1 Timote 1:16 - NQAARIIT NE ROOG

¹⁶ Kaa koy, ne laytanuuma, kaam daaw yirmande, ndax Kiristaa Yeesu a eet o laltit na mi o muñ um fop. Neene, xam ref o ɗeendoor mbaambir no we na ngimkaa no ten, ndax da njeg o ñoow o fagkeer ole.

1 Timote 1:16 Referans Kwoze

1 Timote 1:13

mi fee andoona yee yaaga, kaam reeƭu oxaa na wenan, ñagadilaa we ngimna no ten, ref o kiin fo’oy. Kaa koy, daawaam yirmande, yaam kaa and’iim ke um fi’aa, took o ñak o ngim.

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

YEGIL MBAAX NE YEESU ne Lik a bindtuuna 7:47

Ten taxu, mexe layang o ten ee: O mbeq o maak onqe ta feeñilna, a lalta yee pakaad mayu ke ten a mbaasane. Kaa koy, oxe waasaneena o ndik, o ndik rek a fexaa.»

2 Piyeer 3:15

Ƭeetaqinyo ne o Yaal in a muñtaa ndax nu muc. Keene refu ke o pog in Pool a bindna a nuun itam, na pexey o jeg-yiif ole Roog a cooxuuna.

2 Piyeer 3:9

O Yaal oxe ñakkee o fadin muk a tegit um, ne leng-leng a mboogtuuna. Kaa koy, a jega o muñ na nuun, yaam bugee o leng a saŋkoox, ndaa kaa bug fop a mbes pakaad den a cinj.

A kim a tedu ke 25:11

O Yaal oxe, waasanaam tooñ es yaam oxe refoona, tooñ es ke mayna lool.

1 Piyeer 3:20

ndefna we nanaƭar’ina yaaga ye Roog a maad’ina o muñaa, a soƥ Nowe a jalaa a kaal ale. Wiin mayeer waa ndeeƭna ɓetuu daduk soom ndok’ina na kaal ale mucil’e na pexey foofi le.

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

YEGIL MBAAX NE YEESU ne Saŋ a bindtuuna 3:36

Oxuu gimna no Ƥeenqe, a jega o ñoow o fagkeer ole. Oxuu nananeeruuna koy, jegkee o ñoow oleene, too fuux le Roog oxe cay took um.»

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

A pi ake 13:39

Neene itam, oxuu gimna no ten, a ɗeete nen o cofu yaam o ten. O cofel o nandu neene koy, nu mbaagiran o njegit na pexey kebil ke Moyiis.

YEGIL MBAAX NE YEESU ne Saŋ a bindtuuna 6:54

Oxuu ñaamna cer es, a yer fo’oy es, a jega o ñoow o fagkeer ole, too na bes fa mbalakaand faa xam xontooxnoorin.

YEGIL MBAAX NE YEESU ne Saŋ a bindtuuna 6:40

Ke Faap es a bugna refu yee oxuu ga’na o Ƥeenqe, too a gim no ten, a jeg o ñoow o fagkeer ole, too xam xontooxnoorin no ñaal mbalakaand naa.»

Esayi 55:7

Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.

Esayi 43:25

Yaqanee koy, mi na fortaa pakaad of yaam oxe refuuma, too wetandooxkatiim tooñ of.

Esayi 1:18

O Yaal oxe kaa tee: «Ngaryo i layoor. Pakaad nuun a yaxgangaa nen fo’oy, xan a ndanig taw nen galam fo jem, a yaxgangaa coy, xan a ndanig fur nen fa liit.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

2 Tesalonik 1:10

Xan a gar na bes faaga, ndax ta ɓoxotel o ndam no we mbogna no ten, soo we ngimna no ten fop a kañan. Nuun sax, xan nu mbog no wiin weene, yaam nu ngima seede in.

Efees 1:12

Fat i simat boog o magnel ole Roog, in Yaawuur we ndoonna yaakaar in na Kiristaa yaaga garafulee.

Efees 1:6

Yaaga boog, fat i simat a Roog yaam yirmande um fee ta ci’na a in no fud o letu no Ƥeem onqe ta fexna fex.

2 Korint 4:1

I ndeɓkee muk njambaar in, yaam ne Roog a lasna a in calel keene na pexey o paaxel um.

O leetar ole Pool a bindna GIMU WE NGENNA ROM 15:4

Ke i soƥna kam a Pind a Tedu ke fop kaa mbind’el yaaga, ndax ta jangin a in o muñ, a ci a in a yaalax. Neene, xan i njeg yaakaar na pexey a Pind a Tedu ke.

YEGIL MBAAX NE YEESU ne Saŋ a bindtuuna 6:37

We Faap fee a ci’axama fop, xan a ngar me mi, too koy o mat, sutkiim muk oxaa garna me mi.

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

YEGIL MBAAX NE YEESU ne Lik a bindtuuna 23:43

Yeesu a doonaan ee: «No ndigil, mexe layang ee: Xaye fee xaye sax o rok fa mi kam arjana.»

YEGIL MBAAX NE YEESU ne Lik a bindtuuna 15:10

Neene itam, mexe layaa a nuun ee: Xan o ɗaay o maak a jeg mbaambir no malaaka ke Roog yaam o paabakaad o leng kut oxaa fesna pakaad um a cinj.»

2 Caloori ke 33:19

A qeƭ ale ten fo ne Roog a jaaɓtuuna, tooñ ke ten fo ngore’aƭar ne ten, fo mbiñ ne ta max’ina a ñaang a sadaxand ake, soo a lup maaga xa taaƴ axe Asera fo nitaal ke yaaga neewandooxafulee, keene fop kaa mbindel no «Safe le Hosay».

A lim ale 23:3

Balam a laya a Balak ee: «Geenooxi mene paam sadax toxel of, too xam riƈatoox. Xeƈa xan o Yaal oxe a xetiid fa mi, too xa ƭelem axe ta feeñilkaxam fop, xam yegnong a den.» Maaga, a reta a ŋaay took ñaang laa saxeerna tig.

A sutax ale 34:8

Ndak fo ndak, Moyiis a gunga, a xeɗ, a lay ee:

1 Korint 7:25

Jegiim koy kebil inooru no Yaal oxe a jof no roog we fo mbes ke, ndaa xam lay xalaat es, nen oxaa o Yaal oxe a ci’na yirmande boo ta waag o ref gor.