1 Timote 1:17 - NQAARIIT NE ROOG

¹⁷ Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

1 Timote 1:17 Referans Kwoze

Mbeeñil 19:1

Cinj kaaga, nanaam o ñuxur o maak ta inoor no faan no wiin mayu na asamaan, a xaanaa yee: «Haleluyaa! Roog in kaa muclaa! O ndam fa katil a ngelaan!

1 Caloori ke 29:11

O Yaal oxe, wo jegu o magnel fa katil fo o mosel fo o ndam fo o niwel. Fop ke refna na asamaan fo took lanq ke wo jegun, yaam wo refu o maad, o Yaal oxe no pindel ke fop.

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

Kolos 1:15

Kiristaa refu nitaal Roog fee a ngid a waageerna o ga, a ref taaw um yaaga dara sakafulaand.

Mbeeñil 19:16

No ndoki ne ten fo na ñaal ale ten gon lene a binde: «O Maad oxe no maad we fo o Yaal oxe no yaal we.»

O leetar ole Pool a bindna GIMU WE NGENNA ROM 1:23

O ndam onqe helna a Roog fa mbaafkeer fee kaa ƥoxotan nitaal o kiin mbaat ndiiƭ mbaat muumeen mbaat ƥood ndefna kaa na sooƴaa.

A kim a tedu ke 45:6

O maad oxe, a kas ake wo a mbeela, xan qeet ke a yen na caf of, fañ of a ndoomel na qeeñ.

Mbeeñil 19:6

Cinj kaaga, nanaam o ñuxur no faan maak ta fangoortaa nen poofi cegu doole kaa na nqawraa, a saxit nen fangax ƭuuɗ maak. Kaa xaanoogu yee: «Haleluyaa! O Yaal oxe Roog in fee jegna katil, oxe maadooxaa!

1Saŋ 4:12

O leng mosee o ga a Roog. Boo i mbexirna a ndeer in, Roog kaa genaa na in, soo o mbeq um a fadnoor na in.

YEGIL MBAAX NE YEESU ne Saŋ a bindtuuna 1:18

O leng koy mosee o ga a Roog. Roog o Ƥiy o leng kut onqe rimeena, too a moƴ o mat a Faap fee, andnoorun.

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

A kim a tedu ke 90:2

Yaaga xa coong axe njegafulee, yaaga sax sakafuliro lanq ke fa adna fee, yaaga boo fa ndiik wo refu Roog, too wo na refkan bo na moos boo moos.

A kim a tedu ke 10:16

O Yaal oxe refu o maad boo faw, we mbaɗooxeeruuna xan a moocandel no saax um.

Mbeeñil 15:3

Kaa nqaanoogu a kim ale Moyiis fee o tag Roog, a nqaanaa itam a kim ale no Mbaal onqe Roog. Kaa nqaanoogu yee: «O Yaal oxe Roog fee jegna katil, a pi of kaa magin, too a mos! Wo daali maad no qeet ke! Mee ndax yuuƥ ke wo kaa njof, too ndigil kak a ndefu.

Mbeeñil 7:12

A laya yee: «Amiini! Yaam a simat fo o ndam fo o and fo o ngidim fo o niwel fa katil fa doole a ngela a Roog in bo na moos boo moos! Amiini!»

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

1 Piyeer 5:11

Ten jegu katil bo na moos boo moos. Amiini.

Hebre 11:27

O ngim tax’u Moyiis a sutoox saax laa Misira, too diid’ee fuux le no maad oxe. Kaa naag’u diŋ a saƭik wee ndax kaa ɗeetoogu oxe waagaandeena o ga.

O leetar ole Pool a bindna GIMU WE NGENNA ROM 16:27

Yaasam Roog fee jegna o and, ten soom, a ɓoxotel o ndam boo faw na pexey Yeesu Kiristaa! Amiini.

