1 Timote 1:18 - NQAARIIT NE ROOG

¹⁸ Timote, wo fee o ƥees, keeke refu a cangin ale um doxnang. Kaa yoon fo fa lay fee we na njo’tanaa a Roog a lay’ina na wo yaaga. Fa lay feene xan a saƭakinong, ndax o waag o maafrel njom mbaax,

1 Timote 1:18 Referans Kwoze

1 Timote 4:14

Ba o yapatil ci’it ne doxnee’oona, too o daawtin na pexey we na njo’tanaa a Roog, a soƥ maak we no mbokatax ne no gimu we a ndoon xa ƥay den took xoox of, a nqeɗanang.

1 Timote 6:20

Koo Timote, geeki ke doxnee’oona, too wootoox fa lay fa ngoɓong faa guutatirna fo o ngim onqe. Wootooxi itam qasir ke inoorna no ke na xoyeel o and ole, too refiran.

Filip 2:22

Nu anda yee Timote a ɗeetloox’e ye ta rokaa no waare’ik Yegil mbaax ne fa mi, a bug o jal fa mi, ne o ƥiy a jaltaa fa faap um.

2 Timote 4:7

Maafreem njom mbaax, fagiɗ o sep ole, too ɗapiim o ngim onqe.

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

2 Timote 1:2

Mi na bindang, wo Timote fee o ƥees onqe fexuuma bo: Yaasam Roog Faap fee fo o Yaal in Kiristaa Yeesu a ci’ong yirmande fa jam, a njeg o liir na wo!

1 Timote 4:4

Ke Roog a sakna fop a faaxa, too dara waraand o diimb, yaa ta jangeena fo o ngidim,

Filemon 1:10

mexe xeɗooxanang a Onesiim. O ƥees oo na Kiristaa, yaam meeke kam kaso fee, faap um refatum no ngim onqe.

Tiit 1:4

Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!

A pi ake 16:1

Cinj kaaga, Pool a fadiida Derbe, a suur Listeer. Maaga, a jeg’a o taalbe xaa ne’eena Timote, o ƥiy no tew o Yaawuur o kimu, too faap um a reeƭu o Keegeres.

1 Korint 4:17

Keene o mat taxu um luliid a Timote me nuun, ten fee refna o ƥees o ngore’u no Yaal oxe. Boo ta garna xan a wetand a nuun me dakuuma fa Kiristaa Yeesu fo ne um jangnitaa a ndeer pokatax ke no gimu we fop.

1 Korint 9:7

No xiixire we, an na inooxaa, a ñoowaa no njiba um? An mosu o duuf a ƭing biiñ, too moɗee na xa tim axe? Nu mosa o nga o kaynaak oxaa xañteena a qaf fo sis no naak ke ta gayaa?

1 Timote 1:5

Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.