o mo’noor o pog of yaam ke o ñaamaa, yaam Kiristaa a xonanaan itam.

O leetar ole Pool a bindna GIMU WE NGENNA ROM 9:1

Ke um layiidaa ndigil kak oo. Kaam refan a Kiristaa, too maaɓiim dara. Yiif es jeejooxee, too a seede’anaxam na pexey Yiif Tedu le yee fa lay es ndigil oo.

A pi ake 24:16

Ten taxu mi itam oo, um jeemaa kili o jeg yiif dalu laa jegeerna ƥanjel mbaambir Roog fo mbaambir no wiin we.

A pi ake 15:9

Roog koy, fi’ee njektir leng a ndeer in fa den, yaam o ngim a xoolandtu a qeeñ den.

Mace 12:35

O kiin o paax, tig paax a suttaa no ngeekand um mbaax. O kiin o paaxeer koy, tig paaxeer a suttaa no ngeekand um mbaaxeer.

Mace 5:8

We njegna xeeñ xoolu a ƭaaya, yaam xan a nga a Roog!

1Saŋ 3:23

Keeke refu kebil ne ten: Fat i ngim no gon no Ƥeem Yeesu Kiristaa, too mbexir a ndeer in ne ta heblituuna.

Hebre 13:18

Ngenyo no nqeɗanaa a in boog! A woora a in ee i njega yiif dalu, yaam i mbuga o mbi ke jofna no kuu ta refna.

Hebre 9:14

A reftangaa neene, nam fo’oy le Kiristaa a moƴitkeerun o waag o fi! Na pexey Yiif le na refkaa boo faw, a ɓoxota a xoox um a Roog nen sadax fa njegee sik. Fo’oy um xan a xooland a qeeñ in na pi a qonu ke, ndax i mbaag o njalan a Roog fa ñoow jok fee.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

Yeremi 4:14

O Yaal oxe kaa tee: «Wo Yeerusaleem, ɓogdi xeeñ of no kañaan, ndax o muc. A qalaat a paaxeer of ake kaa ngenkaa kam of boo a mban?

A cangatin ale 10:12

«Ndiiki koy, nuun Ii-isra’el we, o Yaal oxe Roog nuun cungee na nuun lakas, a refangee nu saɗarin, ñaaƴaa kili na ƭat um, mbexin, ndagooxan na qeeñ nuun fop fo na xa laaw nuun fop.

Sofoni 3:7

Kaam layoogu taa kam es ee: ‹Ndiiki koy, Yeerusaleem xan a saɗaraam, a ƭat um a yong na xa soqanqol es. Yaaga ngenand um yaqkaand, too fadinkiim ke hebooxananuuma fop.› Kaa koy, kaa ñof o njimboox na pi a paaxeer a ƥor.

O leetar ole Pool a bindna GIMU WE NGENNA ROM 12:9

O mbeq waree o jeg luq-luq fa leng. Fat nu mbañ ke faaxeerna, soo saaƭoox no fop ke faaxna.

1 Timote 1:18

Timote, wo fee o ƥees, keeke refu a cangin ale um doxnang. Kaa yoon fo fa lay fee we na njo’tanaa a Roog a lay’ina na wo yaaga. Fa lay feene xan a saƭakinong, ndax o waag o maafrel njom mbaax,

1Saŋ 3:10

Mene xa ƥiy Roog fo xa ƥiy no ƈiƴ oxe a andditkeel: Oxuu geneerna no fi’aa cofu, too fexee o pog um, fogee na Roog.