O leetar ole Pool a bindna GIMU WE NGENNA ROM 11:36

Yaam fop no ten a inooru, a sakoor no ten soo a refanin. Roog feene a hela o ɓoxotel o ndam boo faw! Amiini.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

O leetar ole Pool a bindna GIMU WE NGENNA ROM 1:20

Naa adna a sake, ke waagaandeena o ga na Roog, refna katil mbaafkeer ne ten fo ke ta refna, a mbeeña no ke ta sakna. Meene o mat, wiin we a mbaagu o andit a den. Ten taxu boog, mbaagkaand o mbaasan,

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Mace 25:34

Maaga, xan o Maad oxe a lay we ndefna na ñamaak um ee: ‹Ngaryo, nuun we Faap es a barke’na. Njangyo Maat ne nu njagandan’eena yaaga adna a sogaa feroox,

Malaki 1:14

Sabab took no naanax oxe jegna kam o siir um njegel ngiñu naa ta regaxama, mi o Yaal oxe, soo a guut, a sadaxaam njegel siku, yaam a woora yee o maad o maak refum, too gon es kaa saɗarnoox kam qeet ke fop. Keene o Yaal oxe Hupna fop a layu.

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

Dañel 7:14

A ɓoxote ngelfa fo o ndam fo maat, ndax qeet ke fop fo a saax ake fop fo wiin we no lak ke fop a mbaɗooxin. Ngelfa ne ten xan a ref boo faw too jegkee muukandoong, xan a maadoox bo na moos boo moos.»

Dañel 4:34

Ndiiki koy, mi Nebukadnesaar, kaam simataa, tagasaa soo ɓoxotaa o ndam o Maad oxe na asamaan. Ke ta fi’aa fop kaa xot a ƭat, a pi um a njof, too a waaga neewand we na ñoowaa na magnandax.»

Yeremi 10:10

Kaa koy, o Yaal oxe refu Roog fa ndigil fee, a ref Roog fa ñoow jok fee, o maad oxe na refkaa boo faw. A fuuxangaa, lanq ke a yo’noox, too qeet ke ngatlee xulmbax um.

A kim a tedu ke 145:13

Xan o maadooxaa boo faw, too maat of xan a ref no suk boo no suk. O Yaal oxe kaa gore na tegit um, soo a jeg o mbeq na pi um fop.

A kim a tedu ke 106:48

O Yaal oxe Roog fee Isra’el a hela gidmel bo na moos boo moos, too fat xeet fee fop a lay ee: «Amiini! Haleluyaa!»

Nehemi 9:5

Cinj kaaga, Leelewi we ndefna Yesuwa, Kadmi’el, Bani, Hasabneya, Serebiya, Hodiya, Sebaniya fa Petahiya a mbalalooxa yee: «Inooxyo, ngidim o Yaal oxe Roog nuun, bo na moos boo moos.» «O Yaal oxe, fat oxuu refna a niw gon of jegu o ndam, o magnel um a hupna o ngidim onquu refna fo a simat aluu refna.

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

A kim a tedu ke 57:11

yaam o mbeq of a yaajta nen a asamaan, soo ngor of a ret boo na eel akaa.

A kim a tedu ke 45:1

O yaal a ƭat ale no jeejeek we a xoolne yee a kim alene kaa saq o jangooƭ a kim ale ne’eena «Soble-tooq». A cangtax alaa gimeena yoo, a fog na ke no Kookoora we. A kim mbugir oo.

A kim a tedu ke 41:13

Damtaxamo, yaam ne ñakuuma ƥanjel, soo dalnaam mbaambir of boo kili.

YEGIL MBAAX NE YEESU ne Saŋ a bindtuuna 5:44

Kaa koy, nam nu mbaagu o ngimit sax, nuun we na ƈufanaa o ndam o ngatu no wiin we, mbañ o naaɓ o ndam o ngatu na Roog?

O leetar ole Pool a bindna GIMU WE NGENNA ROM 2:10

We na mbi’aa paax fop o mat, xan Roog a ci a den o ndam fo o niwel fa jam, a eetit no Yaawuur we, cinj kaaga no we ndefeerna Yaawuur,

Hebre 2:7

Neewnaano o ngap onqaa malaaka ke a ngupuuna, ci’aano o ndam fa tedaanga da ndef nen o ndip no maad,